Lindeiros Noviembre Decembro 2015

novembro e decembro 2015 novas da bisbarra 5
O presidente da
Deputación visita Oroso
Valentín González comezou unha rolda de contactos con
empresas da provincia
O presidente da Deputación,
Valentín González Formoso,
iniciou en Oroso unha
rolda de visitas ás empresas
da provincia coa que pretende
“coñecer directamente o
tecido empresarial e as nosas
capacidades industriais, ver
cómo a Deputación pode pór
o seu gran de area para axudar
aos nosos sectores produtivos
na recuperación económica e
a xeración de emprego”.
Acompañado polo alcalde
de Oroso, Manuel Mirás, o deputado
responsable da área de
Economía da Deputación, Antonio
Leira, e por varios membros
do goberno local orosino,
González Formoso visitou as
plantas que Vegalsa e Gamesa
teñen no polígono industrial
de Sigüeiro.
En Vegalsa, a comitiva
foi recibida polo director de
Loxística, Fernando Casal,
e a directora de Relacións
Institucionais da empresa,
Gabriela González, que os
acompañaron nun percorrido
polos 32.000 metros cadrados
cos que conta a súa plataforma,
dotada dos sistemas
de xestión e loxística máis
modernos da distribución alimentaria,
“O compromiso de
Vegalsa-Eroski con Oroso tradúcese
na nosa contribución á
xeración de emprego e riqueza
na comarca. Dende a compañía
sumámonos ao impulso do
Concello instalando a maior
plataforma de mercancías xerais
que existe na actualidade
en Galicia e que supuxo un importante
impulso á economía da
zona coa creación de 270 postos
de traballo especializados”,
afirmou o director de Loxística
da compañía, Fernando Casal.
A continuación o presidente
da Deputación e o alcalde visitaron
tamén a planta de Gamesa
no polígono de Sigüeiro, dedicada
ao reacondicionamento de
grandes compoñentes das turbinas
eólicas. O xerente da planta,
Rubén Carranza, explicou a
labor que se desenvolve nesta
empresa, que da traballo a máis
de 60 persoas e que está considerada
como o maior centro de
reparación de multiplicadoras
do mundo, con máis de 1.500
reparacións efectuadas con
éxito nos últimos catro anos.
Carranza explicou a historia
da implantación da empresa en
Sigüeiro e a súa progresiva especialización
na reparación destas
pezas, ás que definiu como
“o corazón do aeroxenerador”.
Unha actividade cunha gran
complexidade técnica, ao tratarse
de máquinas de hasta 40
toneladas de peso con “precisións
de reloxería” de entre 3 e 4
micras (inferior á de un cabelo
humano) nas súas engrenaxes.
Ao remate das visitas, o alcalde
Manuel Mirás declarouse
“satisfeito e impresionado polo
gran nivel que teñen as empresas
implantadas en Oroso, que
son unha importante fonte de
emprego para os veciños e repercuten
moi positivamente no
crecemento do municipio” e
salientou a “implicación e colaboración”
de moitas destas
firmas na vida sociocultural da
localidade, patrocinando ou colaborando
na organización de
actividades culturais e eventos
deportivos.
Fontes: Deputación de A Coruña.
concello de Oroso, Lindeiros
O Presidente da Deputación nas instalacions de Vegalsa en Sigüeiro.
Foto: concello de Oroso
Piden en O Pino o
arranxo dos locais
sociais do concello
O Psoe presentou as propostas para os
plans da Deputación
A Deputación aprobou este
pasado mes as bases dos Plans
de Obras e Servizos, POS, e
Plans de Accións Social, PAS.
O primeiro deles está destinado
como tódolos anos a distintos
arranxos e obras e o PAS esta
encamiñado a financiar investimentos
sostibles que teñan un
carácter social. Por estes plans
o concello de O Pino percibirá
algo máis de 660.000 € dos que
cerca de 400.000 son os dedicados
ao PAS.
O Psoe pide que con estes cartos
se acondiciones un local con
distintas salas na parroquia de
Arca e que poida ser usado por
tódalas entidades socias do concello,
os socialistas propoñen
edificios como a antiga Cámara
Agraria ou a antiga Casa Consistorial.
Outras das medidas
propostas para estes cartos son
o acondicionamento de locais
sociais como os de Lardeiros,
Gondar, Ferreiros (Tele Club) ou
o de San Miguel. O Psoe pide
tamén melloras e ampliación do
parque infantil, sito na rúa Forcarei,
dotando ao mesmo dunha
estrutura que poida facilitar
sombra o mesmo, para que os
cativos poidan gozar da instalación
en época estival.
No capitulo dedicado a obras
as propostas socialistas van desde
o remate dos arranxos que
quedaron pendentes do 2015,
ou arranxos nas estradas de A
Torre (Ferreiros - San Breixo)
a Ramil (San Mamede de Ferreiros),
e Oza (San Mamede
de Ferreiros) a límite con Touro,
ata a construción de beirarrúas,
substitución de alumeado
público, e rede de saneamento
(pluviais e fecais) na rúa os
Mollados parroquia de Arca ou
que se comece cun Plan de Sinalización
Vertical para todo o
Concello. A situación económica
do concello, obrigado a pagar
un millón de euros, fai que estes
programas sexan imprescindibles
para os veciños.
Fontes: Psoe O Pino, Lindeiros.
carnicería