Lindeiros Noviembre Decembro 2015

novembro e decembro 2015 23
Carlos Blanco, Luis Davila
15 e 16 de diciembre
Teatro Principal (varios horarios)
Menu do Día é un experimento, un encontro, un formato novo onde
dous consagrados humoristas, Luis Davila e Carlos Blanco, unen inxenios
para, nun traballo estéticamente impecable, dar unha volta de torca ao
monólogo humorístico para trasladalo a un directo hipnótico, onde a retranca
dita e debuxada simultaneamente, obrigan ao espectador a non
saber moi ben nalgún momento a onde prestar atención. Un proxecto
premiado coa asistencia masiva de público a cada unha das suas representacións,
probado en teatros e mesmo ao aire libre con éxito. Un
encontro de dous amigos cun lugar común. O humor. Davila e Blanco
traballan xuntos, á par, elaboran cousas novas cada noite e disfrutan e
fan disfrutar ao público con historias sobre a Garda Civil, as bravas do
país, ou o fútbol.
Real Filharmonía
O Mesía de Haendel
18 de decembro
Auditorio de Galicia 21:00
O Coro da Sínfónica de Galicia e diferentes Coros da Cidade participan
no aniversario da Real Filharmonía de Galicia acompañando
a orquestra na interpretación de fragmentos de ‘O Mesias’ de G.F.
Haendel. O Mesías é un oratorio composto por Georg Friedrich
Händel en 1741. Mentres que nos demais oratorios de Händel pode
recoñecerse unha marcada influencia italiana, a música do Mesías
arráigase nas antigas paixóns e cantatas alemás. Händel compuxo
a obra en Londres, en apenas tres semanas. Aínda que tradicionalmente
asociado co Nadal, este oratorio trata non só o nacemento
de Jesús, senón toda a súa vida. Uns meses despois de ser composta,
a obra estreouse en Irlanda, durante unha viaxe de Händel, pero
a gran estrea non chegou até 1742, no New Music Hall de Dublín
para un concerto benéfico.
Los INnato
No / Nato
19 e 20 de
decembro
Sala Agustín
Magán 20:30
O Colectivo de danza Los INnato
/ Residentes en Costa Rica,
fundado por Marko Fonseca
[Costa Rica] e José Raúl Martínez
[El Salvador] no ano 2009,
mantén actualmente un traballo
de investigación e colaboración
con diferentes artistas do medio:
actores, bailaríns, fotógrafos,
arquitectos, vestuaristas, modelos
etc. Ofrecen Obradoiros/
Workshops de danza para principiantes
e profesionais en diferentes
centros educativos tanto
en Costa Rica como fóra dela.
Preséntannos en Santiago ‘LOS
INnato’. Sinopse: “…y ellos
como si no existiera, como si
fuese un suspiro que exhalaron
solo por placer, un gemido que
me llevo a estar aquí…”
Premios - Premio L’Estruch
Petit Món - Residencia de Creación
Artística. - Obra seleccionada
para ser parte do Circuito
Iberoamericano de la Red 2015
- Red de Teatros Alternativos de
España.
Nadal Máxico
19 de diciembre
Teatro Principal 19:00
Nadal Máxico é un espectáculo creado pola Asociación de Magos
Profesionais de Galicia estruturado en formato gala, con un presentador
e catro magos profesionais en escena. Cada un dos magos
amosará o mellor do seu repertorio. O resultado é un show onde o
público non terá acougo, de principio a fin. O mellor da maxia galega
resumido en 75 minutos de maxia.
presenta: Mago Antón, actúan: Kiko Pastur, Mago Richard, Mago
Benxamin, Cayetano Lledó, Mago Norberto, Javier Muro. A maxia
é unha das compoñentes principais do Nadal e os cativos esperan
sempre con ilusión as galas que os distintos concellos organizan.
Nos últimos anos Galicia converteuse nunha referencia en este ámbito
do espectáculo.
Improdacabra
Los Duguis Impro
21 de decembro
Teatro Principal - 19:00
Tres bruxillas viaxeiras, un caldeiro máxico e marabillosas historias
que aparecerán por encantamento diante dos nosos ollos. As
Bruxas Pata de Cabra son especialista en contar as mellores historias,
sempre axudadas dos seus pequenos aprendices de bruxo e as
súas palabras máxicas. Un espectáculo de improvisación teatral dirixido
ao público infantil que favorece a implicación e participación
dos pequenos na creación das súas historias.
Los Duguis Impro é unha compañía de teatro de improvisación
que nace no ano 2012, formada por Oswaldo Digón (actor e director),
Marita Martínez, Noemi Miranda e Marta Igrexas. Cada un dos
membros provén de diferentes camiños das artes escénicas, monólogos,
teatro, contacontos, circo, clown... Xuntos comezaron o seu
camiño no mundo da improvisación no ano 2010, formándose coa
compañía ImproMadrid Teatro, discípulos de Keith Johnstone, creador
desta revolucionaria técnica teatral.