Consilu Armānjloru

Council of
Armâns
(Macedonarmâns)
Consillu Armânjiloru
( Cunsillu Makedonarmânjiloru)
Head Office: Moscopoli / Voskopoje – Curceaua / Korce – Po. Box 54, Korce, Albania
Donation : ALPHA BANK, Korce – “Keshili i Arumuneve”, Account No. 012425011001008
www.makedonarman-council.org e-mail : info@makedonarman-council.org
23-li di Maiu
Dzuua Natsiunalâ a Armânjiloru
Tu numa a Biroului di Cumândâseari a Consillui Armânjiloru, voiu s-hâristusescu,
prota, a tutuloru atselji Armânji duruts cari facu copusu trâ tuti andridzerli ligati di
yiurtisearea a dzuuâljei di adzâ – 23-li di Maiu, Dzuua Natsiunalâ a Armânjiloru.
Armânjilji, yiurtusescu adzâ unâ pricânushteari di populu ahoryea, pricânushteari
tsi s-amintă nica ditu kirolu Amirâriljei Otomanâ, pricânushteari tsi s-asteasi
diunâoarâ cu amintarea a craturiloru natsiunali tu Balcanu, cându Armânjilji furâ
agârshits di isturii.
Ama nu s-asteasi canâoarâ vrearea sh-nâdia Armânjiloru s-armânâ tu banâ. Tr-atsea,
dupu multsâ anji di alumtâ, anji di lucru sh-copusu, Armânjilji aprukearâ unâ
pricânushteari nauâ, tu Evropa modernâ di adzâ, pritu Dimândarea 1333/1997.
Cu-nvirinari ama, videmu câ aestu documentu evropeanu nu easti tinjisitu tu canu di
craturli cari-lu simnarâ. Sh-ma laiu di aestu lucru, ahurhi sh-unâ urutâ câtâyurseari a
alushtui documentu.
Dukinda câ amintarea di-ndrepturi easti unâ cali nica greauâ, Armânjilji luyursirâ câ
easti ananghi di unu organismu cari s-lâ hibâ unâ boatsi tsi, tu numa a loru, s-ducâ
dinintea a guverniloru shi-a organismiloru internatsiunali câftărli a loru. Sh-ashi sthimiljiusi
Consillu Armânjiloru / Makedonarmânjloru cari, tu anjilji ditu soni, lo
parti la multi conferentsi internatsiunali di simasii iu spusi tu tsi catandasi, di
nistrâxeari ti eta 21, bâneadzâ unu populu sh-unâ limbâ veaclji ditu Evropa.
Dukinda câ aestu Consilu ahurhi s-creascâ tu puteari sh-câ boatsea a lui s-avdi la
Evropa sh-tu lumi, fortsi nidimucratitsi, ditu vâsiliili iu Armânamea bâneadzâ,
ahurhirâ s-câtâyurseascâ Consillu Armânjiloru, s-fuvirseascâ cumândâsearea a lui icâ
cumândâserli a sutsatiloru membri, s-lu-nkeadicâ s-hibâ pricânâscutu tu Evropa.
Consillu Armânjloru / Council of Armâns (Macedonarmâns)–Decision for Reg. No.2325 on 17/07/2008 Tirana District Court
Head Office : Voskopoje, Korce, L.1,Bul. Rilindasit 10, Korce Albania – Po. Box 54, Korce, Albania
President : I. Mantsu Tel. 0049 6142 33819 / 0049 174 900 2103 / e-mail : mantsu@t-online.de
General Secretary : N. Caracota Tel.+Fax. 0033 147 30 25 92 / 0033 6858 73223 / e-mail : nicara@free.fr

Council of
Armâns
(Macedonarmâns)
Consillu Armânjiloru
( Cunsillu Makedonarmânjiloru)
Head Office: Moscopoli / Voskopoje – Curceaua / Korce – Po. Box 54, Korce, Albania
Donation : ALPHA BANK, Korce – “Keshili i Arumuneve”, Account No. 012425011001008
www.makedonarman-council.org e-mail : info@makedonarman-council.org
Ama Armânjilji agiumsirâ adzâ tu unu kiro cându tsiva nu mata poati ni s-lj-asparâ,
ni sâ-lj toarnâ ditu calea ankisitâ, ti itia câ tuti câftărli-a loru suntu tinjisiti, andrupâti
di nomuri evropeani sh-internatsiunali.
Pânâ tu soni, amintarea-ndrepturiloru a noasti va s-yinâ, a s-hibâ lunga sh-greaua cali,
ankisitâ aoa sh-cama di tsintsisprâyinyits di anji cându ahurhi isturia mudernâ di
ridishtiptari natsiunalâ.
Tr-atsea, yiurtusearea di adzâ a Dzuuâljei Natsiunali va sâ spunâ a vâsiliiloru tu cari
bânămu câ Armânjilji suntu unu populu tinjisitu, cu unâ culturâ ahoryea cari poati shprindi
s-bâneadzâ deadunu, tu armunii, cu cultura ufitsialâ a cratlui iu s-amintarâ.
Aestâ bânari culturalâ deadunu easti unâ shansâ nauâ, unu amintaticu trâ dauli culturi
a cratlui!
Vruts Armânji, borgea noastâ, a Armânjiloru, easti s-amintămu tu tuti craturili ditu
Balcanu iu bâneadzâ Armânjilji, pricânushtearea ca populu ahoryea sh-deadunu cu
aestâ pricunushteari va s-amintămu tuti alanti ndrepturi tsi nâ si cadu.
Mashi cu unâ dukeari dealihea armâneascâ, mashi cu vreari unu ti-alantu shacâkiseari
unu cu-alantu, va putemu s-ascutemu tu videalâ aestu amintaticu tsi
Armânamea di multu kiro lu-ashteaptâ.
Yiani Mantsu
Prezidentu Consillu Armânjiloru (Makedonarmânjiloru)
(Bulitinu Infurmativu Nr. 22)
tu 23-li di Maiu 2010
Consillu Armânjloru / Council of Armâns (Macedonarmâns)–Decision for Reg. No.2325 on 17/07/2008 Tirana District Court
Head Office : Voskopoje, Korce, L.1,Bul. Rilindasit 10, Korce Albania – Po. Box 54, Korce, Albania
President : I. Mantsu Tel. 0049 6142 33819 / 0049 174 900 2103 / e-mail : mantsu@t-online.de
General Secretary : N. Caracota Tel.+Fax. 0033 147 30 25 92 / 0033 6858 73223 / e-mail : nicara@free.fr