Mulleres2017.final

Continuamos con pracer a experiencia de destacar e dar a coñecer figuras singulares
de mulleres, neste caso COMPOSITORAS, intérpretes, directoras de orquestra,
cantantes… Diferentes épocas e diferentes países. Diferentes estilos.
Acompañádenos para coñecer algunhas artistas que foron iconas na súa época,
como “A Malibran”, símbolo dunha xeración romántica; ou Alma Mahler,
musa de artistas. No medio delas, atoparedes outras infravaloradas ou ocultas
pola súa condición feminina, acochadas tralos nomes dos seus esposos ou irmáns,
coma no caso de Fanny Mendelson.
E para os máis curiosos, comprácenos presentarvos “desaparecidas” como a
compostelá Osterberger, grazas ao traballo de investigación de compañeiras
docentes que rescataron esa artista silenciada.
Como peche desta espiral creativa, non podiamos esquecer as novas xeracións,
as mulleres que hoxe en día fan oír as súas voces coma Sole Giménez.
Moitas das mulleres das fotografías souberon sortear barreiras e derrubar prexuízos
para que moitas outras, na actualidade, teñan as portas abertas á participación
e á creación. Que siga soando a música!