COMPOSTELÁ

AVOGACÍA
COMPOSTELÁ
Nº 16 Decembro 2016
Exemplar gratuíto
Ilustre Colexio de Avogados
de Santiago de Compostela
Victoria Ortega,
presidenta do
Consello Xeral
da Avogacía Española
«A avogacía ofrécese a
liderar un pacto de Estado
pola Xustiza, non podemos
seguir esperando a que as
súas eivas se arranxen soas»
NOVAS DA AVOGACÍA
-O colexio de avogados
participa nun programa
de mediación penal pioneiro
en Galicia
-Aprobada unha baixada das
cotas para os colexiados
exercentes residentes en 2017
ESCOLA DE PRÁCTICA XURÍDICA
O alumnado do
Máster de Avogacía,
100% de aprobados
no exame de acceso
á profesión
ACTUALIDADE
A Avogacía de Santiago
lidera a posición
conxunta da cidade
en demanda de novas
unidades xudiciais
para frear o colapso

X

Avogacía
Compostelá
Sumario
Dirección
Evaristo Nogueira Pol
Secretaría técnica
Manuel Arza Galán
Asesoramento lingüístico
Martín Ramos Insua
Contidos
Pablo G. Quintas
(Lupa Comunicación)
Editorial
Novas da Avogacía
O Colexio de Avogados de Santiago participa nun
programa de mediación penal pioneiro en Galicia
posto en marcha en dous xulgados
Lexnet Avogacía inicia a transición cara á plataforma do
Ministerio de Xustiza
O alumnado do Máster de Avogacía, 100% de
aprobados nos exames de acceso á profesión
Actualidade
A Avogacía lidera as reivindicacións da cidade en
defensa de novas unidades xudiciais
Entrevista
Victoria Ortega, presidenta da Avogacía Española: “A
avogacía ofrécese a liderar un pacto de Estado pola
Xustiza, non podemos seguir esperando a que as
súas eivas se arranxen soas”.
Vida Colexial
Festividade de San Raimundo 2016
Cursos e xornadas
Acordos da xunta de goberno, novidades e lexislación
Ao pé da letra
Traballemos como galegos
Actividade nas redes sociais
Actos conmemorativos polo centenario do
falecemento de Eugenio Montero Ríos.
Presentación da biografía
O colexio nos medios
4
5
5
6
8
10
13
19
19
24
26
28
31
32
34
Victoria Ortega, presidenta do Consello Xeral de Avogacía Española
Co patrocinio de:
www.icasantiago.org
Depósito legal: C-3778-2007
Deseño e maquetación: LUPA Comunicación
O Ilustre Colexio de Avogados de Santiago de Compostela non se
fai responsable das opinións expresadas polos seus colaboradores.

Editorial
Estimados/as compañeiros/as:
Evaristo Nogueira Pol
Decano do Ilustre Colexio
de Avogados de Santiago
Rematando xa o ano, está nas vosas mans a edición da nosa revista colexial,
que contén, entre outros temas, unha interesante entrevista á presidenta
do Consello Xeral da Avogacía, quen trata temas importantes da nosa
profesión e da Administración de xustiza en xeral.
Xa no tocante a outros acontecementos que sucederon durante o presente
ano, debo destacar en primeiro lugar os importantes cursos que se desenvolveron
ao longo destes meses. É moi significativa a elevada asistencia
que tiveron, o que motivou que en varios deles mesmo tivésemos que
desprazarnos fóra da sede colexial, por non ter cabida suficiente. Ese
compromiso coa formación constante entendemos que debe ser a senda
para o ano que vén.
Comezou un programa piloto de mediación penal na nosa cidade, no que
os avogados e as avogadas temos un protagonismo capital. Imos esperar o
seu desenvolvemento para facer unha análise máis concreta e detallada,
pero en todo caso creo que debemos ser optimistas e apostar por el. O labor
levado a cabo polas compañeiras da Xunta de Goberno, Patricia López
Arnoso e María Jesús Vieito Mayo, conxuntamente co de Manuel Arza, é
merecedor de eloxios. Foi un traballo encomiable, con moitas horas de
dedicación e con multitude de reunións. Por todo iso, debo agradecerlles
publicamente o seu traballo.
Na próxima xunta xeral, coa aprobación dos orzamentos na súa orde do
día, a Xunta de Goberno propoñerá unha baixada de cotas colexiais. O bo
estado da tesouraría do Colexio permítenos propoñer esta rebaixa, ademais
do mantemento da subvención ao seguro de responsabilidade civil.
Desgraciadamente e botando xa a vista nos xulgados, no día en que
escribo estas liñas seguen pendentes necesidades imperiosas na nosa
cidade: xulgados Social e de Familia. Desde o Colexio non imos deixar de
denunciar esta situación e de seguir insistindo ante as diferentes administracións
para conseguir algo que agora máis que nunca consideramos de
xustiza. Santiago non pode estar discriminada en materia de órganos
xudiciais.
Estaba pendente unha xuntanza co conselleiro de Xustiza para abordar
asuntos da quenda de oficio. Agora que xa se formou goberno, espero que
nun tempo prudencial teñamos esas conversas, das que vos daremos
conta do seu resultado.
Foi un orgullo para o Colexio poder intervir na homenaxe á figura de
Eugenio Montero Rios, á que tamén se fai referencia no contido desta
revista.
Grazas a todos e a todas polas ideas que moitas veces nos trasladades
para, en todo o posible, tratar de mellorar o funcionamento colexial.
En nome da Xunta de Goberno, do persoal do Colexio e no meu propio, só
me queda desexarvos un feliz ano 2017, que veña cheo de saúde e de
traballo, reiterándovos que a Xunta de Goberno está á vosa disposición.
Evaristo Nogueira Pol
Decano
4
Avogacía Compostelá
Ilustre Colexio de Avogados de Santiago de Compostela

Novas da avogacía
O colexio de avogados participa nun programa de mediación penal
pioneiro en Galicia posto en marcha en dous xulgados
A mediación penal ten como obxectivo unha xustiza restaurativa,
creando un marco equilibrado de diálogo entre as partes afectadas
para lograr unha reparación adecuada do dano causado
Av o g a d o s e
responsables
dos programas
de mediación.
A confiden-
c i a l i d a d e é
unha máxima
da mediación,
o xuíz ou a
xuíza non van
ter coñecemento do que ocorre dentro dese
proceso, só do acordo final, no caso de que
este se alcance.
Coa mediación penal, as dúas partes son
partícipes da solución ao problema que as
enfrontou e ambas poden obter beneficios
importantes. A vítima unha reparación
adecuada ás súas necesidades, “repara-
ción que non sempre é económica”, sinala
María Jesús Vieito, e o procesado, unha
atenuación importante da pena para
impoñer ou evitar (en ocasións un ingreso
en prisión cando xa existe unha sentenza
firme). En definitiva, lógrase unha pacifica-
ción do conflito que subxace, o cal ao cabo
evita condutas reincidentes.
A institución colexial levou a cabo un
esforzo importante para que 23 avogados,
que deben traballar sempre en parella, teñan
unha formación especializada en mediación
penal; unha vía de resolución de conflitos con
moita tradición noutros países europeos e
que tamén noutras comunidades autónomas
se leva realizando con moi bos resultados.
O convenio de colaboración para o
desenvolvemento deste programa piloto
asinárono o Consello Xeral do Poder
Xudicial, a Vicepresidencia da Xunta de
Galicia, a Fiscalía Xeral, o Colexio de
Avogados de Santiago e a Universidade de
Santiago de Compostela.
O Colexio de
Avogados de
Santiago forma
parte dun programa
piloto de
m e d i a c i ó n
penal, actual-
mente en fun-
cionamento en
dous xulgados
da capital galega, unha iniciativa pioneira
en Galicia que se puxo en marcha no mes de
outubro para a solución de conflitos baixo
os principios da xustiza restaurativa.
Os xulgados de instrución número 1 e o
penal número 1 de Santiago forman parte
desta iniciativa, na que o proceso de mediación
penal, que ten carácter intraxudicial, se
inicia a través dunha resolución xudicial que
pode ser adoptada de oficio polo xuíz, ou
ben por petición de calquera das partes
(persoa investigada/acusada/condenada
ou vitima) ou da Fiscalía.
Este proceso só se inicia cando existen
dúas partes identificadas, un infractor e
unha vítima, tendo en conta que os delitos
de violencia de xénero están excluídos da
mediación penal por imperativo legal. Pode
ser con todo unha ferramenta moi útil para
casos de malos tratos familiares, delitos de
lesións, delitos societarios, estafas ou falta
de pagamento de pensións, entre outros.
“Os dous mediadores que se van encar-
gar de cada caso, que actúan con total
imparcialidade, convocan as partes a unha
primeira reunión informativa, na que
ademais de explicarlles en que consiste o
proceso, lémbraselles que a mediación é
voluntaria, gratuíta e confidencial”, aseguran
María Jesús Vieito e Patricia López
Arnoso, da xunta de goberno do Colexio de
Avogacía Compostelá 5
Ilustre Colexio de Avogados de Santiago de Compostela

Novas da Avogacía
Lexnet Abogacía inicia a transición
cara á plataforma do Ministerio de Xustiza
O Pleno do Consello Xeral da
nesta ferramenta tecnolóxica. Isto
Avogacía Española, na sesión do
provocou que se tivese que remitir
21 de outubro, acordou redefinir a aos usuarios a utilizar a plataforsúa
estratexia tecnolóxica, que
ma do Ministerio de Xustiza cada
entre outras cousas implica a
vez que este lanza unha nova
transición de Lexnet Abogacía cara
funcionalidade e que moitos
á plataforma do Ministerio de
avogados necesitasen utilizar
Xustiza.
dúas aplicacións distintas para a
A avogacía asumiu a súa res-
súa comunicación cos xulgados.
ponsabilidade como actor fundamental da Iníciase agora un proceso de negociaxustiza
e, fiel ao seu compromiso de ción co Ministerio de Xustiza para planifimodernización,
desenvolveu Lexnet car e garantir a transición dun sistema ao
Abogacía para axudar os letrados na súa outro. Neste período, as decenas de miles
adaptación á xustiza dixital.
de avogados que empregan Lexnet
Tras un ano de funcionamento cos Abogacía ―cunha media de 15.000 cada
novos requisitos, a avogacía adoptou esta día― poderán seguir utilizando esta
decisión ao considerar que é o momento plataforma, que en ningún caso se descooportuno
para lograr maior eficiencia e nectará ata que este proceso finalice nos
eficacia nas comunicacións electrónicas meses vindeiros.
cos xulgados e tribunais.
Desde ese momento, o Ministerio de
O Pleno da Avogacía valorou, entre Xustiza garantirá o funcionamento e o
outras cuestións, que a homologación soporte do servizo para todos os profesiofeita
polo Ministerio de Xustiza das novas nais da avogacía, tal e como establece a
funcionalidades de Lexnet Abogaciía se Lei 18/2011 reguladora do uso das
produce entre tres e seis meses despois tecnoloxías da información e a comunicade
seren deseñadas e aplicadas polo ción na Administración e xustiza. Acceso a
propio Ministerio, xerando así problemas Lexnet do Ministerio de Xustiza:
de eficiencia e un elevado custo operativo https://lexnet.justicia.es
Enrique Sanz Fernández-Lomana, elixido presidente
da Mutualidade da Avogacía
A nova Xunta de Goberno da Mutualidade da Avogacía elixiu a Enrique Sanz Fernández-
Lomana como novo presidente da entidade aseguradora. Sanz, conselleiro electivo e
tesoureiro do Consello Xeral da Avogacía Española no momento do seu nomeamento, releva
no cargo a Luís de Angulo Rodríguez, quen
estivo á fronte da Mutualidade da Avogacía
desde 1995.
O novo presidente toma a substitución de Luís
de Angulo cun proxecto baseado na continuidade,
tendo en conta que desde 2006 traballou á
beira do ata agora presidente, como vogal da
Xunta de Goberno da Mutualidade e presidente
da Comisión de Auditoria Interna estes tres
últimos anos.
6
Avogacía Compostelá
Ilustre Colexio de Avogados de Santiago de Compostela

Novas da Avogacía
O alumnado do Máster de Avogacía, 100 % de
aprobados nos exames de acceso á profesión
O 40 % dos matriculados na quinta edición estudaron Dereito fóra da provincia
ano e medio, reciben formación nas materias
Civil e Mercantil, Penal, Laboral e
Administrativo.
O 60 % do profesorado é designado polo
Colexio de Avogados de Santiago, mentres
que o 40 % depende da Universidade de
Santiago de Compostela (USC). O exame de
acceso á avogacía, obrigatorio para exercer
en España, realízase dúas veces ao ano, nos
meses de febreiro e novembro.
A Escola de Práctica Xurídica, dirixida por
Lotario Vilaboy, ocúpase tamén da formación
continua dos colexiados e ten acordos de
colaboración con numerosas administra-
cións públicas e bufetes de avogados para a
realización dos programas de prácticas.
A Escola de Práctica Xurídica desenvolve a
cuarta e a quinta edicións do Máster en
Avogacía, cun total de 115 alumnos que a día
de hoxe preparan na entidade dependente do
Colexio de Avogados de Santiago o exame de
acceso á profesión.
Na quinta edición hai matriculados 57
alumnos, dos que o 40 % fixeron os estudos de
Dereito fóra da provincia da Coruña.
Licenciados e licenciadas en Murcia, Madrid,
Canarias, Barcelona ou Leon escolleron a
escola de Santiago para facer o máster, debido
ao seu alto nivel académico.
Ata o de agora, o 100 % dos alumnos que
fixeron o máster na Escola de Práctica Xurídica
da USC aprobaron o exame de acceso. Durante
8
Avogacía Compostelá
Ilustre Colexio de Avogados de Santiago de Compostela

desde solo 41,90€
persona/mes
desde 6,50€
persona/mes
PARA MAS INFORMACIÓN Y CONTRATACIÓN:
JOSÉ ANTONIO CORTÉS
C/Santiago de Guayaquil 7, tlfno 981 563 107
Tlfno 609714194 ( jacortes@tuasesorasisa.es )

Actualidade
A Avogacía de Santiago lidera a posición conxunta da cidade
en demanda de novas unidades xudiciais para frear o colapso
“A decisión do Ministerio de negarlle a Santiago unha nova sala do social
é un agravio e unha gran decepción”, asegura Evaristo Nogueira
Os atrasos para a celebración de xuízos superan os tres anos e todos
os grupos políticos municipais apoian as demandas da avogacía
A Avogacía de Santiago liderou de novo a
posición do conxunto da capital galega en
demanda de novas unidades xudiciais. A
decisión do Ministerio de Xustiza de deixar a
cidade fóra da última repartición foi, en
palabras do decano Evaristo Nogueira, “un
agravio e unha gran decepción”.
Santiago non terá en 2017 a nova sala do
social que vén reclamando desde hai anos. A
pesar do colapso que sofren os seus xulgados,
a capital galega volveu quedar fóra da
repartición despois de que a Comisión Mixta
de Xustiza acordase o pasado mes de novembro,
por unanimidade, a
creación de tres novos
xulgados na Coruña,
Ourense e Vigo, e dúas
prazas de maxistrado en
Galicia. O Colexio de
Avogados de Santiago
considera a decisión
“unha inxustiza”.
“Non poñemos en
dúbida que tanto A
Coruña como Vigo e Ourense necesitan esas
salas, pero o que é un dato obxectivo é que a
situación dos xulgados do Social de Santiago
é dramática e que a nosa reclamación é máis
que xusta», explicou Evaristo Nogueira aos
medios de comunicación.
Para o máximo representante dos avogados
da cidade, “con esta decisión están a esquecerse
dos cidadáns, os que a tomaron terán
que darlles explicacións aos que, por exemplo,
condenan a esperar máis de tres anos para
percibir unha prestación por incapacidade”.
Reaccións políticas
O malestar da avogacía foi respaldado de
forma unánime polos grupos políticos
municipais. “Á cidade interésalle que rememos
todos a un tempo e que demandemos
algo que é xusto", remarcou o alcalde,
Martiño Noriega, quen lembrou a “necesi-
dade” de contar cun novo xulgado debido á
“carga de traballo” dos actuais, que provo-
can “maior lentitude en asuntos sensibles”
como os relacionados con temas laborais.
Pola súa banda, o portavoz do PP no
Concello de Santiago, Agustín Hernández,
indicou que é “unha mala noticia” que
ningunha das novas unidades xudiciais
adxudicadas a Galicia recaia na capital.
Por último, os portavoces do Bloque e
PSdeG en Santiago, Rubén Cela e Paco
Reyes, cualificaron de “absolutamente
impresentable” a deci-
sión de deixar fóra a
Santiago na concesión
das novas unida-
des, o que considera
unha decisión “arbitraria
que non se
corresponde a criterios
obxectivos”.
Postura da Xunta
En relación con este tema, o vicepresidente
da Xunta, Alfonso Rueda, admitiu que en
Galicia “fai falta poñer varios xulgados en
marcha”, pero que isto require unha “autori-
zación do ministerio”, o que permitiu agora
crear cinco novas unidades.
Dadas as cinco unidades posibles, a
Comisión Mixta de Xustiza decidiu crealas
“onde máis falta facían”, dado que había
“máis carga de traballo”. “Se puidésemos
crear seis ou sete, probablemente habería
un xulgado do social en Santiago”, dixo o
vicepresidente.
Con todo, apuntou que, “se o ano que vén
volven poder crear” e os xuíces “din que fai
falta un xulgado do social en Santiago, que
seguramente así será”, a Xunta poñerao “en
marcha” aínda facendo un “desembolso
económico importante”.
10
Avogacía Compostelá
Ilustre Colexio de Avogados de Santiago de Compostela

Actualidade
OS MEDIOS DE COMUNICACIÓN RECOLLERON A LOITA DOS AVOGADOS DE SANTIAGO
Avogacía Compostelá 11
Ilustre Colexio de Avogados de Santiago de Compostela

O Colexio de Avogados de Santiago
deséxavos un Feliz Nadal
e un prospero ano 2017!

Entrevista
Victoria Ortega, presidenta da Avogacía Española
«A sociedade non será xusta mentres non sexa igualitaria,
avánzase pero moito máis amodo do que é necesario»
Primeira muller que preside o Consello Xeral da Avogacía Española, Victoria Ortega
considera que a igualdade “non debe ser unha quimera, xa que está na Constitución”.
Conseguir un pacto de Estado pola xustiza, lograr unhas retribucións xustas para os
profesionais da quenda de oficio e que se aprobe o Estatuto xeral da avogacía
española son os tres grandes retos que se marca a medio prazo.
Pregunta.- Chegou vostede ao cargo o pasado R.- A igualdade non é unha quimera, porque non é
mes de xaneiro, que balance fai destes primei- algo que está na nosa imaxinación, que é onde
ros meses á fronte da avogacía española? están por definición as quimeras, senón nos textos
Resposta.- Este período foi un pouco estraño legais, empezando pola Constitución. A sociedade
porque se correspondeu coa crise política e cun non será xusta mentres non sexa igualitaria e,
goberno en funcións que, afortunadamente, xa é aínda que avanzamos moito, é evidente que queda
historia. Con todo, non estivemos parados, todo o moito camiño para que a nosa o sexa. Debe selo,
contrario. Fixemos unha reordenación da estrutura porque pola contra non estaremos nun Estado
do Consello para facelo máis eficiente; estivemos democrático e de Dereito e todos temos a obriga de
traballando con asociacións de xuíces e fiscais contribuír á súa consecución. Avánzase, pero moito
para achegar as nosas ideas de cara a mellorar a máis amodo do que é necesario.
xustiza e, persoalmente, como presidenta, viaxei a P.- Se tivese que enumerar, a día de hoxe, tres
moitos colexios para participar en actos institucio- retos pendentes para a avogacía española, cales
nais e ter un contacto máis directo coas xuntas de serían?
goberno e os colexiados e colexiadas.
R.- Conseguir un pacto de Estado pola xustiza, no
P.- Foi a primeira muller que ocupou a presiden- que xa estamos a traballar e que nos ofrecemos a
cia do CXAE. Segue sendo a igualdade unha liderar e estamos a liderar, lograr unhas retribuquimera
na xustiza e na sociedade en xeral? cións xustas e adecuadas para os profesionais que
Avogacía Compostelá 13
Ilustre Colexio de Avogados de Santiago de Compostela

Victoria Ortega, presidenta do Consello Xeral da Avogacía Española
e conselleira do Consello de Estado

exercen na quenda de oficio e que se aprobe o
Estatuto xeral da avogacía española, que quedou
pendente na anterior lexislatura.
P.- A avogacía demostrou a súa fortaleza cando
se uniu en contra das taxas xudiciais. Debería
dar mostras de unidade con maior frecuencia?
Observa vontade de traballar de forma conxunta
por parte dos avogados?
R.- Os avogados somos individualistas
pola esencia do noso traballo,
pero tamén temos un concepto moi
arraigado do compañeirismo, aínda
que poida parecer contraditorio.
Coas taxas quedou demostrado que
cando hai unidade, somos moito
máis fortes e, efectivamente,
conséguense obxectivos. É certo
que se pode ter un mesmo obxectivo
e tentar logralo de diferentes
formas. A Avogacía institucional
busca sempre o diálogo con outras institucións,
os consensos. E se iso non dá resultado, pois
tamén saímos á rúa, como fixemos coas taxas ou
coa lei de xustiza gratuíta. Creo que todos os
profesionais da avogacía pretendemos o mesmo
para mellorar a nosa profesión e a todos nos
interesa unir forzas.
P.- Tras a eliminación das taxas xudiciais para
as persoas físicas, que outros cambios lexislativos
deberían chegar en España por ser unha
ameaza contra a tutela xudicial efectiva?
R.- As taxas deberían desaparecer na súa
totalidade, desde logo. Para garantir o dereito á
tutela xudicial efectiva, cómpre que se aprobe
unha lei de asistencia xurídica gratuíta que conte
coas achegas e o consenso dos profesionais
implicados. Tamén imos traballar para que se
aprobe unha lei do dereito de defensa que o
ministro, que coñece a nosa demanda, xa
comprometeu hai uns días na súa toma de
posesión.
A finalidade do recoñecemento constitucional
do dereito de defensa é a de poñer fin dunha vez
para sempre a actuacións que, sen base legal,
violan o dereito de defensa, e, ademais, asegurar
os dereitos da cidadanía e a efectiva realización
do principio de contradición e de igualdade entre
as partes, para evitar desequilibrios ou limitacións
que poidan conducir á indefensión.
P.- Será posible ese pacto pola xustiza en
España que se demanda desde a avogacía
desde hai tempo? Considera que hai vontade
política?
R.- Desde logo nel estamos a traballar desde que
tomei posesión con asociacións de xuíces e
fiscais. Levamos demasiado tempo facendo o
diagnóstico da situación da xustiza e non podemos
seguir esperando a que as súas eivas se
“A mediación
ten un gran futuro,
os procedementos
que contribúan a
solucionar conflitos
extraxudicialmente
son moi benvidos”
Entrevista
arranxen soas. Como dicía Julián Marías,
“inquiétame que en España todo o mundo se
pregunte que vai pasar?, en lugar de preguntarse
que imos facer?”. Nós decidimos facer. Ás
veces a vontade política pode brotar das
demandas da cidadanía, e nesta lexislatura
dáse unha situación propicia para lograr
acordos que contribúan a mellorar a
Administración pública.
Os cidadáns deben recuperar a
confianza nas institucións, e non
imos eludir a nosa responsabilida-
de de contribuír a que confíen na
Administración de xustiza.
R.- Cales deben ser as prioridades
dese pacto?
R.- Conseguir que a xustiza sexa
menos lenta, máis transparente,
que se faga máis comprensible
para o cidadán. Isto esixe reformas
de orde procesual, consensuadas; hai que facer
unha reforma global duradeira que se adapte á
realidade, e non ir poñendo parches para
liquidar unha situación concreta. E, naturalmen-
te, hai que investir en medios materiais e
humanos, pero tamén introducir mecanismos
de xestión máis eficientes e efectivos.
R.- Por que o funcionamento ordinario da
Xustiza nunca forma parte das campañas
electorais?
R.- A Xustiza represéntase cunha venda nos
ollos, pero dá a sensación de que quen non a ve,
nin a mira, son os gobernos. Hai problemas da
Xustiza que se veñen arrastrando desde hai
lustros, sen que ningún gobernante os atalle de
verdade. No último dos barómetros que dende a
Avogacía Española lle encargamos a Metroscopia
sobre o estado da Xustiza, un 81 % dos cidadáns
enquisados manifestou que os gobernos mos-
tran máis interese por controlar a xustiza que por
mellorala. Iso é terrible. É incomprensible que
non se quixese reverter esta opinión.
P.- Sente a Avogacía institucional que as súas
demandas son oídas e tidas en conta polos
poderes públicos, polos partidos políticos?
R.- Na maioría dos casos, así é. Aínda que
tamén é certo que cando un goberno ten
maioría absoluta é máis xordo ante as deman-
das cidadás ou dos colectivos profesionais. E se
se dá o caso de maioría absoluta e un ministro
que implanta a Lei de taxas, custa moito máis
facerse oír, aínda que se a razón está da nosa
parte, acábase revertendo a situación. Espero
que o tempo de non escoitar pasase para
sempre. A política ten que facerse sempre
escoitando aos demais.
P.- Como é a relación da avogacía institucional
con outros axentes do sector, como xuíces e
Avogacía Compostelá 15
Ilustre Colexio de Avogados de Santiago de Compostela

Entrevista
sector, está a atoparse a
avogacía con máis problemas
dos previstos?
R.- A dixitalización da xustiza,
a súa modernización desde
un punto de vista tecnolóxico,
é un dos factores que
vimos esixindo para lograr a
Administración de xustiza
que todos desexamos.
Evidentemente, este proceso
non está exento de problemas,
entre outras cousas
porque o mundo xurídico é
bastante refractario ao uso
das tecnoloxías. No Consello,
fieis ao noso compromiso
coa modernización da
xustiza, decidimos desenvol-
velo, por acordo do Pleno, LexnetAbogacía.
Estamos seguros de que sen este impulso
Lexnet non arrincaría porque xa houbera varios
intentos previos que fracasaran. Con todo,
transcorrido case un ano, comprobamos que
supón para nós un elevado custo operativo e
unha excesiva dependencia da plataforma do
Ministerio e decidimos, tamén por acordo do
Pleno, iniciar o proceso de transición cara á
plataforma do Ministerio de Xustiza. Pero todo
se fará dun xeito ordenado e sen prexuízos para
ninguén.
P.- Deuse un paso na formación dos novos
avogados co exame de acceso. Chegan
preparados para exercer a súa función?
R.- Cinco anos despois da posta en marcha do
máster e do exame de acceso, non só deixamos
de ser unha excepción en Europa, senón que
melloramos substancialmente a calidade dos
novos avogados. Pero estamos a traballar para
introducir cambios e lograr que as probas sexan
eminentemente prácticas. A universidade
forma xuristas. O máster debe formar avogados
e avogadas. E demandamos por iso unha
mellora do sistema de acceso para que prime o
profesional sobre o académico. Niso estamos a
traballar co Ministerio e as universidades, en
colaboración cos colexios.
P.- Están os plans de estudos das facultades
fiscais?
R.- Eu diría que fluída e cordial, entendendo que
cada un ten asignado un papel no proceso, pero
todos queremos conseguir unha mellor xustiza e,
como xa dixen, niso estamos a traballar.
P.- Desde diferentes colexios pídese de forma
reiterada un mellor tratamento á quenda de
oficio. Que opina deste tema? Debe aumentar o
investimento en xustiza gratuíta?
R.- Non se pide só desde algúns colexios. Esta é
unha reivindicación unánime de toda a Avogacía.
En 2014, o Consello Xeral da Avogacía, formado
polos decanos e decanas dos 83 colexios de
avogados e outros conselleiros e conselleiras,
ademais de membros das xuntas de goberno,
saímos á rúa coas nosas togas para esixir que a
lei de xustiza gratuíta non se modificase no
sentido que pretendía facelo o Goberno.
Conseguímolo. Hai só uns días, horas antes da
toma de posesión de Rafael Catalá, reuninme
outra vez con el e comprometeuse a efectuar os
pagamentos puntualmente e a crear un grupo de
traballo para solucionar os problemas da quenda
de oficio. Desde logo que debe aumentar o
investimento. Hai casos en que os baremos non
se actualizan desde 2003 e este é un tratamento
intolerable para profesionais que tanto fan para
garantir a paz social.
P.- No Colexio de Avogados de Santiago púxose
en marcha un servizo de mediación
penal, que se une a outro de
mediación civil. É a mediación un
tema para potenciar en España?
R.- Así é. A mediación ten un gran
futuro no noso país e todos os
procedementos que contribúan a
solucionar conflitos extraxudicial-
mente son moi benvidos.
P.- Con respecto ao proceso de
dixitalización e “papel cero” no
“Todos os profesionais
da avogacía
pretendemos
o mesmo para
mellorar a nosa
profesión e a
todos nos interesa
unir forzas”
de dereito adaptados ao século
XXI?
R.- En xeral, a universidade espa-
ñola carga cun exceso de formación
teórica. O ensino, en todos os
niveis, necesita adaptarse ás
necesidades do mundo en que
vivimos. Non falo só da carencia de
medios materiais no ámbito
tecnolóxico, por exemplo, falo
16
Avogacía Compostelá
Ilustre Colexio de Avogados de Santiago de Compostela

Entrevista
R.- Vivimos un momento en que a
desconfianza nas institucións está
moi estendida. Os colexios han de ter
presente que se deben aos colexia-
dos e aos cidadáns e por tanto a
proximidade aos seus problemas e
necesidades é fundamental.
P.- Considera que a cidadanía
recorre en exceso aos tribunais?
R.- Este é un asunto en que a
avogacía tamén insistiu reiterada-
mente. Antes de acometer calquera reforma na
xustiza, hai que coñecer con rigor as verdadeiras
estatísticas xudiciais para saber o número
exacto de asuntos que chegan aos tribunais
porque hai cifras que non encaixan. En calquera
caso, a cidadanía recorre aos tribunais exactamente
o que a lei lle permite, nin máis nin
menos. E unha gran parte dos asuntos que nos
expoñen os cidadáns non se xudicializan
precisamente polo labor dos avogados.
P.- A xustiza é igual para todos?
R.- Sen dúbida. E o noso compromiso é denunci-
ar calquera intento en sentido contrario.
P.: Considera xusta a imaxe de xustiza politiza-
da que está estendida?
R.- Non. Creo que esta idea é esaxerada e
esténdese interesadamente en ocasións. Eu
confío na independencia dos xuíces e tribunais,
desde logo. A elección dos vogais do Consello
Xeral do Poder Xudicial debe mellorarse, pero
ese non é o barómetro da politización.
tamén dos valores imprescindibles
que deben rexer unha sociedade
plural, democrática e igualitaria.
P.- Que lle diría a un avogado que a
semana que vén inicia a súa
traxectoria?
R.- Que nunca deixe de formarse, que
non crea nunca que o sabe todo. Que
cumpra con todo o rigor as normas
deontolóxicas da avogacía e que non
esqueza xamais que ten unha gran
función social como membro dunha profesión
imprescindible para o sostemento do Estado de
Dereito. E, por suposto, que saiba que ten un
colexio que o apoia e do que debe ser parte activa.
P.- Cre que a profesión da avogacía goza do
prestixio necesario entre a cidadanía?
R.- O aprecio nunca nos parece suficiente. Pero o
certo é que nos barómetros que encargamos a
Metroscopia para comprobar o estado da profesión
e nas enquisas do CIS, a avogacía está entre
as institucións máis valoradas pola cidadanía,
por encima doutros estamentos e, en concreto,
do resto dos estamentos xurídicos, seguramente
debido á nosa clara implicación social e de
defensa dos dereitos dos cidadáns. Con todo, non
nos conformamos e traballamos para conseguir a
excelencia profesional con máis e mellor formación
e con maior rigor deontolóxico.
P.- E os colexios de avogados? En que aspectos
deben mellorar as institucións colexiais, que lle
trasladan os decanos neste sentido?
“Cando un goberno
ten maioría absoluta
é máis xordo ante
as demandas
cidadás ou dos
colectivos
profesionais”
Avogacía Compostelá 17
Ilustre Colexio de Avogados de Santiago de Compostela

Entrevista
BIOGRAFÍA
Victoria Ortega Benito é presidenta do
Consello Xeral da Avogacía Española e
conselleira do Consello de Estado.
Naceu en Palencia, aínda que reside e
exerce en Cantabria desde hai anos. É
doutora en Dereito pola Universidade de
Valladolid e avogada en exercicio desde
1981. Foi decana do Colexio de
Avogados de Cantabria entre 2000 e
2008; vicepresidenta do Consello Xeral
da Avogacía Española, entre 2002 e
2008, e secretaria xeral deste
organismo desde febreiro do 2011 ata
decembro de 2015.
Fo i a d e m a i s u n h a d o s d o c e
conselleiros do Consello Xeral da
Avogacía, elixida polo Pleno do Consello
Xeral da Avogacía Española en febreiro
de 2009 e reelixida en marzo de 2014.
Foi vogal da Comisión institucional para
a determinación, estudo e proposta dos
elementos esenciais da nova Lei de
planta e demarcación xudicial do
Ministerio de Xustiza, creada en maio de
2010.
En canto á súa actividade académica,
Victoria Ortega é profesora titular de
Dereito Procesual na Universidade de Cantabria desde 1992, e realizou diversas
publicacións e textos monográficos sobre Dereito Procesual e Administrativo.
Foi presidenta da Unión Profesional de Cantabria entre 2001 e 2008. En 2009 recibiu a
Gran Cruz ao Mérito no Servizo á Avogacía, e a Gran Cruz de San Raimundo de Peñafort, o
máximo galardón que outorga o Ministerio de Xustiza.
CUESTIONARIO PERSOAL
Que afeccións ten?
anos en Santander e non podo vivir sen
Por encima de calquera outra, o cine sentir o mar preto.
Un libro que aconsella?
Un lugar que recomende como turista.
A montaña máxica (Thomas Mann)
Sicilia
E unha película?
Un personaxe histórico.
O ladrón de bicicletas
Clara Campoamor
-Que comida lle gusta?
Unha frase.
O queixo en todas as súas variedades «As cousas son imposibles mentres o
Unha cidade para vivir?
parecen» (Concepción Arenal)
Santander
Unha canción.
-Mar ou montaña?
«O breve espazo en que non estás»
Mar e montaña. Son palentina de
(Silvio Rodríguez)
nacemento e encántame a montaña E a última: Un desexo.
palentina, pero resido desde hai moitos Que se respecten os Dereitos Humanos
18
Avogacía Compostelá
Ilustre Colexio de Avogados de Santiago de Compostela

O Colexio de Avogados de Santiago
celebrou como cada ano a festividade
de San Raimundo de
Peñafort, cun acto central na
Capela Real do Hostal dos Reis
Católicos ao que asistiron máis de
300 persoas e numerosas autoridades
dos ámbitos político, xurídico
e civil da sociedade galega.
Os condecorados nesta ocasión
foron a título póstumo as avogadas
María Milagrosa Rodríguez
Martínez e Antonia Rodríguez
López, as Forzas de Seguridade
que exercen na capital galega e a
Fundación Andrea, que recibiu o VII
Premio Dereitos Humanos da
institución colexial.
O acto foi presidido polo vicepresidente
da Xunta, Alfonso Rueda,
xunto ao presidente do Tribunal
Superior de Xustiza de Galicia
(TSXG), Miguel Ángel Cárdenas,
representantes de todos os grupos
municipais, e outras autoridades
locais e autonómicas.
No seu discurso, o decano dos
avogados composteláns, Evaristo
Nogueira, demandou de novo “un
pacto pola xustiza en España, este
país necesítao de forma urxente
para solucionar os problemas do
sector; fai falta máis que nunca
diálogo entre todos os axentes políticos e sociais”.
Vida colexial - San Raimundo
FESTIVIDADE DE SAN RAIMUNDO DE PEÑAFORT
Os condecorados foron a título póstumo as avogadas María Milagrosa Rodríguez
Martínez e Antonia Rodríguez López, as Forzas de Seguridade e a Fundación Andrea
As persoas que recibiron os galardóns na festividade de San Raimundo 2016
posan antes do comezo do acto na capela real do Hostal dos Reis Católicos
Mesa de autoridades, coa presenza do vicepresidente da Xunta de Galicia,
Alfonso Rueda, durante o acto de entrega de medallas
No apartado de Avogados, o colexio entregou a medalla de Ouro, a título póstumo, a
María Milagrosa Rodríguez Martínez e a Antonia Rodríguez López. O recoñecemento ás
dúas ten en común a súa dedicación á avogacía, o seu extraordinario compañeirismo e a
súa preparación como xuristas.
María Milagrosa Rodríguez incorporouse ao Colexio de Avogados de Santiago no ano
1976, sendo unha das primeiras mulleres avogadas na capital de Galicia. “Involucrada co
estado de dereito e coas liberdades, sen dúbida deixa un legado importante na avogacía
compostelá, que afortunadamente para todos nós continúa exercendo a súa filla
Natalia”, asegurou Nogueira.
Avogacía Compostelá 19
Ilustre Colexio de Avogados de Santiago de Compostela

Vida colexial - San Raimundo
Vista xeral das máis de trescentas persoas que asistiron ao acto central no Hostal dos Reis Católicos e,
na parte inferior da páxina, imaxe de familia dos novos letrados despois da xura
20
Avogacía Compostelá
Ilustre Colexio de Avogados de Santiago de Compostela

“Antonia, Toñi, era
unha extraordinaria
avogada e persoa; sempre
cun carácter amable,
riseiro, levou cunha
dignidade estupenda a
súa enfermidade; igual
que no caso de María
Milagrosa, o seu legado
non queda baleiro, xa que
a súa filla Irene manterao
como letrada na nosa
cidade”, manifestou o
decano dos letrados.
Evaristo Nogueira
destacou “o traballo das
mulleres que exercen a
avogacía e son nais, o
que lles supón un esforzo
enorme para compatibilizar
a súa vida familiar e laboral”.
Vida colexial - San Raimundo
Como cada ano, o acto de San Raimundo de Peñafort dos avogados
de Santiago foi un lugar de encontro da sociedade civil, xurídica e política
No apartado de Non Avogados, a medalla de Ouro foi para as Forzas e Corpos de
Seguridade do Estado que operan en Compostela: Corpo Nacional de Policía, Garda Civil e
Policía Local: “As razóns da súa concesión son varias, pero sobre todo concrétanse na
absoluta colaboración e entendemento entre o Colexio de Avogados e aqueles que velan
pola seguridade de toda a cidadanía”.
Por último, a Fundación Andrea recibiu o VII Premio Dereitos Humanos da institución
colexial, “polo coidado dos nenos con enfermidades de longa duración, crónicas e terminais,
dándolles os apoios médicos, humanos e sentimentais precisos para que a súa vida,
unida moitas veces a terribles enfermidades, sexa o máis digna posible, un apoio que
tamén reciben os seus pais e familiares”. Tras a entrega de condecoracións, celebrouse
unha xura de novos avogados e avogadas.
O programa da festividade
de San Raimundo
de Peñafort comezou
cunha misa na Catedral
de Santiago en memoria
dos avogados e avogadas
falecidas no ano
2015, para dar paso ao
acto solemne no Hostal
dus Reis Católicos. A
xo r n a d a p e c h o u s e
cunha cea de confraternización
no Hotel Porta
do Camiño.
Os asistentes á entrega
de medallas conversan
antes do inicio do acto
na capela real do Hostal
dos Reis Católicos de Santiago
Avogacía Compostelá 21
Ilustre Colexio de Avogados de Santiago de Compostela

Vida colexial - San Raimundo
Diferentes imaxes da gala, coa chegada ao acto do presidente da Xunta, Alfonso Rueda,
a xunta de goberno do Colexio de Avogados de Santiago e as persoas que recibiron as distincións
22
Avogacía Compostelá
Ilustre Colexio de Avogados de Santiago de Compostela

Vida colexial - San Raimundo
Membros da xunta de goberno do Colexio de Avogados
de Santiago, familiares e amigos dos premiados durante
a gala de San Raimundo de Peñafort
Os asistentes á gala aplauden tras escoitar o himno
galego, que puxo o punto final aos actos centrais
da festividade anual dos avogados de Compostela
O acto do ano 2016 tivo momentos moi emotivos pola lembranza das dúas avogadas que foron homenaxeadas.
Despois do acto, os asistentes gozaron dun viño no Hostal dos Reis Católicos
Antes do comezo do acto, varios membros
da xunta de goberno da institución colexial
conversan no salón nobre do Pazo de Fonseca
O vicepresidente da Xunta de Galicia, Alfonso Rueda,
e o decano do Colexio de Avogados de Santiago, Evaristo
Nogueira, durante o acto de entrega de medallas
Como é tradicional todos anos na festividade de San
Raimundo, novos avogados e avogadas xuraron cos seus
padriños para comezar a súa traxectoria profesional
Nesta fotografía están tamén parte dos avogados
e avogadas que realizaron a súa xura no acto de San
Raimundo, un dos momentos máis emotivos da gala
Avogacía Compostelá 23
Ilustre Colexio de Avogados de Santiago de Compostela

Vida colexial
Como cada ano, a formación continua foi un dos
aspectos fundamentais da actividade no Colexio
de Avogados de Santiago. Centos de colexiados
e tamén profesionais alleos á institución asistiron
aos cursos e xornadas.
Entre os organizados en 2016, destacou o
Curso de Especialización en Mediación Penal,
desenvolvido durante 50 horas no mes de xullo.
Expertos en mediación penal de toda España
pasaron polo salón de actos do colexio.
Por outra parte, o Pazo de Fonseca acolleu en
abril o acto de despedida dos alumnos e alumnas
da terceira promoción do Máster
Universitario en Avogacía. O curso desenvolveu-
Cursos, xornadas e actividades
se na Escola de Práctica Xurídica, vinculada ao
Colexio de Avogados de Santiago e á Facultade
de Dereito da USC.
Á despedida asistiu o director xeral de
Xustiza, Juan José Martín, representantes
políticos dos diferentes grupos municipais e a
xunta directiva do colexio, encabezada por
Evaristo Nogueira.
O Colexio de Avogados de Santiago ten entre
os seus obxectivos a formación continua dos
profesionais, desde que terminan os seus
estudos universitarios e ao longo de toda a súa
traxectoria. Ademais do máster, organiza durante
todo o ano cursos, xornadas e seminarios.
Premio a Carlos Carnicer por toda unha vida defendendo
os Dereitos Humanos desde a Avogacía
O xurado dos XVIII Premios Dereitos Humanos, dáns. Desde o rexistro de avogados para
que concede o conxunto da Avogacía Española, atender a peticionarios de refuxio e asilo, ao
decidiu conceder un premio extraordinario ao ex que se apuntaron máis de 1.500 letrados,
presidente do Consello Xeral da Avogacía, Carlos promoveuse a protección dos avogados de
Carnicer, polo seu labor na defensa dos dereitos diferentes partes do mundo, especialmente
humanos durante os seus 15 anos de mandato Latinoamérica. Os Premios Dereitos Humanos
e mesmo antes, sendo decano de Zaragoza, da Avogacía creáronse en 1998.
cando foi o impulsor da creación dos primeiros
servizos de orientación xurídica nos colexios de
avogados.
A súa presidencia, de feito, caracterizouse
especialmente por traballar neste sentido e pola
súa sensibilidade sobre estes temas, que se
canalizaron en gran parte a través da Fundación
Avogacía Española, da que é socio de honra, e
que se creou durante o seu mandato.
Nestes 15 anos leváronse a cabo diferentes
iniciativas como os Congresos de Dereitos
Humanos, onde se debate anualmente sobre a
situación das garantías da defensa dos cida-
24
Avogacía Compostelá
Ilustre Colexio de Avogados de Santiago de Compostela

Vida Colexial
X Xornada Xustiza e Lingua, reflexións para a normalización
O Colexio de Avogados de Santiago acolleu o pasado 29 de novembro a X Xornada Xustiza e Lingua,
reflexións para a normalización. Entre os obxectivos desta iniciativa, organizada polo Servizo de
Asesoramento Lingüístico do Colexio de Avogados de Santiago, estaban como cada ano a reflexión
acerca do proceso de normalización lingüística no ámbito da xustiza e a análise da incidencia das
accións encamiñadas a potenciar a lingua galega no eido xudicial.
A apertura correu a cargo de Evaristo Nogueira, decano do Colexio de Avogados de Santiago;
Valentín García Gómez, secretario xeral de Política Ligüística, e Juan José Martín Álvarez, director
xeral de Xustiza.
Evaristo Nogueira mostrou a súa satisfacción
polo esforzo da institución colexial na normalización
do uso do galego en todas as súas actividades,
proceso que se comprometeu a continuar.
Valentín García dixo que “aínda quedan pasos por
diante”, pero garantiu que a Xunta desenvolverá
as iniciativas necesarias para que o galego “sexa
unha lingua de uso común na xustiza”.
Na primeira das mesas de debate, O compromiso
de usar o galego na avogacía: un antes e un
despois?, participaron as avogadas colexiadas
Patricia López Arnoso, Milagros Verde Crespo e
Henrique Monteagudo, un dos relatores da xornada
Julia Álvarez Martín.
Nos dous relatorios posteriores, participaron a
xuíza Carmen Pose Amado e Henrique Monteagudo Romero, filólogo e secretario da Real Academia
Galega (RAG). Realizouse tamén un coloquio aberto a todos os asistentes.
A xornada estivo dirixida a profesionais da avogacía, da procuradoría, da xudicatura e da fiscalía,
así como secretarios xudiciais, funcionarios, alumnos das escolas de práctica xurídica, da Facultade
de Dereito, profesionais dos servizos lingüísticos e persoas interesadas en xeral.
O decano do Colexio de Avogados de Santiago, Evaristo Nogueira,
presidente do Consello da Avogacía Galega
O decano do Colexio de
Entre as competencias
Avogados de Santiago de
m á i s d e s t a c a d a s d o
C o m p o s t e l a , E v a r i s t o
Consello dá Avogacía
Nogueira, asumiu este ano a
Galega están a coordinapresidencia
do Consello da
ción da acción conxunta
Avogacía Galega, formado
dos sete colexios de avogapolos
sete colexios de avogados de Galicia dos galegos e as relacións do organismo
(Santiago, A Coruña, Lugo, Ourense, coas diferentes administracións, tanto local
Pontevedra, Ferrol e Vigo). Nogueira asume a como autonómica.
presidencia ata finais de 2017.
O decano dos avogados da capital
“É un orgullo e unha responsabilidade galega forma parte tamén da comisión
defender os intereses dos avogados galegos consultiva do Consello Xeral da Avogacía
e da cidadanía en xeral a través dos nosos Española (CXAE) e da súa oficina de repreclientes;
estaremos moi atentos ás novida- sentación, unha novidosa iniciativa posta
des lexislativas que afecten o sector e aos en marcha co obxectivo de fomentar e
primeiros pasos do novo Goberno formado impulsar as relacións institucionais do
en Madrid”, asegura Nogueira, que é tamén Consello cos diferentes axentes da vida
adxunto á presidencia da Avogacía Española. política, xurídica e social.
Avogacía Compostelá 25
Ilustre Colexio de Avogados de Santiago de Compostela

Vida colexial
ACORDO CON CAIXABANK PARA FACILITAR O ACCESO A CRÉDITOS
O Colexio de Avogados de
Santiago e CaixaBank
subscribiron un acordo co
obxectivo de facilitar o
acceso ao crédito dos
colexiados, así como a
outros produtos e servizos
financeiros en condicións
preferentes de mercado. O
convenio foi asinado por
Evaristo Nogueira e por
Ignacio Pascual, director de
banca de institucións.
En virtude deste acordo, os
colexiados dispoñerán
dunha oferta de servizos e produtos financeiros en condicións vantaxosas, deseñados de maneira
específica para atender as súas necesidades profesionais e reforzar a súa competitividade.
Deste xeito, os avogados gozarán, dentro da ampla oferta que lles trasladará a entidade, de
contas libres de comisións, vantaxes no acceso a préstamos e hipotecas, packs de aforro e
diversas solucións para a xestión do patrimonio.
Ignacio Pascual, director de CaixaBank, manifestou tras a sinatura do acordo o interese da entidade
de estar preto de todos os colectivos profesionais da cidade co ánimo de facilitarlles a súa
actividade diaria. Os avogados colexiados poderán beneficiarse a través da rede de oficinas de
CaixaBank en Santiago e área de influencia da carteira de produtos e servizos incluída no convenio.
ACORDOS DA XUNTA DE GOBERNO
Convocatoria de xunta xeral (2ª/2016)
De acordo co establecido nos artigos 88 e 91 do Estatuto do Colexio de Avogados de Santiago de
Compostela e no artigo 58 do Estatuto xeral da avogacía española, a Xunta de Goberno, na
sesión que tivo lugar o 25.10.2016, tomou o acordo de convocar a xunta xeral ordinaria (segunda
do ano 2016) para o día 20 de decembro, ás 20.00 h, conforme á seguinte:
ORDE DO DÍA
1. Lectura e aprobación, se procede, da acta da última xunta xeral
2. Exame e votación do orzamento para o exercicio 2017
3. Rolda de intervencións
Aprobación do orzamento para 2017
A Xunta de Goberno, na sesión do día 25.10.2016, aprobou o proxecto de orzamento presentado
pola tesourería e a secretaría técnica deste colexio para o ano 2017. O orzamento, que acada un
importe de 859.760 euros, será presentado á Xunta Xeral para a súa aprobación definitiva, se
procede, na sesión do 20.12.2016.
26
Avogacía Compostelá
Ilustre Colexio de Avogados de Santiago de Compostela

Vida Colexial
O máis destacable neste orzamento é o seguinte:
1. Redución das cotas colexiais
Debido á boa xestión económica dos últimos anos, aprobouse unha baixada das cotas para os
colexiados exercentes residentes, de 40 euros anuais (un 10 % aproximadamente), polo que as
cotas colexiais trimestrais para ano 2017 serán as seguintes:
Ÿ Exercentes residentes: 109,20 € por trimestre (máis censo de letrados do CXAE)
Ÿ Non exercentes: 43,12 por trimestre (máis censo de letrados do CXAE)
2. Cursos de formación gratuítos
Séguese mantendo a partida correspondente á formación, polo que este colexio seguirá a
organizar os cursos necesarios de formación continua dos seus colexiados. Esta formación
continuará sendo gratuíta para os nosos colexiados, a excepción daqueles cursos en que pola
súa especialización e elevado custo se puidese incluír algunha matrícula.
3. Subvención da póliza de responsabilidade civil
Seguirase subvencionando a póliza de responsabilidade civil cunha cantidade de 30.000 euros.
4. Bases de datos en liña na páxina web
Seguiranse mantendo as dúas bases de datos de xurisprudencia na páxina web do colexio (La
Ley e Tirant Lo Blanch), o que supón un desembolso para este colexio de 26.000 euros anuais.
NOVIDADES LEXISLATIVAS
Acordo do 22 de decembro de 2015, da Comisión Permanente do Consello Xeral do Poder
Xudicial, polo que se aproban os modelos normalizados previstos nas leis de axuizamento civil e
de xurisdición voluntaria (BOE núm. 24, do 28.01.2016)
Resolución do 26 de febreiro de 2016, da Dirección Xeral dos Rexistros e do Notariado, pola que
se modifican os modelos establecidos na Orde JUS/206/2009, do 28 de xaneiro, pola que se
aproban novos modelos para a presentación no Rexistro Mercantil das contas anuais dos suxeitos
obrigados á súa publicación, e dáse publicidade ás traducións ás linguas cooficiais propias
de cada comunidade autónoma (BOE núm. 59, do 09.03.2016)
Resolución do 26 de febreiro de 2016, da Dirección Xeral dos Rexistros e do Notariado, pola que
se modifica o modelo establecido na Orde JUS/1698/2011, do 13 de xuño, pola que se aproba o
modelo para a presentación no Rexistro Mercantil das contas anuais consolidadas, e dáse
publicidade ás traducións das linguas cooficiais propias de cada comunidade autónoma (BOE
núm. 59, do 09.03.2016)
Orde JUS/1625/2016, do 30 de setembro, sobre a tramitación dos procedementos de concesión
da nacionalidade española por residencia (BOE núm. 246, do 11.10.2016)
Orde HAP/1626/2016, do 6 de outubro, pola que se modifica a Orde EHA/3127/2009, do 10 de
novembro, pola que se aproba o modelo 190 para a declaración do resumo anual de retencións e
ingresos a conta do imposto sobre a renda das persoas físicas sobre rendementos do traballo e
de actividades económicas, premios e determinadas ganancias patrimoniais e imputacións de
renda; e modifícanse así mesmo outras normas tributarias (BOE núm. 246, do 11.10.2016)
Lei 2/2016, do 10 de febreiro,
do solo de Galicia (BOE núm. 81, do 04.04.2016)
Avogacía Compostelá 27
Ilustre Colexio de Avogados de Santiago de Compostela

Ao pé da letra
“Ningún idioma alleo –por ilustre que sexa– poderá expresar en nome do noso os íntimos
sentimentos, as fondas dores e as perdurables esperanzas do pobo galego, se aínda somos
diferentes e capaces de existir non é máis que por obra e gracia do idioma”.
(Castelao 1886-1950)
Traballemos como galegos
Cómpre indicar que na redacción deste artigo no correspondente rexistro da propiedade en
non foron empregadas nin fontes técnicas nin lingua galega. O que “a priori” parece un caso
científicas, senón que se basea en experiencias sinxelo, na realidade presenta varias complicaprofesionais
e persoais, propias e de compañei- cións.
ros, en relación co uso do galego nos diferentes A primeira dificultade encontrarana no
eidos.
momento de acudir á notaría,
Como punto de partida,
pois en ningunha das reudebemos
afirmar que o
nións preparatorias van ser
emprego do idioma galego está
cuestionados sobre a lingua
presente na Administración,
en que desexan formalizar a
sen que o seu uso sexa algo
súa escritura, o que contravén
inhabitual tanto por parte da o artigo 149 do Decreto do 2
cidadanía como por parte dos
de xuño de 1944, polo que se
operadores xurídicos nas
aproba con carácter definitirelacións
propias do ámbito
vo o Regulamento da organilocal
e do autonómico. Este
zación e réxime do notariado.
camiño normalizador ten o
A realidade é que son moi
seu punto de partida nunha
poucas as ocasións, aínda que
prolixa normativa (Constitu-
cada día é máis habitual por
ción española, Estatuto de
solicitalo así o interesado, en
autonomía, Lei de normaliza-
que se emprega o galego na
ción lingüística...), na política
redacción destes pactos
de normalización lingüística levada a cabo e sucesorios, pois a lingua vehicular no eido
nunha importante sensibilización do funciona- notarial segue a ser o castelán.
riado.
Sendo o pacto de mellora unha figura
Pero, sendo todo isto certo, non o é menos xurídica xenuinamente galega e para galegos,
que aínda dispondo de todas as ferramentas non deixa de ser paradoxal que o idioma
para empregalo e protexelo, o idioma galego empregado na súa redacción sexa na maior
segue a ser unha lingua de uso minoritario e parte dos casos o castelán.
restrinxido en determinados ámbitos.
A segunda dificultade atoparana cando
Pensemos no seguinte suposto: Un pai e un acudan ao rexistro da propiedade corresponfillo
que queren escriturar un pacto de mellora dente, pois aínda que presenten o título en
con entrega de bens e posteriormente inscribilo galego, a inscrición (no tomo, libro ou atado)
28
Avogacía Compostelá
Ilustre Colexio de Avogados de Santiago de Compostela

Ao pé da letra
Neste campo, é posible utilizar o galego en
todo o proceso, xa que no ámbito da
Administración de xustiza en Galiza existen
moitas normas que abordan o dereito de usar a
lingua propia (por exemplo: artigo 3 da CE,
artigo 231 da LOPX, artigos 142 e 143 LAC e os
artigos 6 e 7 da Lei de normalización
Lingüística, entre outras disposicións norma-
tivas).
Sen entrar a analizar en profundidade o
contido concreto de cada un dos artigos
sinalados, convén afirmar que todos eles lles
recoñecen e garanten aos intervenientes no
proceso o dereito a usar (no ámbito escrito e
oral) calquera das dúas linguas oficiais no
territorio de Galiza. Pero a pesar de que
ninguén pon en dúbida o dereito de usar o
galego na Administración de xustiza, a súa
utilización é minoritaria en comparación co
uso do castelán.
Unha boa parte da responsabilidade do
uso restrinxido e minoritario do galego en
efectuarase sempre en castelán. Isto obedece á
aplicación da lei hipotecaria (preconstitucional),
que evidentemente non recoñece nin
permite o uso de idiomas oficias distintos do
castelán.
Malia que a inscrición é efectuada sempre en
castelán, as certificacións acreditativas poden
ser solicitadas no noso idioma. Non obstante,
de non mediar solicitude expresa, por defecto,
serán realizadas en castelán, polo que esta
lingua novamente volve ser a vehicular.
O anteriormente manifestado supón que
non se está a acadar nos asentamentos destes
rexistros públicos a promoción efectiva do uso
normal do galego, algo que o lexislador claramente
prescribiu no artigo 9.1 da Lei de normalización
lingüística.
Seguindo co noso exemplo, supoñamos que
por motivos de interrupción do tracto sucesivo
non se pode levar a cabo a inscrición rexistral
que pretendían, e que pai e fillo deban acudir a
un expediente de dominio ante o xulgado.
Avogacía Compostelá 29
Ilustre Colexio de Avogados de Santiago de Compostela

Ao pé da letra
sede xudicial recae na
propia Administración,
pois en moitas ocasións
non conta cos recursos
necesarios para empregar
o galego. Así o evidencia
o feito de que a maior
parte dos formularios
con que traballa unicamente
están redactados
en castelán. Agora ben, outra parte da responsabilidade
debemos asumila os letrados e as
letradas, pois dende o primeiro momento
somos quen de decidir a lingua vehicular do
proceso a través dos nosos escritos e das nosas
actuacións orais.
Despois desta sucinta análise dalgúns contextos
que tomamos de exemplo, é doado concluír
que mentres o castelán opera por defecto o
galego faino por rogación, a pesar de que tanto
no Estatuto de autonomía como na propia
Constitución española
parten dun plano de
igualdade en canto a súa
cooficialidade.
Por iso, compañeiras
e compañeiros, sexamos
valentes, e que non só
vivamos como galegos
(como di o famoso
anuncio), senón que
tamén traballemos como galegos usando e
respectando a nosa lingua.
María del Carmen Gesto Beiroa,
colexiada exercente 2923 do ICA de Santiago
Araceli González Vila,
colexiada exercente 2799 do ICA de Santiago
María Vanessa Pérez Vázquez,
colexiada exercente 2153 do ICA de Santiago
Tenza
ou
tenencia?
Para os significados relacionados coa 'posesión de algo', a forma correcta é tenza. A forma
tenencia en galego serve para denominar 'cargo de tenente' ou 'oficina do tenente'.
“A tenza de armas prohibidas será castigada coa pena de cadea de un a tres anos.”
“O concelleiro ocupou a tenencia mentres se ausentou a alcaldesa.”
Ademais, relacionada co primeiro significado existe a forma tedor, -a, especialmente
referida a 'alguén que posúe algunha letra de cambio ou outro valor endosable'.
“Os tomadores e os tedores de letras terán dereito a exixirlles aos asinantes a
exhibición do poder.”
30
Avogacía Compostelá
Ilustre Colexio de Avogados de Santiago de Compostela

As redes sociais do colexio contan xa
con máis de 1.400 seguidores
de Peñafort e os actos conmemorati-
vos do centenario do falecemento de
Montero Ríos, coa presentación do
libro que repasa a súa traxectoria.
Outra das novas que recolleron os
medios de comunicación foi a partici-
pación do colexio no programa pioneiro
de mediación penal posto en marcha
en dous xulgados de Compostela o
pasado mes de outubro.
O Colexio de Avogados de Santiago foi
protagonista durante todo o ano 2016
nos medios de comunicación pola súa
posición en defensa de novas infraestruturas
xudiciais para a capital galega,
unha demanda imprescindible para
solucionar o colapso nos xulgados.
Á marxe destes temas, tiveron
repercusión outros acontecementos,
como a festividade de San Raimundo
Avogacía Compostelá 31
Ilustre Colexio de Avogados de Santiago de Compostela

Eugenio Montero Ríos
Eugenio Montero Ríos, homenaxe da cidade
de Santiago no centenario do seu pasamento
A edición do libro sobre a súa vida pecha o ciclo de actividades
conmemorativas nas que participou a avogacía de Compostela
Acto de presentación do libro
Fotografía familiar de Eugenio Montero Ríos
Estatua de Montero Ríos na praza do Obradoiro (1916-1928)
Pleno no Congreso dos Deputados (comezos do s. XX)
O paraninfo da Universidade de Santiago
acolleu no mes de outubro a presentación do
libro sobre a vida e a traxectoria profesional
de Eugenio Montero Ríos, no que participou o
Colexio de Avogados de Santiago.
O decano do colexio, Evaristo Nogueira,
destacou que Montero Ríos foi “un adiantado
ao seu tempo e promulgou a Lei do matrimonio
civil, que supuxo a separación entre igrexa
e Estado”. “Ademais, o Código Penal, por el
promulgado, provocou entre outras cousas a
desaparición das penas que comportaban
castigos físicos”, manifestou.
“Para nós, os avogados de Santiago, foi un
prestixio que fose membro do noso colexio”,
engadiu Nogueira, que destacou que “Galicia
foi e será un viveiro de bos xuristas”.
“Desde a miña condición de decano do
Colexio de Avogados de Compostela, foi un
pracer que a nosa corporación de dereito
público puidese participar na homenaxe a
este xurista; quizás chegue tarde, pero o
recoñecemento ao traballo de Montero Ríos é,
nunca mellor dito, de lei”, rematou.
O libro Eugenio Montero Ríos . Homenaxe
da cidade de Santiago de Compostela no
centenario do seu pasamento: 1914-2014,
pechou o ciclo de actos organizados conxuntamente
pola Universidade de Santiago de
Compostela (USC), o colexio de avogados, o
Ateneo, a Real Sociedade Económica de
Amigos do País e a Cámara de Comercio, coa
colaboración do Concello compostelán e a
Deputación da Coruña.
O ciclo Eugenio Montero Ríos: a
Compostela do seu tempo desenvolveuse no
bienio 2014-2016 co fin de honrar e poñer en
valor a figura de quen está considerado como
un dos xuristas e políticos máis significativos
do seu tempo.
No limiar da obra, Xosé Ramón Pousa
debuxa unha serie de trazos que contextualizan
a relevancia do homenaxeado. Eugenio
Montero Ríos “pragmático e liberal, é moito
máis que o impulsor das grandes reformas
legais de fins do século XIX, que asentaron as
bases da sociedade civil coa creación do
32
Avogacía Compostelá
Ilustre Colexio de Avogados de Santiago de Compostela

Eugenio Montero Ríos
Rexistro Civil. A lei do
matrimonio civil e a
propia lei penal que, con
p o u c a s v a r i a c i ó n s ,
continúan vixentes. A súa
oratoria, non exenta de
demagoxia decimonónica,
enche as mellores
páxinas dos libros de
sesións do Senado e as
súas inter vencións,
mesmo sobre o Tratado
de París, do que foi
protagonista, recollen
unha visión autocrítica
sobre a colonización de
América, inédita na
España traumatizada
pola perda de Cuba e
Filipinas”.
Modernización
Como se sinala neste novo libro, a pertinencia deste conxunto de actos arredor de Montero
Ríos xustifícase na pretensión de reler a súa vida a súa obra, destacando que “a Compostela
actual non se entende sen a figura intelectual e política deste persoeiro, que modernizou gran
parte da lexislación española e marcou a primeira separación entre a Igrexa e o Estado”.
No plano biográfico, o limiar preséntao como un “compostelán, de orixe humilde, nado na
rúa dos Xasmíns e asentado finalmente no paraíso que el mesmo construíu en Lourizán. Tivo
unha vida política longa, asentada nunha sólida formación intelectual, como catedrático de
Dereito e case toda a vida en Madrid, na práctica profesional e na mentalidade modernizadora
que se fixo palpable en Compostela dende o impulso á primeira Gran Exposición Rexional
ata a transformación das grandes infraestruturas e o apoio a unha universidade que se
moderniza con novas titulacións e edificios”. Tamén destaca Xosé Ramón Pousa como esta
publicación é “a culminación do esforzo cidadán” alentado polas cinco entidades e institucións
promotoras do ciclo.
Os logros de Montero Ríos chegaron nuns anos fundamentais no desenvolvemento e
metamorfose da capital
galega. Montero Ríos
tamén desempeñou un
papel relevante durante a
Restauración como líder
político e como promotor de
construcións civís executadas
baixo o seu “manto
protector”, tal como é o
caso, entre outras, da liña
de ferrocarril Cornes-Carril,
a ampliación e reforma do
edificio da Universidade, a
Escola de Veterinaria, a
Facultade de Medicina e o
Colexio de Xordomudos e
Cegos.
Avogacía Compostelá 33
Ilustre Colexio de Avogados de Santiago de Compostela

O Colexio nos medios
O Colexio de Avogados de Santiago foi protagonista durante todo o ano nos medios de comunicación pola súa posición
en defensa de temas estratéxicos para a cidade, como a necesidade dun novo xulgado do social ou a oposición
ás taxas xudiciais.
Á marxe destes temas, tiveron repercusión outros acontecementos, como a festividade de San Raimundo de
Peñafort e os actos conmemorativos do centenario do falecemento de Montero Ríos. Outras novas que recolleron os
medios de comunicación foron o incremento nas peticións de xustiza gratuíta ou o funcionamento do servizo de
asistencia ás vítimas de violencia de xénero.
El Colegio de Abogados de Santiago
participa en un programa pionero de
mediación penal en dos juzgados
Evaristo Nogueira: “Compostela está
siendo discriminada sin otro juzgado”
Los abogados homenajean a dos letradas
fallecidas y a las fuerzas de seguridad
Medalla de Oro de la Abogacía
de Santiago para José Seoane
La mediación penal, con gran tradición
en numerosos países europeos,
llega a Compostela
Santiago es la primera ciudad
de Galicia que pone en marcha un
programa para la mediación penal
La Regi n
Los abogados exigen también el final
de las tasas judiciales para
las personas jurídicas
El decano de los abogados
compostelanos asume la presidencia del
Consello da Avogacía
-
el CorreoGallego.es
La abogacía de la ciudad se cita
en su fiesta anual de San Raimundo
con más de 300 personas en el Hostal
Urgen otro juzgado de Familia
para la capital gallega y más personal
para el actual
Abogados, psicólogos y Concello,
juntos para poner freno a los desahucios
La Abogacía se concentra en Santiago
contra el terrorismo
Las fuerzas de seguridad que ejercen
en Santiago reciben la medalla anual
de los abogados
Nogueira: “La Justicia es la hermana
menor de la Administración porque no
vende votos”
Los abogados de Santiago premian el
trabajo de la Guardia Civil y la Policía
europa press
La Fundación Andrea recibe el premio
Derechos Humanos que otorga la
Abogacía de Santiago
Los abogados compostelanos
celebran su patrón con un acto
al que asistieron 300 personas de
Santiago por las víctimas de París
El Colegio de Abogados participa
en un programa de mediación penal
pionero en Galicia
34
Avogacía Compostelá
Ilustre Colexio de Avogados de Santiago de Compostela

Hyupersa Santiago S.L.
Avda. do Cruceiro da Coruña 250
15703 Santiago de Compostela / Tlf. : 981 93 70 00