Deseño dunha APP móbil

DESEÑO
Para definir os nosos layouts deberíamos de traballar usando
soamente os dps, os cales o sistema xa se encargará de traducilos
a píxeles físicos a través deste sinxelo cálculo:
px = dp * (dpi/160)
*Exemplo: Supoñamos que se quere debuxar unha liña de 3 dps na pantalla virtual, e
a pantalla, casualidade, é de 160 dpi. Entón eses 3 dps tradúcense en 3 píxeles. Agora
supoñamos que poseemos un móbil cunha densidade de píxeles de 445. Eses mesmos 3
dps transfórmanse en 8 píxeles físicos para esa pantalla.
sp_Scale independent pixels: É unha medida usada unicamente
para definir o tamaño das fontes. É moi parecida aos dpi,
xa que o tamaño se axusta dependendo dos dpis da pantalla.
A proporción, segundo a clasificación feita anteriormente, para
axustar as imaxes ás diferentes densidades de pantalla dos dispositivos,
segue unha relación de escala de 3:4:6:8. É dicir:
• ldpi (low) ~120dpi
• mdpi (medium) ~160dpi
• hdpi (high) ~240dpi
• xhdpi (extra-high) ~320dpi
• xxhdpi (extra-extra-high) ~480dpi
• xxxhdpi (extra-extra-extra-high) ~640dp
Desta forma, á hora de deseñar para Android sempre deberemos
utilizar dp cando definamos as dimensións, as posicións na UI ou tamaños
de textos para asegurarnos que o noso deseño se verá correctamente
en todas as pantallas.
Existe tamén mm e in, que son medidas relacionadas coa forma
real da pantalla co que tampouco son a medida ideal para un deseño
multiscreen.
101