MEХANİKA
MEХANİKA
MEХANİKA
Create successful ePaper yourself
Turn your PDF publications into a flip-book with our unique Google optimized e-Paper software.
sa’ykes kelmey qaladı. Birinshi jag’dayda sızg’ıshlardın’ uzınlıqları ten’ dep juwmaq<br />
shıg’aramız. Al ekinshi jag’dayda bir sızg’ısh ekinshisinen uzın dep esaplaymız.<br />
Fizikalıq qa’siyetlerdi o’lshew dep qa’siyetlerdi salıstırıw sanlardı salıstırıw jolı menen<br />
a’melge asırıwg’a alıp keletug’ın usı qa’siyetke belgili bir sandı sa’ykeslendiriw protsedurasın<br />
aytamız. Biz joqarıda qarap o’tken mısalda ma’sele ha’r bir sızg’ıshqa onın’ uzınlıg’ın<br />
ta’ripleytug’ın belgili bir sandı sa’ykeslendiriwden ibarat boladı. Sonlıqtan da bunday jag’dayda<br />
berilgen san birqansha sızg’ıshlar ishinde uzınlıg’ı usı sang’a sa’ykes keliwshi sızg’ıshtı ayırıp<br />
alıwg’a mu’mkinshilik beredi. Usınday usıl menen anıqlang’an qa’siyet fizikalıq shama dep<br />
ataladı. Al fizikalıq shama bolıp tabılatug’ın sandı anıqlaw ushın qollanılg’an protsedura o’lshew<br />
dep ataladı.<br />
13<br />
O’lshew boyınsha en’ a’piwayı protsedura to’mendegidey boladı:<br />
Bir neshe sızg’ısh alamız. Solardın’ ishindegi en’ uzının biz etalon sıpatında qarayıq. Usı<br />
etalon sızg’ıshtın’ bir ushınan baslap ten’dey aralıqlarda noqatlar belgilep shıg’amız. Al<br />
sızg’ıshtın’ usı ushındag’ı noqatqa belgili bir san belgileymiz (mısalı nol menen belgileniwi<br />
mu’mkin). Bunnan keyin qon’ısı noqattan baslap sızg’ıshtın’ ekinshi ushına qarap noqatlardı<br />
ıqtıyarlı nızam boyınsha o’siwshi sanlar menen belgilep shıg’amız (mısalı 1, 2, 3 h.t.b. sanlar).<br />
A’dette sızg’ıshtag’ı bir birinen birdey qashıqlıqta turg’an noqatlardı shkala dep ataydı. Endi<br />
basqa sızg’ıshlardı alıng’an etalon sızg’ısh penen salıstırıw mu’mkinshiligi payda boldı.<br />
Na’tiyjede o’lshenip atırg’an ha’r bir sızg’ıshtın’ uzınlıg’ı ushın anıq san alınadı. Usınday usıl<br />
menen en’ ko’p sang’a iye bolg’an sızg’ısh en’ u’lken uzınlıqqa, al birdey sanlarg’a iye<br />
sızg’ıshlar birdey uzınlıqqa iye dep juwmaq shıg’aramız. Sonın’ menen birge sızg’ıshtın’<br />
uzınlıg’ına o’lshemleri joq san sa’ykes keledi.<br />
Biz qarap shıqqan usılda uzınlıqtı o’lshegende etalon retinde qabıl etilgen sızg’ıshtag’ı<br />
noqatlar sanın qosıp shıg’ıw talap etiledi. Bul bir qansha qolaysızlıqtı tuwdıradı. Sonlıqtan da<br />
a’dette qolaylı shkalanı payda etiw ushın to’mendegidey ha’reket etedi. Bazı bir sızg’ısh alınıp,<br />
onın’ uzınlıg’ın l ge ten’ dep qabıl etedi. Bul l sanın o’lshew birligi dep ataymız. Basqa<br />
sızg’ıshlardın’ uzınlıqları uzınlıg’ı l ge ten’ etip alıng’an sızg’ıshtın’ uzınlıg’ı menen salıstırıw<br />
arqalı anıqlanadı.<br />
Bunday jag’dayda uzınlıq l ge ten’ etip alıng’an uzınlıq birligi menen salıstırıw arqalı<br />
a’melge asırıladı. Al endi o’lshew protsedurasının’ ma’nisi salıstırıw ha’m sa’ykes san alıwdan<br />
turadı. Usınday jollar menen anıqlang’an sızg’ıshtın’ uzınlıg’ı l = n ⋅l<br />
0 formulası menen<br />
anıqlanadı. Bul formuladag’ı n o’lshemi joq san bolıp, bir birlikke ten’ etip alıng’an uzınlıq<br />
o’lshenip atırg’an sızg’ıshtın’ boyında neshe ret jaylasatug’ınlıg’ın bildiredi. l 0 arqalı qabıl<br />
etilgen uzınlıq birligi belgilengen. A’dette bul birlik belgili bir at penen ataladı (biz qarap<br />
shıqqan uzınlıqtı anıqlawda santimetr, metr, kilometr ha’m tag’ı basqalar).<br />
Demek fizikalıq qa’siyetti o’lshew ushın shaması l ge ten’ bolg’an ayqın fizikalıq qa’siyet<br />
saylap alınadı. O’lshew ma’selesi fizikalıq shamanın’ san ma’nisin anıqlawg’a alıp kelinedi.<br />
Fizikalıq shama. Fizikalıq shamanın’ ma’nisi ha’m o’lshemi. Fizikalıq shama dep sanı<br />
boyınsha ko’plegen fizikalıq obъektlerge qarata ulıwma, sonın’ menen birge ha’r bir obъekt<br />
ushın jeke bolg’an fizikalıq obъekttin’ (fizikalıq sistemanın’, qubılıstın’ yamasa protsesstin’)<br />
qanday da bir qa’siyetinin’ ta’riplemesin aytamız.<br />
Fizikalıq shamanın’ o’lshemi dep ayqın materiallıq obъektke, sistemag’a, qubılısqa yamasa<br />
protsesske tiyisli bolg’an fizikalıq shamanın’ sanlıq jaqtan anıq bolıwına aytıladı.