afriga dossier: mamite - Transmedia 2009

24
RECRÍA
Con esta información podemos establecer que o peso
ideal para a cubrición estará en torno ao 55% do peso
adulto do animal. O peso final dependerá da xenética e
da alimentación, pero se o noso obxectivo é lograr animais
en primeiro parto cun mínimo de 620 kg (85% do peso
adulto) deberemos inseminar as xovencas cando alcancen
os 390-400 kg.
A idade para a cubrición virá determinada polo ritmo de
crecemento que esteamos obtendo no noso programa. Así,
con crecementos medios diarios de 830 g/día poderemos
inseminar aos 14 meses, pero con 750 g/día teremos que
irnos case aos 16 meses. Polo que se o noso obxectivo cara
ao primeiro parto son 23-24 meses, debemos conseguir
crecementos antes de inseminar as xatas de 800 a 850 g/día
para inseminalas ao redor dos 13,5 a 14,5 meses de idade.
Por último, a estatura ideal para a inseminación debe ser
superior aos 1,32 cm á anca (1,27 cm se tomamos como referencia
a altura á cruz). Este factor non debe ser determinante
para decidir se imos cubrir ou non unha xovenca, xa
que se verá moi influenciado pola xenética do animal. Pero
si que é verdade que se realizamos un programa de crecemento
adecuado é bastante sinxelo alcanzar esta estatura.
PROGRAMA NUTRICIONAL
O programa nutricional debe cubrir dúas necesidades
moi importantes durante este período. En primeiro lugar,
debe cubrir unhas necesidades básicas de crecemento
para que os animais manteñan a súa ganancia de peso e
estatura mentres están enroladas no programa reprodutivo.
Se conseguimos un índice de preñez bastante alto, haberá
moitas xatas que só permanezan seis semanas no lote de
reprodución (11 días de media para a inseminación e 28
días para o diagnóstico), pero unha porcentaxe dos animais
deberá permanecer 12 ou 14 semanas para quedar xestantes.
Este é un período de tempo demasiado longo para que
diminúan o seu ritmo de crecemento, polo que o desenvolvemento
corporal seguirá a ser un obxectivo primario do
programa nutricional durante esta fase.
En segundo lugar, a alimentación debe buscar o máximo
de eficiencia reprodutiva intentando incrementar a
fertilidade todo o posible. Isto conseguirémolo mantendo
unhas achegas equilibradas que cubran as necesidades
básicas de reprodución á vez que contribúen ao
crecemento corporal.
A ración debe buscar o máximo de eficiencia reprodutiva
á vez que mantén o crecemento (Centro de recría Anoca)
AFRIGA ANO XVII - Nº 92
O confort das xovencas será determinante para
conseguir bos resultados reprodutivos
DECANTARÉMONOS POLA CAMA QUENTE,
DEBIDO A QUE FACILITARÁ EN GRAN
MEDIDA A EXPRESIÓN DOS CELOS POR
PARTE DOS ANIMAIS
Traballaremos con xovencas ao redor dos 13-15 meses
de idade, cuxo consumo estimado debería atoparse nuns
9,5 a 10 kg de materia seca por día, o que nos servirá de
referencia para os cálculos.
Os requirimentos de proteína bruta durante este período
serán dun 14% sobre materia seca. É importante avaliar o
aproveitamento deste nutriente mediante controis rutineiros
de urea plasmática porque, aínda que algúns estudos
contradín este protocolo, demostrouse que valores por riba
de 20 a 25 mg/dl de urea plasmática teñen consecuencias
negativas na fertilidade das xovencas.
Respecto da enerxía, as necesidades son de 2 a 2,25 Mcal
de Enerxía Neta de mantemento, dependendo das condicións
climatolóxicas ás que se atopen expostos os animais.
Debemos revisar periodicamente a condición corporal e
axustar as achegas enerxéticas da ración para evitar engraxamentos
durante este período. Crecementos moi altos
durante a fase de reprodución, por riba de 1.000 g/día, poden
comprometer a fertilidade das nosas xovencas.
A achega de vitaminas e minerais deberá cubrir os requirimentos
establecidos polo NCR 2001, tanto nesta fase
como nas anteriores.
INSTALACIÓNS E COW COMFORT
O aloxamento proporcionado aos lotes de animais en
idade de inseminar condicionará en gran medida os resultados
obtidos, tanto na detección de celos como na taxa
de preñez. As necesidades en cow comfort e en deseño de
instalacións serán moi similares ás establecidas para os animais
adultos, e só será necesario adaptar as medidas do
aloxamento ao tamaño destes animais.
En moitas ocasións, as antigas instalacións das vacas en
produción son utilizadas para aloxar a recría e as vacas secas.
Este procedemento reduce un bo número de custos
durante a recría, pero será necesario realizar unha adaptación
previa dos aloxamentos para evitar problemas que
co tempo non orixinarán máis que perdas económicas e
eliminacións de animais. A reestruturación das vellas naves
para utilizalas coas xovencas non se debe ver coma un custo,
senón coma un investimento.