afriga dossier: mamite - Transmedia 2009

38
EXPLOTACIÓN
GRANXA CESARES HOLSTEIN S.C. (LOUSAME)
MANEXO AXEITADO E MELLORA
XENÉTICA, SEGREDOS PARA CONSEGUIR
UNHA BOA SELECCIÓN GANDEIRA
Os propietarios da granxa Cesares Holstein, Juan Carlos e Domingo Ces Ares, están
convencidos de que unha boa xenética sen máis non equivale a unha boa produción.
Entre a súa cabana gandeira encóntrase Cesares Boeza Dancer, a xovenca gran
campiona do I Concurso da Raza Frisona de Arzúa celebrado en marzo.
Na parroquia de Vilacoba, no municipio coruñés de
Lousame, atópase a explotación Cesares Holstein, propiedade
dos irmáns Juan Carlos e Domingo Ces Ares. Juan
Carlos (40 anos) é o que se encarga do traballo diario da
granxa, mentres que Domingo (42) actúa de socio capitalista.
A súa dedicación profesional é a de calificador de
CONAFE, pero tamén colabora coas diferentes tarefas
gandeiras cando está na casa.
Aínda que os seus avós e bisavós xa se dedicaban á gandería,
a orixe desta granxa remóntase ao ano 1965, cando o seu
pai comprou as primeiras vacas frisonas. Anos despois, cando
os irmáns tomaron o relevo do negocio, había arredor de
20 vacas en produción, unha cifra que foi aumentando ata as
AFRIGA ANO XVII - Nº 92
As amplas aberturas son a principal característica da nave
case 90 femias rexistradas na actualidade. O salto definitivo
produciuse no ano 2001, fai agora dez anos, coa construción
das novas instalacións, máis amplas e adaptadas ás necesidades
de produción e de benestar animal.
Cesares Holstein está integrada en Feiraco, sociedade
cooperativa da que Domingo é vicepresidente do Consello
Reitor. O obxectivo de Feiraco é comercializar o mellor
posible o produto dos seus cooperativistas. O sistema de
prezos baséase nun prezo estándar máis un complemento
que varía cada mes. Os cooperativistas non teñen contratos
de prezos mínimos, pero o compromiso da cooperativa é
pagar, como mínimo, a media do que se cotizou o leite do
conxunto das explotacións galegas.