66 SANIDADE Deseño axeitado da sala de muxido - Valorar a administración de antibióticos no caso de <strong>mamite</strong>s clínicas agudas e crónicas ou infeccións latentes con xermes patóxenos, ou cando existe unha lesión da mamila ou do ubre. A aplicación sería sempre en condicións estritas de hixiene e sen danar a mamila. Poderíase mesmo establecer tratamentos parenterais como preventivos en rabaños de alta incidencia de <strong>mamite</strong> e manexo deficiente. O PERÍODO SECO COMO FASE CRÍTICA O período seco, e especialmente o período de transición (3 semanas previas ao parto), é unha fase esencial no manexo do vacún leiteiro das explotacións modernas, xa que pode representar un elevado risco para a adquisición de novas infeccións intramamarias, e de incremento na incidencia e gravidade de <strong>mamite</strong>s clínicas ocasionadas por patóxenos ambientais na seguinte lactación. Así, máis do 60% das novas <strong>mamite</strong>s ocorren durante o período seco e aproximadamente un 75% das <strong>mamite</strong>s clínicas atribúense a infeccións adquiridas neste período. En vacas adultas, bacterias coliformes son capaces de causar graves infeccións mamarias, mentres que as xovencas son infectadas frecuentemente por ECN, como xa se mencionou. Por todo iso, establecer un protocolo de manexo axeitado nesta fase é clave para optimizar a saúde do ubre e previr a aparición de novas infeccións intramamarias, especialmente nas primeiras semanas da seguinte lactación. A rutina de secado - O momento de secado debe calcularse restando a 280 días aproximadamente (duración media de xestación) o número de días de secado desexado, normalmente entre 50 e 60, aconsellándose reducir a produción por baixo de 20 litros de leite ao día. - O secado brusco consiste en deixar de muxir de modo repentino e separar a vaca do resto dos animais en lactación, con diminución do concentrado e adición de palla á dieta uns días previos ao secado. - Unha adecuada terapia antibiótica de secado xeneralizada prescrita polo veterinario, así como unha aplicación hixiénica da mesma. - A aplicación de seladores internos asociouse a unha AFRIGA ANO XVII - Nº 92 DOSSIER: MAMITE Establo ben deseñado protección similar ou mesmo superior que o tratamento de secado. O uso combinado de tratamento antibiótico e seladores internos pode dar lugar a unha probabilidade dun 30% menor de desenvolver novas infeccións intramamarias durante o período seco e dun 33% menor de desenvolver unha <strong>mamite</strong> clínica entre o secado e os dous primeiros meses da seguinte lactación que a soa aplicación antibiótica. Durante o período seco - Minimizar o risco de contacto con patóxenos procedentes do contorno, proporcionando un ambiente ben ventilado, limpo e seco, e aconsellándose material de cama inorgánico, como area, con obxecto de reducir a multiplicación dos patóxenos. Ademais, a utilización dunha parideira individual diminúe o risco de infeccións mamarias no periparto. - Maximizar as defensas das vacas secas proporcionando unha adecuada alimentación durante o período seco, minimizando o balance enerxético negativo, mantendo unha elevada toma de materia seca e suplementando a dieta con micronutrientes coma o cobre, o selenio e as vitaminas A, B e E. INSTALACIÓNS E SISTEMAS DE PRODUCIÓN A falta de benestar nos animais repercute negativamente sobre a produción de leite debido a un efecto directo do estrés e aos efectos específicos de problemas concretos como coxeiras, altas temperaturas, mutilacións, redución do tempo de descanso, medo, etc. Continúan producíndose <strong>mamite</strong>s relacionadas con problemas no equipo de muxido ou con rutinas de muxido inadecuadas, con ambientes que presentan hixiene deficiente e problemas puntuais co consumo de alimentos en mal estado. Aínda se cometen erros frecuentes no deseño dos cortellos, construíndose moi pechados, con deficiente ventilación e ocasionando estrés por calor, número e medidas escasas en corredores, cubículos, comedeiros e bebedeiros, sistemas de limpeza non apropiados, chans esvaradíos, etc. As instalacións deberán planificarse e construírse baixo o asesoramento e supervisión de profesionais especializados.
Hablamos de mamitis? HIGIENE GANADERA PREVENCIÓN, SEGURIDAD y CALIDAD