Deseño dunha APP móbil

LIBRARÍAS
O deseño dunha aplicación pode ser todo o persoal que se queira
ou pódese facer uso das “librarías”. E que son as “librarías”?
En programación, chámase así ao conxunto de código externo que
se pode aproveitar para conseguir determinados comportamentos. Ten
relación directa coa linguaxe de programación elixido. É como un kit de
ferramentas de software pequeno e autónomo que contén código e datos
que ofrecen unha funcionalidade moi específica ao usuario. Normalmente
úsase xunto con outras librarías e ferramentas para facer unha aplicación
completa, xa que polo xeral as bibliotecas non son executables.
Polo tanto, unha libraría é os propios recursos que nos ofrecen os
sistemas, ou recursos independentes compatibles con o sistema elexido,
para programar unha aplicación. O uso ou non uso destes implica certas
vantaxes e certas desvantaxes
VANTAXES
- Menor peso da app ao non estar
as imaxes contidas na App.
- Maior rapidez de carga ao recorrer
ás imaxes do núcleo.
- Aspecto robusto e nativo integrado
co Sistema Operativo.
- Redución substancial do tempo
dedicado a deseñar e programar.
DESVANTAXES
- Deseño impersonal, da túa app.
- Marca diluída ao non haber
apena diferenciación respecto de
moitas outras apps.
- Non poderás explotar e mostrar
todo o teu talento ao converterse
nun traballo máis de maquetación
que de deseño.
Todos os sistemas operativos móbiles teñen unha guía acerca de
como deseñar para esa contorna, constitúen unha gran axuda para familiarizarse
co SO.
61