afriga dossier: mamite - Transmedia 2009

36
RECRÍA
capacidade para descompor nutrientes que logo absorberá.
Isto provocará que en pouco tempo as inmunoglobulinas
que alcancen o intestino serán descompostas en aminoácidos
e non poderán absorberse como tales nin transferirlle
inmunidade ao animal.
Ás dúas horas de vida a xata é capaz de absorber o 75%
das inmunoglobulinas presentes no calostro; non obstante,
ás dez horas esta capacidade vese reducida ata o 50% e ás
vinte horas xa só poderá absorber un 25%. Este patrón de
absorción condicionará os resultados obtidos, polo cal os
animais acabados de nacer deberán recibir unha cantidade
adecuada de calostro no menor tempo posible para poder
aproveitar a vantaxe biolóxica que nos supón a capacidade
de absorción que presentan.
Doutra banda están os microorganismos patóxenos presentes
no ambiente e que tras o nacemento se converterán
en potenciais causas de enfermidade. Cando nacen as xatas,
o seu intestino pode considerarse estéril, xa que non existe
presenza ningunha de patóxenos que poidan orixinar enfermidades.
Pero enfróntanse a un ambiente hostil cheo de
xermes patóxenos provenientes da nai, o ubre, a cama e as
persoas encargadas do seu manexo, polo que están en grave
risco ao non ter un sistema inmune funcional. En pouco
tempo, estes patóxenos comezan a colonizar o seu organismo
a través do sistema dixestivo. A diferenza entre que
desenvolvan ou non unha enfermidade dependerá da súa
capacidade inmune para contrarrestar as infeccións. É de
vital importancia que as xatas reciban de forma rápida as
súas primeiras tomas de calostro para que poidan adquirir
defensas que aseguren a súa supervivencia.
O nivel de encalostrado e a súa administración temperá
reducirán drasticamente as porcentaxes de animais enfermos
ou mortos durante as primeiras semanas de vida.
Outra vantaxe do encalostrado temperán é a achega de
nutrientes. As nosas xatas nacen cun 3 a 4% de graxa corporal
e con escasas reservas de glicóxeno, o cal non achega
moitas reservas enerxéticas ao seu organismo. Se tras o nacemento
sofren períodos de tensións ou son sometidas a
temperaturas moi frías, estas reservas son consumidas rapidamente,
debilitando o animal e facéndoo máis susceptible
de contraer enfermidades. Un calostro rico en nutrientes
achegaralles suficiente enerxía e micronutrientes ás xatas
para afrontar os seus primeiros días de vida. Ademais, se
non teñen reservas enerxéticas diminúe de forma drástica a
súa capacidade de desenvolver unha resposta inmune.
Absorción de lg calostrais tras o nacemento
AFRIGA ANO XVII - Nº 92
O IDEAL É ADMINISTRAR UNHA
CANTIDADE DE CALOSTRO EQUIVALENTE
AO 10% DO PESO VIVO DA XATA ANTES
DAS 6 HORAS DE VIDA
Debemos
proporcionarlles ás
xatas un ambiente
seco e quente
durante as primeiras
semanas
RECOMENDACIÓNS DE ADMINISTRACIÓN
O ideal é administrar unha cantidade de calostro equivalente
o 10% do peso vivo da xata antes das seis horas de vida, e
sempre que sexa posible antes das dúas horas, para favorecer
a absorción de inmunoglobulinas. Esta cantidade en xatas
frisonas equivalería a 4-5 litros de calostro por toma.
Pódese administrar con biberóns, pero se o animal non
quere mamar por sufrir un parto difícil é mellor administrarllo
con sonda esofáxica para asegurarnos de que o inxire.
A partir desta primeira toma, recoméndase continuar
administrando estes primeiros calostros durante os dous
primeiros días de vida (4 a 6 tomas), porque, aínda que a
capacidade de absorción diminúa, poderemos aproveitar o
contido en nutrientes para mellorar as reservas corporais
da xata.
Para o control do encalostrado nas nosas granxas empregaremos
os niveis de proteína sérica presentes en soro
sanguíneo. Débense realizar recoñecementos a animais
con menos dunha semana de vida, e comprobar que o
85-90% teñen valores superiores a 5,2 g/dl. Valores superiores
a 5,5 consideraríanse moi bos, de 5 a 5,5 aceptables
e inferiores a 5 implican un fallo na transmisión de inmunidade.
Cando máis do 20% dos animais mostren valores
inferiores a 5 g/dl, debemos reformularnos o noso protocolo
de manexo e tomar medidas. Neste aspecto debemos
ter coidado cando empregamos calostros artificiais, xa
que estes adoitan dar como resultado valores superiores
de proteína sérica que non implican necesariamente un
aumento da inmunidade.
A mensaxe que debemos lembrar é que o crecemento
e a supervivencia da xata durante as súas primeiras semanas
de vida dependerán directamente da cantidade e
calidade do calostro administrado, e do tempo que tardaron
en recibilo.