afriga dossier: mamite - Transmedia 2009
afriga dossier: mamite - Transmedia 2009
afriga dossier: mamite - Transmedia 2009
Create successful ePaper yourself
Turn your PDF publications into a flip-book with our unique Google optimized e-Paper software.
26<br />
Medidas recomendadas de cubículos<br />
peso<br />
xovencas<br />
RECRÍA<br />
lonxitude<br />
total<br />
lonxitude<br />
interior<br />
ancho<br />
total<br />
altura<br />
barra<br />
135-180 1,2-1,3 0,9. 0,7. 0,7-0,8<br />
180-270 1,5-1,7 1,2. 0,8. 0,85-0,90<br />
270-360 1,7-1,8 1,3. 0,9. 0,9-0,97<br />
360-450 1,8-2,0 1,4. 1,0. 0,97-1<br />
450-500 2,0-2,1 1,5. 1,1. 1,0-1,1<br />
500-590 2,1-2,3 1,6. 1,2. 1,1-1,12<br />
590-725 2,3-2,5 1,7. 1,22. 1,12-1,22<br />
Asociación Americana de Ingenieros Agrícolas, 1990<br />
Podemos empregar dous tipos básicos de instalacións<br />
durante este período, a baseada nunha cama quente e a<br />
baseada en cubículos. Calquera delas pode producir bos resultados<br />
sempre que o manexo, mantemento e dimensións<br />
sexan adecuados. De todos os xeitos, se temos a opción de<br />
utilizar calquera dos dous sistemas decantarémonos pola<br />
cama quente, debido a que facilitará en gran medida a expresión<br />
dos celos por parte dos animais. A maior detección<br />
de celos, maior será a nosa taxa de preñez e menos tempo<br />
precisaremos para conseguir unha xestación.<br />
Os sistemas baseados en cama quente teñen o inconveniente<br />
do maior custo producido no mantemento, pero<br />
moitas vantaxes. Os animais teñen menos probabilidades<br />
de sufrir golpes ou accidentes e redúcense os casos clínicos<br />
de coxeiras e teñen mellor mobilidade funcional. Tamén<br />
realizan máis exercicio, co que aumenta o seu desenvolvemento<br />
muscular fronte á deposición graxa, e os niveis<br />
de inxestión de materia seca vense aumentados fronte ao<br />
sistema con cubículos; todo iso mellora a expresión e duración<br />
dos celos, así como a súa detección.<br />
Pola contra, os sistemas con cubículos teñen un menor<br />
custo de mantemento pero con taxas inferiores de detección<br />
de celos. Ademais, as xovencas necesitan ser habituadas ao<br />
emprego deste sistema antes de alcanzar esta fase. Se non foi<br />
así, podemos atoparnos graves problemas de manexo e unha<br />
importante caída nas inxestións de alimento.<br />
Como estamos nunha fase onde lle daremos prioridade<br />
á eficiencia reprodutiva, os sistemas de cama quente resultarannos<br />
moito máis adecuados para as xovencas próximas<br />
a inseminar.<br />
Respecto das superficies do chan, é preferible o emprego<br />
de patios de terra que de cemento polo tema de detección<br />
de celos. Se non é posible este sistema pola climatoloxía<br />
da nosa zona ou porque xa temos a instalación construída,<br />
debemos prestar moita atención ao raiado e mantemento<br />
destas superficies. O que non se debería empregar durante<br />
esta fase da recría son as grellas, debido a que reducen demasiado<br />
a suxeición e a estabilidade dos animais.<br />
As recomendacións en dimensións das estruturas deben<br />
vir establecidas polo tamaño dos animais que teñamos.<br />
Como orientación, en xovencas Holstein de 13 a 16 meses<br />
de idade e cun peso aproximado de 390 a 450 kg deberiamos<br />
utilizar 3,6 m 2 de zona de descanso e 30 a 32 m 2<br />
de zona de exercicio por animal. Estes valores deberán ser<br />
incrementados cando os lotes sexan moi reducidos.<br />
Se utilizamos un sistema de cubículos, deberían ter unha<br />
AFRIGA ANO XVII - Nº 92<br />
DEDICAREMOS ENTRE 15 E 20 MINUTOS<br />
Á OBSERVACIÓN DOS CELOS, TRES VECES<br />
AO DÍA, E SERÁ A ÚNICA TAREFA QUE SE<br />
REALICE NESTE PERÍODO<br />
O deseño das instalacións debe ser adaptado<br />
a cada fase do programa de recría<br />
lonxitude total 200 cm, unha lonxitude interior de 140-<br />
150 cm e unha anchura de 100-105 cm. A barra educadora<br />
deberemos adiantala cando os animais non estean habituados<br />
a este sistema. Os corredores non deberían ter unha<br />
anchura inferior aos 3,5 m.<br />
Respecto da zona de alimentación, é recomendable o<br />
emprego de cornadizas fronte ao comedeiro corrido para<br />
facilitar o manexo durante a inseminación e os controis<br />
reprodutivos. En calquera dos dous casos, o espazo por<br />
animal debe ser de 50 a 55 cm.<br />
En calquera instalación para xovencas en idade de reprodución,<br />
é importante incrementar o espazo dispoñible<br />
cando realizamos o deseño inicial. Isto permitiranos traballar<br />
con maior marxe de manobra en situacións nas que<br />
se produza unha aglomeración de animais nesta fase, xa<br />
sexa por unha caída nas porcentaxes de preñez ou por unha<br />
concentración de partos.<br />
MANEXO REPRODUTIVO<br />
As xovencas virxes teñen unha expresión dos celos moito<br />
maior á das vacas adultas, tanto en duración como en número<br />
de montas. Por iso, a forma máis eficaz de obter unha<br />
boa taxa de preñez é a observación directa destes.<br />
O mellor momento do día para realizar a observación<br />
será á primeira hora da mañá e á última da tarde, coincidindo<br />
cos momentos de maior actividade dos animais.<br />
Tamén poden producirse un número alto de montas cando<br />
se movan grupos de animais, polo que debemos estar atentos<br />
durante as manobras de manexo. Dedicaremos entre 15<br />
e 20 minutos á observación dos celos, tres veces ao día, e<br />
será a única tarefa que se realice neste período. Non serve<br />
que esteamos presentes unha hora se estamos realizando<br />
outras manobras, xa que isto nos distraerá do noso labor e<br />
orixinará moitos erros de identificación.