afriga dossier: mamite - Transmedia 2009

XESTIÓN REPRODUTIVA NA
RECRÍA DE XOVENCAS
A xestión da reprodución no noso programa de recría de xovencas constituirá un dos
puntos críticos máis importantes de todo o proceso. O obxectivo final de todo programa
non é só conseguir un desenvolvemento adecuado, senón conseguir que as xatas se
convertan en vacas de produción e, para iso, necesitamos que queden xestantes en
forma e tempo adecuados. Se unha xovenca de 700 kg está baleira xa non é un logro,
senón unha gran perda.
Moitos dos obstáculos aos que nos enfrontaremos durante
a recría e que poden impedir un correcto desenvolvemento
do programa poderán ser liquidados dunha forma
máis ou menos adecuada. Por exemplo, ante a falta de
crecemento nunha fase reduciremos os obxectivos de peso
para acelerar o avance dos lotes, cando se produza superpoboación
nun lote variaremos o tempo de permanencia nel,
ou ante unha acumulación de partos podemos aplicar unha
desteta precoz. Todo iso son solucións puntuais que conseguirán
que o noso programa avance e non se produzan
estancamentos ou aglomeracións. Pero, que ocorre cando
as xatas non quedan preñadas?
Esta situación xa non ten unha solución tan sinxela. Se
non preñamos as xatas atrasaranse e/ou acumularanse na
zona de inseminación, aumentando os custos, reducindo a
RECRÍA 19
Roberto C. Fernández
Veterinario asesor de explotacións leiteiras
eficiencia do programa e creando un tapón que nos impedirá
un manexo adecuado e agravará cada vez máis a situación.
O obstáculo máis insalvable que nos atoparemos na recría
dunha xata cara a unha vaca de produción é a obtención
da súa preñez. Este aspecto pode marcar a diferenza
entre o éxito ou o fracaso do noso programa de recría.
O obxectivo cara ao primeiro parto na recría de xovencas
Holstein está establecido actualmente nos 23-24 meses de
idade, cun peso de 620 a 650 kg. Isto permitiranos obter
o máximo rendemento económico tanto na cría das xovencas
como na produción leiteira. Pero para conseguilo
dependemos do ritmo de crecemento e do momento en
que esta queda preñada e, á súa vez, ambos os parámetros
estarán relacionados. A maior ritmo de crecemento antes
inseminaremos a xovenca para conseguir a súa preñez.
AFRIGA ANO XVII - Nº 92