afriga dossier: mamite - Transmedia 2009

78 SANIDADE DOSSIER: MAMITE
VANTAXES DO TRATAMENTO DA MAMITE
NO PERÍODO SECO
O período seco nas vacas de produción leiteira é un tempo de descanso produtivo
que se intercala entre dúas lactacións consecutivas. No devandito período, o
animal vai experimentar unha serie de mudanzas que precisarán dun manexo
específico, tanto do propio animal coma do medio no que habita.
INTRODUCIÓN
Que acontece no ubre cando se instaura o período seco? O
paso da etapa produtiva ao período seco conleva unha serie
de mudanzas hormonais, fisiolóxicas e mesmo inmunes
que condicionarán o manexo deste grupo de animais. O
mecanismo hormonal que regula a produción láctea diminúe
ata niveis basais, mentres que a fisioloxía do ubre pasa
de estar totalmente centrada en producir leite a reparar
e/ou substituír os tecidos produtivos desgastados.
No tocante á inmunidade tamén se producen cambios
relacionados coa diminución, tanto das células defensivas
a nivel do ubre, como de enzimas como a lactoferrina, tan
AFRIGA ANO XVII - Nº 92
Marcelino Rodríguez Magadán e Xabier Bermúdez Salgueiro
SERIVET Asturgalaico S.L.
Área de Calidade do Leite
Ribadeo-Vegadeo
importantes no control do crecemento de microorganismos
causantes de mastite.
Unha vez se seca a vaca, o tapón de queratina que selará
durante o período seco a canle do teto tarda aproximadamente
unha semana en instaurarse. Este feito, xunto coa
non eliminación dos xermes da canle do teto e da cisterna
do ubre polo efecto de arrastre do leite durante o muxido,
farán destes primeiros días do período seco un punto crítico
na saúde do ubre. Así pois, deberase suplir este bloqueo nas
defensas inespecíficas e físicas do animal cun bo manexo, o
máis hixiénico posible, e coa aplicación de terapias antibióticas
preventivas, o que se coñece por terapia da vaca seca.