MEХANİKA
MEХANİKA
MEХANİKA
Create successful ePaper yourself
Turn your PDF publications into a flip-book with our unique Google optimized e-Paper software.
Koordinatalar sisteması. Berilgen esaplaw sistemasında aralıq (qashıqlıq), sızıqlar,<br />
tuwrılar, mu’yeshler ha’m tag’ı basqa tu’sinikler anıqlang’an bolsın. Olar arasındag’ı qatnaslardı<br />
anıqlaw ma’selesi eksperimentallıq ma’sele bolıp tabıladı. Geypara qatnaslar o’z-o’zinen<br />
tu’sinikli, ayqın, da’llilewdi talap etpeytug’ın qatnaslar bolıp tabıladı. Bunday bolg’an qatnaslar<br />
(qatnaslar haqqındag’ı anıqlamalar) aksiomalar dep ataladı (mısalı Evklid aksiomaları).<br />
Aksiomalardın’ ha’r qıylı sistemaları ha’r qıylı geometriyag’a alıp keledi. Geometriyalardın’ ha’r<br />
biri haqıyqıy du’nyada bar bola alatug’ın qatnaslardın’ geometriyalıq modeli bolıp tabıladı. Tek<br />
eksperiment g’ana sol geometriyalardın’ qaysısının’ biz jasap atırg’an fizikalıq du’nyanın’<br />
geometriyalıq modeli ekenligin ko’rsete aladı. U’lken qashıqlıqlarda (10 -16 metrden 10 25 metr<br />
aralıqlarında) Evklid geometriyasının’ u’lken da’llikte durıs ekenligin joqarıda aytıp o’tken edik.<br />
Endigiden bılay meхanikanı u’yreniw barısında qaysı geometriyanın’ qollanılıp atırg’anlıg’ı atap<br />
aytıp o’tilmese Evklid geometriyası qollanılıp atır dep tu’siniwimiz kerek.<br />
Materiallıq noqat yamasa qattı denelerdin’ qozg’alısın ta’riplew ushın noqatlardın’ awhalın<br />
beriw usılın kelisip alıw kerek. Materiallıq noqattın’ «adresinin’» esaplaw sistemasındag’ı<br />
oyımızdag’ı noqattın’ «adresi» menen anıqlanatug’ınlıg’ın aytıp edik. Solay etip esaplaw<br />
sistemasında ha’r bir noqattın’ «adresin» anıqlaw ma’selesi payda boladı. Sonın’ menen birge<br />
ha’r bir noqat basqa noqattikinen basqa anıq «adreske» iye bolıwı kerek. Al ha’r bir «adres»<br />
belgili bir noqatqa sa’ykes keliwi kerek. Mısalı ku’ndelikti turmısta ha’r bir u’y adreske iye<br />
(ma’mleket, qala, ko’she ha’m tag’ı basqalar). Usınday etip «adresti» beriw u’yler, ma’kemeler,<br />
oqıw orınları ha’m basqalar ushın qanaatlanlırarlıq na’tiyje beredi. Biraq bunday etip «adresti»<br />
beriw esaplaw sistemasının’ barlıq obъektleri ushın qollanılmaydı. Mısalı ayqın joldın’<br />
boyındag’ı ayqın oyda jıylang’an suwdın’ adresi berilmeydi. Al fizikag’a bolsa oblastlardın’<br />
emes, al noqatlardın’ adresin anıqlaytug’ın sistema kerek. Bunın’ ushın geometriyadan belgili<br />
bolg’an koordinatalar sisteması paydalanıladı.<br />
Koordinatalar sistemasın kirgiziw (izertlewler ju’rgiziw ushın a’melge endiriw) esaplaw<br />
sistemasındag’ı ha’r qıylı noqatlarg’a «adresler» jazıp shıg’ıwdın’ usılın kelisip alıw degen so’z.<br />
Mısalı Jer betindegi noqattın’ «adresi» o’lshemi mu’yeshlik gradus bolg’an sanlar ja’rdeminde<br />
beriledi dep kelisip alıng’an. Birinshi sandı ken’lik, al ekinshisin uzınlıq dep ataydı. Jer betindegi<br />
ha’r bir noqat meridian menen paralleldin’ kesilisiwinde jaylasadı. Sonlıqtan sol noqattın’<br />
«adresi» palallel menen meridiang’a jazılg’an eki san menen beriledi. Usınday etip «adres»<br />
anıqlang’anda bir ma’nislilik ta’miyinleniwi tiyis. Bul ha’r bir meridian menen ha’r bir<br />
parallelge anıq bir sannın’ jazılıwı menen a’melge asadı.<br />
Ken’isliktin’ o’lshemler sanı. Biz joqarıda ko’rgen jer betindegi noqattın’ «adresin»<br />
anıqlaw ma’selesi sa’ykes eki sandı anıqlaw menen sheshiledi. Bul jerde za’ru’r bolg’an<br />
sanlardın’ sanının’ eki bolıwı u’lken a’hmiyetke iye. Sebebi noqattın’ awhalı (turg’an ornı) Jer<br />
betinde anıqlanadı. Noqattın’ tegisliktegi awhalı eki san ja’rdeminde anıqlanadı. Basqa so’z<br />
benen aytqanda tegislik eki o’lshemli ken’islik bolıp tabıladı.<br />
Biz jasaytug’ın ken’islik u’sh o’lshemli. Bul ha’r bir noqattın’ awhalı u’sh sannın’<br />
ja’rdeminde anıqlanatug’ınlıg’ınan derek beredi.<br />
Ko’p o’lshemli ken’isliktn’ de bolıwı mu’mkin. Eger ken’isliktegi noqattın’ awhalı n dana<br />
san menen anıqlanatug’ın bolsa, onda n o’lshemli ken’islik haqqında ga’p etemiz. Fizika<br />
iliminde ken’islikke tiyisli bolmag’an o’zgeriwshiler haqqında aytqanda ko’p jag’daylarda usı<br />
ken’isliklik emes o’zgeriwshiler ken’isligi haqqında aytıladı. Mısalı fizikada bo’lekshenin’<br />
impulsi a’hmiyetli orın iyeleydi. Sonlıqta bir qansha jag’daylarda impulsler ken’isligi haqqında<br />
aytqan qolaylı. Bunday ken’islikke bo’lekshenin’ impulsin ta’ripleytug’ın bir birinen g’a’rezsiz<br />
bolg’an shamalardı jazamız («adresti» anıqlaw ushın sonday shamalar qolanıladı). Usınday etip<br />
ulıwmalastırılg’an tu’siniklerdi paydalanıw so’zlerdi qollanıwdı kemeytedi, barlıq talqılawlar<br />
tu’siniklirek ha’m ko’rgizbelirek boladı.<br />
21