Create successful ePaper yourself
Turn your PDF publications into a flip-book with our unique Google optimized e-Paper software.
_____________Milli Kitabxana_____________<br />
O keçir şəhərin daş yaxasından,<br />
Hər evdə, eyvanda axar su gülür.<br />
Sanki dəli Kürün hər damlasında<br />
Ulu babaların arzusu gülür.<br />
Qoy nəğməm əbədi düşsün dillərə,<br />
Zəhmətlə öpüşsün, gül baxtım mənim.<br />
O suyu gətirən polad əllərə,<br />
Ömürlük borcludur paytaxtım mənim.<br />
Göz vurub Xəzərə,<br />
Duzlu gözələ<br />
Şirin bulaq kimi süzülür gəlir.<br />
Ömürlər üstünə bir ömür gəlir,<br />
Bakıya Kür gəlir, mavi Kür gəlir.<br />
YOL AYRICINDA<br />
Yazda gömgöy olan bağlar,<br />
Payızda tez sovuşurlar.<br />
Sevgililər ayrılırlar,<br />
Sevgililər qovuşarlar<br />
yol ayrıcında.<br />
De, nə gördüm bu həyatda,<br />
Gah yatmışam, oyanmışam.<br />
İlk eşqimin çətri altda<br />
Bir sükutla dayanmışam<br />
yol ayrıcında.<br />
İstər indi, istər qədim,<br />
Könül küsür, qəlb barışır.<br />
Bəzən olur, nə gizlədim,<br />
Ürəklər də haçalaşır<br />
yol ayrıcında.