Nº 11
Nº 11
Nº 11
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Roberto Salgueiro González<br />
1. Que pode aportar a literatura á educación? Que función educadora ten, se é que a ten, ó escritor<br />
ou escritora?<br />
É evidente que a literatura educa, como educa a música, a pintura, a arte en xeral. A literatura coida o<br />
pen-samento, mima a sensibilidade, estimula a inquedanza. É, ou debe ser, un mundo de liberdade de<br />
expresión, e constitúe unha canle de expresión de ideas. A literatura empuxa o individuo a preguntar<br />
e a preguntarse, e un individuo que pregunta é porque precisa respostas, e un individuo que precisa<br />
respostas é, sen dúbida, máis sabio. Con todo, se a literatura exerce esta función -entre outras- o literato<br />
debe facer litera-tura, non pedagoxía. Non creo na función educadora do escritor, senon na función<br />
educadora da súa escrita.<br />
2. Que lembranzas deixou en ti a escola? Algunha delas chegou ou pode chegar a ser literaria?<br />
Moitas, e máis boas que malas. Pero ningunha delas chegou a ser literaria, aínda que podería darse o<br />
caso, por que non.<br />
3. Cales foron os teus heroes literarios na túa infancia e adolescencia? Coñecíchelos por medio da escola?<br />
A lembranza máis nidia que teño dos meus primeiros heroes literarios chega ao ano 1978. Lin a colección<br />
completa dos Cinco, de E. Blyton nuns meses. Chegaron a min despois de remexer na habitación do<br />
meu irmán maior. A primeira leitura que me impactou na escola foi a poesía de Quevedo, concretamente,<br />
os seus poemas satíricos, autor que despois sempre me acompañou, e a Celestina. Vese que<br />
tiña unha certa inclinación polo «marxinal». Daquela tiña 13 anos.<br />
4. Se escribes algo que a xente nova tamén pode ler, o teu traballo como escritora precisou dalgunha<br />
situación diferente a cando escribes algo que só poden gustar ou comprender os adultos?<br />
Teño escritas varias obras de teatro para rapaces de 8 a 12 anos. E a situación que preciso para escribir<br />
textos así é a mesma que a que preciso para escribir outros diferentes: saber que quero contar e gozar<br />
co que fago.<br />
5. Cres que as lecturas obrigadas son un bon método para facer lectores?<br />
Por definición, a obriga como idea vai ligada a un acto de imposición, o cal nunca resulta cómodo para<br />
quen a soporta. Sen embargo, hai diferentes graos -ou xeitos- de imposición. Penso que o problema<br />
non está na leitura obrigada, senón no xeito do docente de conducir esta leitura. Desde logo, se o profesor<br />
non disfruta con esa leitura, dificilmente vai transmitir interese ningún ao alumno.<br />
IDEA 2005<br />
21