boletin T2

3º ciclo
SAÍDA A FUNDACIÓN: “ZAPPING”
O día 15 de xaneiro os alumnos de 4º, 5º e 6º de EP asistimos a unha comedia musical
na que se fixo reflexionar ao alumnado sobre as consecuencias derivadas das eleccións
que facemos na vida. Calquera decisión ten un efecto e os espectadores puideron
aprender a importancia de saber tomar a mellor decisión posible para aprender dos
erros, tanto no ámbito profesional coma no ámbito das relacións persoais coa familia
e os amigos.
ANIMACIÓN Á LECTURA
O día 8 de febreiro o escritor Gonzalo Moure visitou o centro e falounos dos seus
libros, en concreto “Palabras de Caramelo”. Durante máis dunha hora o escritor
conversou co alumnado das súas experiencias e contestou ás preguntas dos rapaces.
Finalizou o acto coa firma do libro.
SAÍDA AO CONSERVATORIO SUPERIOR DE MÚSICA (CSMV)
O día 27 de febreiro os alumnos de 5º e 6º de EP asistimos a un concerto didáctico
do grupo de Música Tradicional do CSMV. Coas diferentes interpretacións fixeron un
breve percorrido pola música tradicional. Empregaron gaitas, panderetas, tamboril,
clarinetes, saxos, tuba e zanfonas. Interpretaron temas como por exemplo “Romance”,
“Xota de Paredes” ou “Muñeira do gaiteiro de Ventosela”.
ANIMACIÓN Á LECTURA
O día 16 de marzo os alumnos de 5º e 6ª de EP fixeron unha actividade de animación
á lectura con Sabela Gago.
Os rapaces de 5º de EP interpretaron unha obra na que as galiñas Petipuá, Poliplasta
e Pulchinela discutían constantemente sobre cal delas era a mellor do galiñeiro. Todos
os alumnos, desde dentro ou fóra do escenario, interviñeron na obra dun xeito moi
activo.
Os rapaces de 6º de EP improvisaron unha obra de teatro feita polos propios nenos.
Participaron activamente na obra e divertíronse interpretando os papeis dos personaxes.
EIXO
_Boletin do Colexio Montesol
23