afriga dossier: mamite - Transmedia 2009

22
RECRÍA
O PESO IDEAL PARA A CUBRICIÓN ESTARÁ EN TORNO AO 55% DO PESO ADULTO DO ANIMAL
A eficacia do noso programa reprodutivo será crucial
para obter estes resultados. Canto mellor sexan os nosos
índices reprodutivos, menor tempo empregaremos en obter
unha xestación e máis se achegará o momento do parto
á nosa formulación.
O programa reprodutivo fundamentarase en tres aspectos
principais: alimentación, instalacións e manexo. Todos
eles serán determinantes tanto no aspecto técnico como no
económico, polo que non podemos deixar ningún deles ao
azar. Un fallo en calquera destes puntos pode pór en perigo
a consecución dos nosos obxectivos.
OBXECTIVOS DE DESENVOLVEMENTO CORPORAL
PARA A CUBRICIÓN
En primeiro lugar, debemos establecer en que momento
imos inseminar as nosas xatas e cales son as condicións
que deben ter para iso. Hai que recordar que para lograr os
obxectivos de desenvolvemento corporal no momento da
inseminación é necesario que durante as fases anteriores
se fosen conseguindo uns crecementos parciais adecuados.
Un programa de recría é como unha carreira de fondo e os
resultados finais dependerán de todas e cada unha das fases
polas que pasen os animais.
Unha pregunta importante e que durante anos foi obxecto
frecuente de discusión no mundo gandeiro é se o momento
de inseminar vén determinado pola estatura, polo
peso ou pola idade dos animais. A resposta é polo peso;
isto é debido a que nas xatas a aparición da puberdade depende
do peso e non da idade e prodúcese aproximada-
O momento da cubrición estará determinado
polo peso corporal dos animais
AFRIGA ANO XVII - Nº 92
Debemos obter bos desenvolvementos durante as primeras fases para poder
inseminar a unha idade temperá (Xatas do centro de recría Anoca)
mente cando alcanzan o 45% do seu peso adulto. A maior
velocidade de crecemento, antes aparecerá a puberdade e
poderán reducirse a idade ao parto e o custo económico do
programa. Se só tomásemos en conta a idade ou a estatura
atopariámonos con animais que chegan ao primeiro parto
con pesos moi baixos, aumentando o risco de distocia
e reducindo a produción leiteira. Terá menos problemas
durante o parto e producirá máis leite unha xata inseminada
con 13,5 meses e 400 kg que outra inseminada aos 16
meses con 300 kg.
Valores de peso (kg) a primeira cubrición e a primeiro parto en función da
ganancia media diaria (gr/día)
meses a 1ª IA meses a 1º parto
13 14 15 16 17 22 23 24 25 26
0,700 319 340 361 383 404 511 532 553 575 596
0,750 338 361 384 407 430 544 567 590 613 636
0,800 358 383 407 431 456 578 602 627 651 675
0,850 378 404 430 456 482 611 637 663 689 715
0,900 398 425 453 480 508 645 672 700 727 755
Aínda que un crecemento acelerado pode ser moi vantaxoso
economicamente, debemos establecer uns límites
adecuados. Se o crecemento é moi rápido, pode producirse
un engraxamento excesivo da glándula mamaria desprazando
o tecido graxo ao parénquima e reducindo a produción
durante a primeira lactancia do animal. Ademais,
tampouco é conveniente conseguir partos con idades demasiado
temperás polo risco de distocia que poden ocasionar,
polo que se establece como obxectivo que os partos se
produzan a partir dos 23 meses.