afriga dossier: mamite - Transmedia 2009

82 SANIDADE DOSSIER: MAMITE
DEBERASE EXTREMAR A HIXIENE NO
MANEXO DOS PRODUTOS DE SECADO
INTRAMAMARIO
- Xérase máis traballo na sala de muxido.
- Se a vaca sufre nalgún dos cuartos mamite subclínica,
este método non fará máis que agravala pois, ao espaciar as
muxiduras, estamos a favorecer a multiplicación dos microorganismos.
- Este método non nos asegura ao cento por cento que se
eviten perdas de leite, pois ás veces estas débense a factores
anatómicos e/ou estruturais dos tetos.
SECADO SANITARIO
Enténdese por este concepto o secado que se practica en
cuarteiróns illados de animais na metade da lactación, ben
por traumatismos, ben por mamites crónicas. Se a mamite
causou un forte dano estrutural no cuarteirón e o mermou,
aconséllase o cese do muxido do mesmo, sen máis. No caso
de que a produción sexa media-alta procederase á eliminación
do cuarto mediante medios abrasivos, coma o iodo. En
calquera dos casos búscase o aproveitamento dos cuarteiróns
sans eliminando do leite que vai a tanque os cuartos enfermos,
e evitando así recontos altos innecesarios. Coas vacas
que arrastren máis dun cuarteirón crónico lactación tras lactación
é aconsellable plantexarse o seu sacrificio, pois levalas
a un novo período seco non é máis que adiar o problema.
APLICACIÓN DO TRATAMENTO ANTIBIÓTICO
DE SECADO
Recóllense as indicacións do N.M.C. (National Mastitis
Council) norteamericano.
- Desinfección e secado dos tetos.
- Desinfección da zona do esfínter con panos empapados
en alcohol.
- Aplicar a pomada intramamaria, introducindo só
a punta da cánula e descargando a totalidade do
produto.
- Aplicar seguidamente o selador interno (de usalo).
- Inmersión dos tetos co selador.
- Marcar axeitadamente os animais secos, mediante
pinturas en ubre e patas, e segregalos aos patios
destinados a vacas secas.
AFRIGA ANO XVII - Nº 92
Detalle da desinfección do esfínter, previa á aplicación do
tratamento intramamario de secado
ONDE METO AS MIÑAS VACAS SECAS?
A resposta a esta pregunta depende das infraestruturas
propias de cada explotación. En ganderías con base territorial
suficiente as vacas secas poden estar a pastoreo desde
a primavera ao outono, mesmo no inverno se as condicións
climáticas non foran moi adversas. Neste caso aconséllase
aplicar selador interno, sobre todo desde finais da primavera
a mediados do outono, para evitar problemas coas
mamites de verán das que falaremos máis adiante. Tamén
se aconsella revisar o estado do ubre das vacas en pastoreo
dun xeito regular, para poder detectar con precocidade
desequilibrios, inflamacións ou outras anomalías que nos
indiquen unha posible mamite neste período.
Se a gandería dispón de instalacións para vacas secas teremos
que ter en conta que o manexo será diferente se as
vacas están en cama quente ou en cubículos. En lotes con
cubículos o índice de ocupación dos mesmos non deberá
superar o 80% (por un 115% que se permite nos lotes en
lactación), así como a relación de trabantes/animais será
maior de un. Estes factores buscarán o máximo comfort
das vacas secas, evitando a competencia entre elas polas
camas ou pola comida. Do mesmo xeito, no sistema de
cama quente evitarase o amontoamento e gardarase unha
relación positiva de trabantes por vaca, así como tamén se
extremará a hixiene nos patios. Buscaranse camas secas e
moi confortables.