Nº 11
Nº 11
Nº 11
Create successful ePaper yourself
Turn your PDF publications into a flip-book with our unique Google optimized e-Paper software.
cial deportivo e as posibilidades de espectáculo.<br />
Pero si nos permitiría contar co seu entusiasmo,<br />
colaboración, sentido lúdico e aporte de material<br />
tradicional elaborado nas casas.<br />
Pretendemos abrir a nosa experiencia á sociedade<br />
e así buscamos, e encontramos, a colaboración<br />
da comunidade escolar: familias, dirección<br />
e claustro do centro, que nos brindaron a súa<br />
colaboración e axuda onde puideron e sinaladamente<br />
o Concello de As Somozas que nos forneceu<br />
de camisetas e puchas deportivas.<br />
Buscando información<br />
Non sendo o obxecto do noso seminario facer<br />
unha investigación académica sobre o tema<br />
da billarda que abarque os moi varios aspectos<br />
que este xogo pode presentar (nin tan sequera<br />
facer unha profundación sobre algún deles),<br />
senón máis ben elaborar unha proposta coherente<br />
cara a súa posible constitución nun deporte<br />
federado, non encaramos o noso traballo<br />
coma unha análise etnográfica; pero, iso si,<br />
para afrontarmos cunhas certas garantías o<br />
noso empeño pareceunos inevitable iniciar un<br />
primeiro período de reflexión e de estudio, de<br />
procura de datos, de recoñecemento dos territorios<br />
do xogo, (culturais, físicos, xeográficos,<br />
lingüísticos, etc..) Complementaríamos así as<br />
lembranzas persoais da infancia, non necesariamente<br />
depreciábeis, e as experiencias previas<br />
de traballar coa billarda no ensino e nas<br />
asociacións veciñais.<br />
Fornecemos o noso acervo de coñecementos<br />
procurando información en tres frontes de traballo:<br />
bibliográfica, etnográfica e internauta.<br />
Afortunadamente, a bibliografía sobre a billarda é<br />
abundante e a súa lectura ofrece unha idea<br />
cabal e moi documentada dos seus aspectos<br />
etnográficos e semánticos, da súa diversidade e<br />
variedade, e da súa extensión xeográfica que<br />
chega dende as terras arxentinas e portorriqueñas<br />
64<br />
ata Francia e Centro Europa pasando polas Illas<br />
Canarias. Como puidemos comprobar na<br />
rebusca que fixemos en Internet onde visitamos<br />
as entradas que Google ofrece por escribir a<br />
palabra billarda. Investigamos tamén, mediante<br />
unha sinxela enquisa e un bon número de entrevistas<br />
persoais, as formas do xogo nos Concellos<br />
de As Somozas, Cedeira, Ares e Moeche.<br />
Puidemos así axuntar unha información variada<br />
e actualizada que nos permitiu afrontar o noso<br />
traballo cun mellor coñecemento de causa e<br />
permitiunos extraer algunhas conclusións:<br />
- Non resulta fácil definir o xogo da billarda. As<br />
variantes que presenta tanto no caso de<br />
Galiza, coma no ámbito internacional, conforman<br />
un universo lúdico que baixo certas constantes<br />
presenta unha disparidade de regulamentos<br />
e modos. E viceversa, baixo formas de<br />
xogo moi similares aparecen un sen fin de<br />
voces e nomes para nomealo: estornela, irio...<br />
Con todo a voz billarda é sen dúbida a máis<br />
estendida e recoñecida, a que etimoloxicamente<br />
parece estar máis fundada.<br />
- Pese a esta riqueza de modos, pódense establecer<br />
pautas xerais de xogo:<br />
1 Xógase con dous paus, un longo e outro curto<br />
que deberá ter os extremos aguzados.<br />
2 Co pau longo bátese no curto, quer no centro,<br />
quer nas puntas, co obxecto de guindalo lonxe.<br />
3 Hai sempre unha zona inicial de lanzamento,<br />
sinalada ou ben por un círculo, un risco, un gua,<br />
ou por unha ou dúas pedras, que haberá posteriormente<br />
que defender de algún modo.<br />
4 Xógase por un sistema rotatorio de quendas.<br />
5 O obxecto do xogo é acadar un maior número<br />
de puntos, sendo práctica moi estendida dar á<br />
lonxitude do pao longo o valor dun punto.<br />
6 Pódese xogar un contra un ou en grupo.<br />
- Existe unha modalidade para xogar exclusivamente<br />
entre dous xogadores, practicada entre<br />
outros sitios nas Canarias onde xa a levaron a<br />
escola, nas que se utilizan dúas ferraduras de<br />
pedras, unha por parella, a xeito de "casa" ou<br />
portería que terá que ser defendida polos xogadores<br />
co pau longo, mentres os contrarios<br />
empéñanse en meter entre as pedras en forma<br />
de ferradura ao pao pequeno.<br />
- Non pode falarse de xogo autóctono de<br />
Galiza. Evidentemente é un xogo tradicional<br />
de orixe incerto, do que, parece, téñense xa<br />
noticias por Horacio, presenta unha etimoloxía<br />
de base céltica e xermánica e está xa documentado<br />
nos libros de Afonso X. Establecido e<br />
IDEA 2005