INFO KALIX #2 2021
Upplev mer av Kalix i vinter!
Upplev mer av Kalix i vinter!
- No tags were found...
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Agnesille Kainus oon<br />
numero yks!<br />
Kakstoistavuotias Agnes Hjertström.<br />
Kakstoistavuotias Agnes Hjertström<br />
oon nuori Kaihnuunampasatööri,<br />
joka ei malta olla<br />
levittämättä positiivista kuvvaa<br />
sen rakhaasta Kaihnuusta. Se<br />
oon kastettu Kaihnuun kirkossa,<br />
mutta oon asunu Stokholmissa<br />
koko elämän.<br />
– Mie pruukaan sanoa ette<br />
asun Stokholmissa, mutta olen<br />
Kaihnuusta!<br />
Se oon juuret jokka oon tärkeimät.<br />
Vanheemat Erica ja Jan oon molemat<br />
Kaihnuusta. Täälä sillä oon<br />
suku ja täälä se mieluiten halvais<br />
asua.<br />
Ookkaa Kaihnuusheen<br />
joka loma<br />
Agnesin silmät loistava ko se<br />
praatii Kaihnuusta. Se oon täälä<br />
joka loma, niin ko nyt syyslomala.<br />
Se kertoo ette jo esikoulussa se selitti<br />
kunkas fiini ja myysinen paikka<br />
Kainus oon, suvusthaans, uimahallista<br />
ja ette kaikki oon niin lähelä.<br />
Tietenki se kuvasi kaikki hauskat<br />
asiat mitä hään tekkee Kaihnuussa,<br />
niin ko hypätä talonkatolta<br />
umpilumheen. Kaikki lapset sen<br />
esikoulussa Stokholmissa jankutit<br />
vanheemilles ette net halvava kans<br />
ookata Kaihnuusheen!<br />
Turvalinen Kainus<br />
Agnes oon tottunu reisaahmaan<br />
Stokholmin ja Kaihnnun välilä,<br />
ja alko nuorena lentämhään ylös<br />
yksin ko kaipuu tuli liika isoksi.<br />
Vuosien aikoina se oon kans ottanu<br />
matkhaan kaveria ja kaikki niistä<br />
tykkäsit ette täälä oon rohki myysistä,<br />
paljon tekemistä ja voipi kans<br />
nauttia rauhasta ko tarttee. Mikäs se<br />
sitte oon joka houkuttellee Agnesin<br />
Kaihnuusheen joka lomala?<br />
– Se oon varsinki suku. Mutta<br />
kans ette Kainus oon pieni, monet<br />
tunteva toisensa ja se tuntuu turvaliselta.<br />
Yks huippukohista oon kans<br />
fammun kakko eli paltti.<br />
Vauhtikas Kainus<br />
Agnes tykkää vauhista ja vilskheestä.<br />
Se heijaa Luleå Hockeya ja<br />
kattoo mielelhääns niitten matsit<br />
Stokholmissa ja ko se oon kylässä<br />
täälä. Agnes rakastaa jalkapalloa ja<br />
tykkää kans käsipallosta ja slaalommista,<br />
uimisesta ja olla kaveritten<br />
kans. Se selittää ette se rakastaa<br />
Kaihnuun aktiviteettimaholisuuksia.<br />
– Kevhäälä voipi ookata skuutterila,<br />
grillata, pilkkiä ja ookata slaalommia,<br />
ja kesälä oon niin myysistä<br />
olla Strandängsbadetilla ja mökilä<br />
Säivisnäsissä. Sitä voipi kans ookata<br />
vesiskuutterila, pelata minigolffia<br />
taikka muuta mikä sattuu mieheleen.<br />
Hauska Kainus<br />
Agnes kuvvaa Kaihnuun useasti<br />
”myysisenä”, ja se piiain oon niin<br />
miten asumispaikka pitäis myyä sisäle,<br />
niile jokka hunteerava muuttaa<br />
pohjoisheen.<br />
– Tämä paikkakunta oon myysinen!<br />
Sitte täälä oon vaikka kunka<br />
paljon hauskaa tekemistä niin<br />
kesälä ko talvela!<br />
No oonkos jotaki mitä sie kaipaat<br />
Kaihnuussa?<br />
Agnes miettii hetken…<br />
– Piiain enämpi kauppoja, oon<br />
vähä trookkista nähä kaikki tyhjät<br />
liikelokaalit. Muuten täälä oon melkein<br />
kaikki. Stokholmissa tapahtuu<br />
enämpi, mutta sielä oon kans vaaralisempaa!<br />
Agnes Hjertström kertoo ette<br />
se lukkee spanskaa koulussa, ja<br />
hätkähtää ko kuulee ette Kainus<br />
oon suomen kielen ja meänkielen<br />
hallintoaluekunta.<br />
– Mulla oon muuten suomalaiset<br />
ja tornionlaaksolaiset juuret, minun<br />
muffa puhhuu suomea. Mie ossaan<br />
vähän, mutta halvan oppia lissää.<br />
<strong>INFO</strong><strong>KALIX</strong> DECEMBER <strong>2021</strong> 23
Change language