afriga dossier: mamite - Transmedia 2009

46
PRODUCIÓN
XOSÉ FERNÁNDEZ
Gandería: SAT Xerlea
Concello: Cospeito
Vacas en lactación: 160
“OS CONTRATOS PODEN SER FAVORABLES SE
SE CUMPREN OS PREZOS ACORDADOS”
1. Hai diversidade de opinións. Creo que poden ser favorables,
sempre que se faga un seguimento sobre o seu cumprimento
e sobre os prezos acordados. Se asinamos uns
contratos e a industria segue facendo o que lle dá a gana,
evidentemente non se resolverá nada. Se son obrigatorios
uns prezos de referencia, que figuren neses contratos, claro
que serán positivos.
2. Melloramos a calidade das nosas forraxes, polo que estamos
utilizando máis forraxes e menos concentrados.
3. A xenética ten moita importancia. Hai que buscar un
índice xenético cada vez máis alto. Antes, as explotacións
medíanse por número de cabezas, agora mídense por litros
de leite e por quilos de cota.
JESÚS LÓPEZ
Gandería: Gandería Pernas
Concello: Cospeito
Vacas en lactación: 80
“DESPOIS DA ALIMENTACIÓN, A XENÉTICA É
O ASPECTO MÁIS IMPORTANTE”
1. Haberá que ver como se presentan. Non sei que dicir. O
normal é que fosen bos, pero todo dependerá de como se
apliquen.
2. Tentamos aguantar o tirón, porque a cousa está moi xusta.
Nótase moito a subida dos pensos, pero de momento
non aumentamos a produción de forraxe.
3. Dámoslle moita importancia, porque despois da alimentación,
a xenética é o aspecto máis importante dunha
explotación. Boa alimentación e boa xenética. É o fundamental.
AFRIGA ANO XVII - Nº 92
VENTA DE
ABONO DE
POLOS
VENTA DE
CASCARILLA
DE ARROZ TELEFONO:
ANXO DONO
Gandería: Gandería Dono
Concello: Frades
Vacas en lactación: 38
“OS CONTRATOS AXUDARÁN PORQUE INCLUI-
RÁN PREZO E GARANTÍA DE RECOLLIDA”
1. Será unha ferramenta que non solucionará todos os problemas
que temos no campo, pero axudará porque serán
uns contratos que incluirán prezo, garantía de recollida e
espazo temporal.
2. Perder diñeiro, así de claro, sobre todo na miña comarca,
que é unha zona moi leiteira, onde non se mobiliza a base
territorial. Temos praderías, monte e plantacións en terreos
agrogandeiros. Así é imposible reducir custos, porque dependemos
da alfalfa e da palla de Castela.
3. A xenética é importantísima. Temos que ter uns animais
morfolóxica e xeneticamente capaces de producir grandes
cantidades de leite e que coman a maior cantidade posible
de forraxe. Os animais son máquinas, por utilizar un símil,
porque todo o que comen prodúceno en leite.
JOSÉ MANUEL BOTANA
Gandería: Gandería Botana
Concello: Ribadeo
Vacas en lactación: 30
“TENTAMOS ABARATAR CUSTOS CON MOITO
PASTOREO E MELLORES FORRAXES”
1. Esperamos, polo ben do sector, que funcionen, pero sen
un prezo de referencia non servirán para nada.
2. Tentamos abaratar custos con moito pastoreo e mellores
forraxes. Queremos quedarnos con algún terreo que quede
pola zona para reducir todo o que poidamos a cantidade de
concentrado que se consome na granxa.
3. A xenética é bastante importante, aínda que nós hai
pouco que comezamos a traballar nese campo.
DISTRIBUCIÓN
A CUALQUIER
PUNTO DE
ESPAÑA Y
PORTUGAL
647 95 69 08 MAIL: avicolaarribada@hotmail.com