İslam Səfərli

Günəş kimi təmizdir,
Safdır sənin niyyətin.
Ellərə ömür verir,
Həyat verir sənətin.
Qoy toxunsun sinəmə,
O şəfqətli əllərin.
Ürəyinlə dinlə bir,
Ürəyimin tellərin.
_____________Milli Kitabxana_____________
Söylə, intizarını
Nə vaxtadək çəkim qız?
Oxuyuram səninçün
Bu nəğməni, həkim qız!..
AĞ ŞANI, QARA ŞANI
Xəzərin ağ şanısı,
Bağların nişanlısı.
Qızıl qumda yaqutum,
Qızılım, Alışanım,
Qoşa şanım.
Nəqarət
Günəşin ilk zəri,
Bakının cövhəri,
Abşeron nabatı,
Bağların şəkəri,
Meynələr ulduzu,
Torpağın ülkəri,
Qara giləm, ay ağ giləm,
Qoşa giləm mənim.