Create successful ePaper yourself
Turn your PDF publications into a flip-book with our unique Google optimized e-Paper software.
_____________Milli Kitabxana_____________<br />
Bəzən bütün yataqxana uyuyan zaman,<br />
Təkcə mənim otağımın işığı yanmış.<br />
İş üstündə görüşdüyüm neçə qəhrəman,<br />
Gözlərimin önündəcə gəlib dayanmış.<br />
Beş il tamam qayğı çəkən, ey əziz ana!<br />
Tələbələr unutmamış haqq-sayını.<br />
Kim tərk etmiş məndən qabaq bu çarpayını?<br />
Söylə görüm, söylə görüm ey yataqxana,<br />
Bəlkə, o gənc geoloqdur dağlar içində?<br />
Bəlkə, indi müəllimdir, kənddə dərs deyir?<br />
Bəlkə qoca Miçurin tək bağlar içində,<br />
Ağaclara sənətilə yeni can verir?<br />
Bəlkə elmi əsərini o qurtararaq,<br />
Vaqif olur fəlsəfənin dərinliyinə?<br />
Bəlkə, cavan bir şairdir, fikrə dalaraq,<br />
Yurdumuzun cəlalına söz qoşur yenə?!<br />
Yataqxana, aylar gəlib, illər getsə də,<br />
Gül açacaq ürəyimin bu xoş niyyəti.<br />
Unutmaram, unutmaram yüz il ötsə də,<br />
Sənin ana qoynundakı səmimiyyəti...<br />
EY QAPIMI DÖYƏN İL<br />
Ey qapımı döyən il,<br />
Səni görməsəm də mən,<br />
Gül dəstə bağlamışam<br />
Səninçin qar gülündən.<br />
Ləpir salıb qar üstə,<br />
Düz qapıma gəlmisən.<br />
Evimdəki qonaq tək,<br />
De, sən də gözəlmisən?