afriga dossier: mamite - Transmedia 2009

GUÍA TERAPÉUTICA EN MAMITE BOVINA:
UNHA NOVA FERRAMENTA PARA OPTIMIZAR
OS TRATAMENTOS ANTIBIÓTICOS
A Guía Terapéutica en Mamitis Bovina é o primeiro documento deste tipo editado en España
e é unha ferramenta máis de traballo dos veterinarios dos programas de mamites. Esta
publicación é beneficiosa para os gandeiros, xa que vai permitir optimizar os tratamentos
antibióticos que sexa necesario realizar, evitando o uso de principios activos non indicados
e mellorando así a eficiencia produtiva das explotacións leiteiras.
Gonzalo Fernández1 , María Luisa Barreal2 , María Belen Pombo2 , Antonio Méndez3 , Isabel Vilariño4 , Francisco Sesto5 , Javier González-Palencia2 1 Dpto. Patoloxía Animal, Universidade de Santiago de Compostela
2 LIGAL
3 Laboratorio de Sanidade e Produción Animal de Galicia
4 Agris Sociedade Cooperativa Galega
5 Seragro Sociedade Cooperativa Galega
INTRODUCIÓN
Aínda cando o obxectivo principal dun programa de control
de mamite é previr as infeccións da glándula mamaria,
isto non é sempre posible, malia que se cumpra correctamente
cos puntos principais de prevención, coma son o
funcionamento adecuado do equipo de muxido, o axeitado
manexo no muxido e o mantemento dun bo deseño e de
medidas de hixiene nas instalacións. Sempre existe unha
porcentaxe de animais nos que é necesario facer un tratamento
antibiótico.
DOSSIER: MAMITE
SANIDADE 73
A guía foi presentada en abril no Centro de
Investigacións Agrarias de Mabegondo
Dende o descubrimento dos antibióticos, nos anos 20,
estes foron unha ferramenta fundamental no tratamento
das infeccións por bacterias tanto no home coma nos
animais. Con todo, pronto se detectaron algúns casos de
fracasos na resposta a estes tratamentos. Este feito foi explicado
pola existencia de diferentes mecanismos de resistencia
que lles facilitaban aos microorganismos evitar a
acción dos antibióticos. A principal causa do fracaso dun
tratamento é a utilización dun antibiótico non adecuado
para a cepa que produce unha mamite.
AFRIGA ANO XVII - Nº 92