afriga dossier: mamite - Transmedia 2009

42
PRODUCIÓN
OS PRODUTORES OPINAN:
CONTRATOS, CUSTOS E XENÉTICA
1. SERÁN OS CONTRATOS HOMOLOGADOS OBRIGATORIOS UNHA SOLUCIÓN PARA
NORMALIZAR AS RELACIÓNS ENTRE A INDUSTRIA E OS GANDEIROS?
2. QUE FACEDES NAS VOSAS GRANXAS PARA MANTER CUSTOS A PESAR DA SUBIDA
DE PENSOS E CEREAIS?
3. QUE IMPORTANCIA LLE DADES Á XENÉTICA NA VOSA EXPLOTACIÓN?
MANUEL TEIJEIRO
Gandería: SAT Teixeiro
Concello: A Pastoriza
Vacas en lactación: 86
“BENEFICIOSO OU NON, TODO SEGUE ESTAN-
DO EN MANS DAS EMPRESAS”
1. Creo que son unha cousa máis. Beneficioso ou non, todo
segue estando en mans das empresas. Non achegará nada
aínda que negociemos nós o prezo do leite. Tampouco xerará
unha gran estabilidade, porque só teñen vixencia por
tres meses.
2. Miramos de reducir custos, pero nunca pasando do límite
a partir do cal empezas a perder produción. O prezo
dos pensos estase disparando, polo que tentamos producir
na propia granxa a maior cantidade de forraxe e da maior
calidade posible.
3. Levamos anos traballando coa xenética. Os tiros van por
aí. Os animais son cada vez máis lonxevos e máis correctos,
polo que tamén funcionan mellor na corte. Trátase de que
aguanten o maior número de partos posible, porque aí é
onde está a rendibilidade.
AFRIGA ANO XVII - Nº 92
Crta. LU-633 Km 76
27170 Portomarín - Lugo
Telf: 982 547 505
Fax: 982 545 100
info@aviporto.com
EMILIO RODRÍGUEZ
Gandería: SAT Emilio do Jaime
Concello: Cospeito
Vacas en lactación: 96
“A XENÉTICA É UNHA FERRAMENTA ESEN-
CIAL PARA TRABALLAR”
1. Poden ser beneficiosos, sempre que se cumpran e se estableza
unha comisión de seguimento para garantir que se
aplican como se teñen que aplicar. Se son como os ensaios
que houbo ata agora, todo quedará en nada, porque as industrias
non os cumprirán.
2. Tratamos de ensilar toda a forraxe que podemos e gastar
o mínimo posible en alimentos comprados. Non podes
baixar demasiado a cantidade de penso, pero tentamos
conseguir unha forraxe propia de calidade para que as vacas
dean máis leite.
3. A xenética é unha ferramenta esencial para traballar.
Trátase de ter animais que produzan, que duren moitos
partos e que non dean problemas. Iso é o bonito e o bo.
982 54 75 05