MEХANİKA
MEХANİKA
MEХANİKA
Create successful ePaper yourself
Turn your PDF publications into a flip-book with our unique Google optimized e-Paper software.
Birinshi jag’dayda modeldi durıslaw yamasa onı pu’tkilley basqa model menen almastırıw<br />
kerek. Eger modeldin’ almastırılıwı tiykarg’ı jag’daylardın’ durıslıg’ın qaytadan qarap shıg’ıwdı<br />
talap etetug’ın bolsa fizikada revolyutsiyalıq o’zgerisler boldı dep aytıladı. Al ekinshi jag’dayda<br />
fizikanın’ jan’a tarawı payda boladı.<br />
Birinshi jag’day boyınsha mısal retinde ken’islik ha’m waqıt haqqındag’ı Nyuton modelin<br />
qaytadan qarap shıg’ıwdın’ za’ru’rliginin’ payda bolıwının’ na’tiyjesinde salıstırmalıq<br />
teoriyasının’ payda bolıwın keltiriwge boladı. Al ekinshi jag’day mısalda fizikanın’ pu’tkilley<br />
jan’a bo’limi (tarawı) bolg’an kvant meхanikasının’ payda bolıwın atap o’temiz. Eki jag’dayda<br />
da ga’p da’slepki modellerdi biykarlaw haqqında emes, al olardın’ qollanılıwının’ shekli ekenligi<br />
haqqında bolıp atır.<br />
12<br />
2-§. Fizikalıq shamalar ha’m olardı o’lshew haqqında<br />
Salıstırıw ha’m ayırıw. Salıstırıw ha’m o’lshew. O’lshew. Fizikalıq shama.<br />
Fizikalıq shamanın’ ma’nisi ha’m o’lshemi. Fizikalıq shamalardın’<br />
birlikleri sistemaları. Fizikalıq shamalardın’ o’lshemleri. Хalıq aralıq<br />
sistema qabıl etilgen waqıttan burın qollanılg’an birlikler sistemaları.<br />
Birliklerdin’ хalıq aralıq sisteması (Sİ sisteması).<br />
Salıstırıw ha’m ayırıw. Adamzat biliwindegi en’ birinshi qa’dem du’nyadag’ı ha’r qanday<br />
obъektler arasındag’ı bir birinen o’zgeshelikti ko’re biliw ha’m tabıw bolıp tabıladı. Usının’<br />
na’tiyjesinde u’yrenilip atırg’an obъektler tanıladı. Biraq obъektlerdi salıstırıw ushın olar<br />
arasında qanday da bir ulıwmalıq bar bolg’anda g’ana a’melge asırıw mu’mkin. Sonlıqtan ha’r<br />
qanday o’zgeshelikler arasında da belgili bir ulıwmalıqtın’ tabılıwı kerek. Demek ulıwmalıq<br />
ha’m o’zgeshelik arasında ma’lim da’rejede birlik bolıwı sha’rt. Mısal retinde qawın menen<br />
almanı alayıq. Olar o’zlerinin’ ren’i, iyisi, u’lkenligi ha’m basqa da qa’siyetleri boyınsha ha’r<br />
qanday obъektler bolıp tabıladı. Qawın menen almanı salıstırıw olar arasındag’ı ulıwmalıq<br />
boyınsha ju’rgiziliwi mu’mkin. Onday ulıwmalıq, mısalı olar iyelep turg’an ko’lemdi salıstırıw<br />
arqalı ju’rgiziledi. Na’tiyjede «qawın almadan u’lken» degen juwmaqqa kelemiz. Al ren’i menen<br />
olardı salıstırıw qıyın. Sonın’ menen birge iyisi menen de qawın menen shiyeni salıstırıw<br />
mu’mkinshiligi joq. Sonlıqtan da biz qawın menen shiye arasında tek g’ana usı eki obъekt ushın<br />
da ulıwma bolg’an qa’siyet yamasa ko’rsetkish arqalı salıstırıw ju’rgiziw mu’mkin.<br />
Salıstırıw ha’m o’lshew. «Qawın almadan u’lken» degen juwmaq ha’r birimiz ushın<br />
jetkilikli da’rejede tu’sinikli. Bunday salıstırıw tek g’ana sapalıq jaqtan salıstırıw ushın<br />
qollanıladı ha’m az mag’lıwmatqa iye. Ma’selen biz qarap atırg’an qawınnın’ basqa bir almadan<br />
u’lken ekenligin de ko’riw mu’mkin. Biraq hesh waqıtta da qawın bes almadan u’lken degen<br />
juwmaq shıg’ara almaymız. Sonlıqtan qawın menen almalar arasındag’ı salıstırıw na’tiyjesinde<br />
eki alma arasındag’ı ayırmanı anıqlaw za’ru’rligi kelip shıg’adı. Bul na’tiyjesi san menen<br />
belgilenetug’ın o’lshew protsedurası arqalı a’melge asırıladı.<br />
O’lshew. Biz ha’zir ha’r qanday qubılıslardag’ı, obъektlerdegi, predmetlerdegi birdey<br />
bolg’an sapanı salıstırıw haqqında ga’p etip atırmız. Mısalı materiallıq denelerdin’ en’ ulıwmalıq<br />
qa’siyeti bolıp olardın’ o’lshemleri, al protsessler ushın en’ ulıwmalıq - usı protsesslerdin’ o’tiw<br />
waqıtı bolıp tabıladı. Ayqınlıq ushın o’lshemlerdi alıp qarayıq. Tek g’ana uzınlıqtı o’lshewge<br />
itibar beremiz. Uzınlıqtı o’lshewshi deneni sızg’ısh dep atayıq. Usınday eki sızg’ısh o’z ara<br />
bılayınsha salıstırıladı: eki sızg’ısh bir birinin’ u’stine ushları ten’lestirilip qoyıladı. Bunday eki<br />
jag’daydın’ bolıwı mu’mkin: sızg’ıshtın’ ushları bir birinin’ u’stine da’l sa’ykes keledi yamasa