Lindeiros Noviembre Decembro 2015

24 pasará
Lindeiros
Visita un museo
A Casa do Cabildo
Na compostelana Praza de
Praterías a Casa do Cabildo
foi restaurada hai 4 anos polo
Consorcio da cidade e, aínda
que non é un museo estable,
serve de excepcional sala de
exposicións. O máis curioso de
esta edificación é a súa historia,
si un pasea polas súas estancias
non acaba de entender
a funcionalidade dun edificio
que ten so 4 metros de fondo.
Construído no século XVIII
Fernando Casas Novoa, responsable
da fachada catedralicia
do Obradoiro, tiña que ser
o arquitecto pero ante a súa
repentina morte fíxose cargo
do proxecto Clemente Fernández
Sarela. No lugar que ocupa
a Casa do Cabildo existían
3 vivendas que, por estar máis
adiantadas, impedían o paso
dos carros que viñan da rúa e
xiraban cara ao Obradoiro. O
Arzobispado decidiu comprar
dúas, a terceira aínda se conserva
no lateral dereito, e remodelar
a praza. A obra esta feita
baseándose na fachada e non
no interior, por esta razón nos
atopamos cun interior no que o
aproveitamento do espazo non
se ten en conta.
A Casa do Cabildo é unha
das grandes obras do barroco
galego e serve de peche perfecto
a Praza de Praterías e de
magnífica sala de exposicións
polo que se pode dicir que o arquitecto
cumpriu co encargo a
perfección.
HORARIOS
O museo abrirá as súas portas
de martes a sábados, de 10:00
a 14:00 horas polas mañás e de
16:00 a 20:00 horas e os domingos
de 11:00 a 14:00 horas. Os
luns a Casa do Cabido permanece
pechada.
Cartas de Nadal en Ames,
Santiago e Teo
O concurso ten como finalidade promover o uso do galego
Ames, Teo e Santiago organizan
de forma conxunta, o Concurso
de Cartas de Nadal, unha
actividade posta en marcha
polas respectivas áreas de Normalización
Lingüística de cada
concello. A iniciativa, baixo o
lema ‘’Este Nadal...cultívao a
diario!’’ quere animar a nenos
e nenas a encher de contidos
as cartas que escriben pedindo
os seus agasallos de Nadal. As
concelleiras Isabel Vaquero, de
Ames, e Pilar Fernández, de
Teo, e o concelleiro, Manuel
Dios, de Santiago, presentaron
publicamente parte dos materiais
que acompañan a actividade.
O municipio amesán leva xa
nove anos desenvolvendo este
programa en colaboración cos
centros de ensino de educación
infantil e primaria. Os colexios
de Ames recibiron xa a cadan-
súa caixa de correo de Nadal,
así como unha primeira parte
dun máxico agasallo para repartir
entre todo o alumando de ata
4º de primaria. O 18 de decembro
recolleranse todas as cartas
dos colexios para facerllas chegar
aos magos. Ademais, tamén
se colocarán caixas de correo
na Casa do Concello, nas casa
da cultura e nas bibliotecas para
que toda a veciñanza poida participar.
Nos locais municipais
poderán depositarse as cartas
ata o día 4 de xaneiro.
Esta proposta deixa abertas
todas as posibilidades para que,
en cada caso, a carta dos nenos
estea dirixida aos personaxes
que se prefiran (O Apalpador,
os Reis Magos, Papá Noel..),
procurando deste xeito eliminar
barreiras relixiosas.
É moi importante que cada
carta (ou o sobre, se é o caso)
inclúa os datos completos do
neno ou nena: nome e apelidos,
idade, enderezo (rúa ou lugar,
número, piso, parroquia, código
postal e localidade) así como
o número de teléfono. Todos
os nenos e nenas que indiquen
o enderezo correctamente
recibirán nel a carta resposta
con sorpresa incluída.
Ademais, no Concello Ames
haberá seis premios para as
cartas máis interesantes e creativas
e algunha delas ilustrará a
programación de Nadal do ano
vindeiro. Por iso, é fundamental
indicar un número de teléfono
da familia para que se poida
contactar cos gañadores do concurso
e convocalos á entrega deses
premios, que coincidirá coa
cabalgata do 5 de xaneiro.
Foto:Loli Fdez.
Os concelleiros na rolda de prensa. Foto: concello de Santiago