afriga dossier: mamite - Transmedia 2009

16
CONVOCATORIAS
OS EFECTOS DA NUTRICIÓN NO PUNTO DE MIRA
MUIMENTA FOI SEDE DUNHA XORNADA
TÉCNICA SOBRE A RENDIBILIDADE DUNHA
BOA ALIMENTACIÓN DO GANDO DE LEITE
Africor Lugo e Afriga organizaron o pasado 6 de maio unha xornada técnica de produción
de leite na casa da cultura de Muimenta (Cospeito). O profesor Jud Heinrichs, doutor
da Universidade de Pensilvania, abordou os efectos positivos dunha boa alimentación
do vacún leiteiro e, en concreto, das xovencas na recría. Posteriormente, o relator e os
asistentes ás charlas visitaron a explotación Gandería Novo, tamén en Cospeito, e o
centro de recría Anoca, en Castro de Rei.
Jud Heinrichs abriu a xornada técnica explicando como
as explotacións lácteas poden sacarlle mellor rendemento
económico á alimentación das xovencas, dado que esta
constitúe un dos custos máis importantes da produción na
recría. Na súa opinión, existen dúas estratexias de manexo
factibles, sempre que non minguen o potencial produtivo:
reducir o tempo ata o primeiro parto e lactación ou reducir
os insumos necesarios para criar os animais novos.
Heinrichs recomendoulles aos gandeiros facer medicións
do peso corporal, a inxesta e as análises das forraxes para poder
controlar ben a alimentación na primeira fase da crianza,
cando as xovencas crecen estruturalmente (en altura da cruz,
altura e anchura de cadeiras e perímetro torácico).
AFRIGA ANO XVII - Nº 92
Heinrichs patentou
este sistema cribador
da ración das vacas
A xornada xuntou un bo número de
gandeiros e veterinarios no salón de actos
da casa da cultura de Muimenta
O relator apuntou ademais a necesidade de proporcionarlles
a cantidade axeitada de auga limpa e de boa calidade
e de vixiar a composición nutricional da dieta das
xovencas frisonas co obxectivo de manter nela uns niveis
adecuados de proteína e enerxía. Así, por exemplo, aconsellou
incrementar a achega de enerxía cando fai frío, se hai
humidade ou barro no establo ou se as áreas de descanso
son malas, e, en cambio, alertou da sobrealimentación
de enerxía en animais ben estabulados. Deu, así mesmo,
estoutras pautas: destetar a tempo, medir os crecementos
antes e despois da puberdade e a condición corporal postpubertal,
observar a consistencia no grupo de animais e os
partos aos 22-24 meses.