Lindeiros Noviembre Decembro 2015

30
Lindeiros
Xosé Marcial Díaz Manso
Enxeñeiro agrónomo
Cogumelos
Ca chegada da luz e a choiva do outono os instintos espértanse e algúns nos votamos
ó monte pois cheira a castaña, a noz, a mazá, a figo e a seta.
O outono é un tempo onde a natureza se volve máis sensual convidándonos a encontrarnos
é a civilizamos nela. Uns empuxados polos xenes que hai pouco aínda araban as
leiras, e outros na procura dun tempo máis calmo e sosegado que camiña cara o inverno.
Saír dos nosos humanos asfaltos e refuxiarnos nas humanizadas leiras é un regalo,
unha sutil terapia que nos achega a nos mesmos e nos fai mellores. Baixo esta mirada,
o rural podería concibirse como un xardín, como unha metáfora da realidade onde natureza
e home relaciónanse de forma harmónica. Un lugar onde quedar cos amigos para
ser, para compartir camiño, merenda e conversa. O gran filósofo José Antonio Marina
presume de terse dedicado profesionalmente ó cultivo das plantas, e di: _escritores de
libros hay muchos, en cambio inventores de berzas muy pocos_.
Unha das moitas “externalidades” que emerxen na natureza neste tempo de cores
son as setas. E con elas unha escusa perfecta para matalo bicho e saír ós prados a cazar
estes singulares “vexetais” que aparecen e desaparecen sen previo aviso.
Pero onde hai vida hai conflito. Por iso, están aparecendo medidas reguladoras deste
recurso como é o caso do decreto 50/2014, de 10 de abril,… que clasifica os aproveitamentos
micolóxicos en tres categorías. A primeira é para o consumo propio (recollida
de setas de calquera especie permitida hasta un máximo de 2 quilos por persoa e día).
A segunda son os aproveitamentos comerciais (setas de calquera especie que exceda a
cantidade de 2 quilos de peso por persoa e día …). E a terceira son os aproveitamentos
con fins científicos ou didácticos. Os aproveitamentos para consumo propio e os con
fins científicos e didácticos son libres, excepto que a persoa titular do monte regule o
seu aproveitamento mediante un couto. A recollida de setas na modalidade de aproveitamento
comercial está sometida a autorización explícita e por escrito da persoa
propietaria do monte cando exista un instrumento de o rdenación ou xestión forestal…
A concepción do agricultor como gardián do
territorio é un piar central na arquitectura da
política agraria comunitaria, a PAC. O eleva á
categoría de xestor do territorio nesta Unión
Europea do século XXI que tanto precisa de
sinerxías entre economía, medioambiente e territorio.
Medidas como esta están contribuíndo
a facer máis doada a difícil tarefa dos que viven
no rural facendo máis sustentable o aproveitamento
dos recursos, aportándolle valor
económico e mellorando a calidade de vida das
persoas que viven tanto das cidades como do
rural.
MERCADILLOS
Ames
- Bertamiráns - Sábados (76 postos)
Boqueixón
- Lestedo - Domingo 20 de decembro (80 postos)
Brión
- Pedrouzos - Martes
Frades
- Ponte Carreira - 12 e 26 de cada mes
Negreira
- Domingos (75 postos)
O Pino
- Día 20 de cada mes
Ordes
- Mércores (130 postos)
Oroso
- Sigüeiro - Sábados (30 postos)
Padrón
- Domingos (750 postos)
Santa Comba
- Luns e sábados luns 21 de decembro (300)
Santiago de Compostela
- Xoves - Salgueiriños (200 postos)
Trazo
- Benza - Domingos (12 postos)
Teo
- Cacheiras - Sábados
OUTROS MERCADOS
Santiago de Compostela
-Martes - Lusco e Fusco en Belvís
Teo
-Sábados - Mercado labrego en Os Tilos