afriga dossier: mamite - Transmedia 2009

Juan Carlos e Domingo Ces Ares, xunto á nave
Entre os servizos que ofrece Feiraco encóntranse a venda
de pensos ou a asistencia sanitaria. No primeiro caso, a
venda do penso non se vincula co prezo do leite. En canto
ao aspecto sanitario, na granxa Cesares Holstein optaron
por continuar cos servizos de Seragro, con quen levan traballando
desde hai varios anos.
A cabana actual componse de 46 vacas adultas e 42
xatas e xovencas. Destas últimas, 24 atópanse no centro
de recría Rancho Las Nieves (Zaragoza).
Con 42 vacas de produción, a cota da granxa tamén se foi
ampliando progresivamente, ata alcanzar os 420.000 quilos
actuais máis outros 60.000 en réxime de alugueiro.
As instalacións novas, dispostas a partir dunha estrutura
metálica en combinación con bloque, abranguen uns 750
metros cadrados que engloban a nave (con estabulación libre
en cubículos), a leitería e a sala de muxido (sistema tipo
tándem de 6 puntos). A elas hai que engadirlles o establo
vello, que alberga as xovencas.
Os elementos de benestar animal, aos que tanto Juan
Carlos como Domingo lles conceden moita importancia,
son visibles na explotación. Os colchóns dos cubículos son
de biomasa feita por eles mesmos a partir de restos resultantes
da limpeza das fincas. Por riba levan unha capa de cal
e serrín que axuda a previr infeccións, aínda que Domingo
está seguro de que o máis importante para evitar enfermidades
é o manexo diario e non tanto o material empregado.
Os colchóns cámbianse cada dous meses aproximadamente,
aínda que as camas se removen tres veces ao día coa
finalidade de optimizar as condicións sanitarias.
A nave, cun total de 50 cubículos, caracterízase polas
súas amplas aberturas, evitando así a necesidade de ventiladores
artificiais. Está orientada para protexer o gando dos
temporais da época invernal, de modo que a propia leitería
lle dá abrigo. O sistema de limpeza é o de arrobadeira
arrastrada, programado para pasar cada 8 horas.
O establo conta tamén cun cepillo mecánico que permite
que os animais se poidan rascar nas distintas partes do corpo
(cabeza, pescozo, lombo e grupa) cada vez que senten necesidade.
Trátase dun sistema que favorece o confort e o aseo
da cabana e axuda a previr enfermidades como a sarna.
EXPLOTACIÓN 39
AFRIGA ANO XVII - Nº 92