You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
4<br />
A Coruña que NON queremos<br />
Dúas malas noticias sacudiron<br />
en días consecutivos a cidade da Coruña<br />
en maio de 2011. Primeiro, unha<br />
derrota en Riazor na última xornada<br />
enviaba ao Dépor a Segunda División,<br />
categoría que non pisara nos vinte<br />
anos anteriores. Ocorreu en sábado.<br />
En domingo, as desgrazas continuaron<br />
—aínda que neste caso o punto de<br />
partida era xa bastante malo— e o PP<br />
que lideraba Carlos Negreira gañaba as<br />
eleccións municipais ao tempo que un<br />
amplo grupo de persoas seguían acampadas<br />
no Obelisco en sinal de protesta<br />
contra as políticas dirixidas polas elites<br />
económicas. Seguramente, malia a non<br />
presentarse, elas foron as triunfadoras<br />
daquela fin de semana. Cambiaba co<br />
15M a percepción política por completo<br />
e comezaba outro ciclo, no que curiosamente<br />
o PP lograba máis poder que<br />
nunca pero a decadencia do modelo político<br />
do estado español —dentro dunha<br />
crise global— convertíase no epicentro<br />
do debate. O mandato de Negreira non<br />
fuxiu deste escenario. Mesmo lle foi fiel<br />
na súa peor versión.<br />
∑ Negreira mantivo a alianza<br />
de lustros do goberno<br />
local da Coruña co 1% máis<br />
poderoso da cidade.<br />
Catro anos<br />
de dispendio<br />
e escándalos<br />
O mandato de Carlos Negreira e o PP á<br />
fronte do Concello da Coruña vén marcado<br />
polos picos máis altos de desemprego e<br />
pobreza da cidade nos últimos tempos, por<br />
casos de corrupción como Pokémon ou<br />
Zeta, por obras de alto custo sen contar coa<br />
<strong>cidadanía</strong> e pola inacción de María Pita á<br />
hora de xestionar a emerxencia social.<br />
Texto Alejandro Pazos · Ilustración Oskinha.es<br />
Establecendo de entrada unha alianza<br />
clara con ese 1% que levaba décadas dominando<br />
a cidade en beneficio propio<br />
—co aval das siglas do PSOE e mesmo<br />
outras— o PP estreaba mando no pazo<br />
de María Pita con grandes promesas e<br />
boas <strong>palabra</strong>s. O primeiro que fixeron<br />
ao chegar ao despacho foi tiralas ao<br />
lixo. E comezou así un mandato no que<br />
a política local amosou escaso peso e<br />
nula independencia para, dentro das<br />
súas posibilidades, facerse cun oco propio<br />
no sentir popular. E nas súas necesidades.<br />
Alcanzou cifras de triste récord o<br />
desemprego —na actualidade por riba<br />
das 22.000 persoas—, a desigualdade,<br />
os índices de pobreza —47.000 persoas<br />
en risco de exclusión social—, a precariedade<br />
laboral, a pobreza enerxética<br />
ou os desafiuzamentos —máis de dous<br />
ao día— nunha urbe con 19.000 pisos<br />
baleiros na que nos últimos lustros<br />
foron especialmente visibles a burbulla<br />
inmobiliaria e os excesos da banca.<br />
A crise económica golpeou A Coruña<br />
con forza durante todo o mandato de<br />
Carlos Negreira, que mirou para outro<br />
lado, chegando incluso a non solicitar<br />
da UE fondos para combater o desemprego<br />
feminino —que supera o 50%—<br />
ou deixando sen executar millóns de<br />
euros en promoción do traballo ou políticas<br />
sociais. Tampouco se lle viu nunca<br />
apoiando as mobilizacións contra a<br />
perda de servizos públicos. Si actuou<br />
contundentemente para enviar persoal<br />
do Concello a botar xente das súas casas,<br />
o que non sempre lle saíu ben. Porque<br />
a <strong>cidadanía</strong> ía por un camiño. O seu<br />
goberno local, por outro.<br />
Problemáticas eternas da cidade<br />
seguiron aí, sen que o Concello fixese<br />
nada para satisfacer vellas demandas,<br />
como a fin dos asentamentos precarios,<br />
que nunca foi prioridade para Negreira.<br />
Tampouco o medio ambiente nin a<br />
mobilidade. Os puntos de vertedura á<br />
Ría do Burgo, cuxa contaminación escandalizou<br />
a unha delegación do Parlamento<br />
Europeo, non se tocaron. A<br />
participación popular non existe. Ao<br />
contrario, intentouse silenciar á <strong>cidadanía</strong><br />
máis activa creando tecido social<br />
subvencionado con cartos públicos, as<br />
coñecidas como “asociacións de veciños<br />
e comerciantes” afíns ao goberno<br />
local que xurdiron pola cidade para<br />
contrarrestar o asociacionismo tradicional<br />
e independente. Nas rúas seguiron<br />
as denominacións franquistas.<br />
Diñeiro de todos usouse para torturar<br />
animais. Alimentouse a instalación de<br />
grandes centros comerciais ás portas<br />
da cidade mentres se afunde o pequeno<br />
comercio.<br />
A aposta de Negreira non foi polas<br />
políticas sociais, pola creación de riqueza,<br />
polo reparto xusto ou polos<br />
coidados daqueles máis prexudicados<br />
pola crise económica. Polo contrario,<br />
grandes e moi caras obras de máis que<br />
dubidosa rendibilidade, un escaparate<br />
para foráneos de paso e eventos caros<br />
e elitistas foron as súas prioridades,<br />
completamente alleas aos tempos que<br />
se estaban a vivir. Soterrar vinte millóns<br />
de euros nas obras da Mariña-Parrote<br />
converteuse na acción de goberno<br />
estelar malia ás protestas e á evidencia<br />
—alén de que ninguén estea en contra<br />
de facer a cidade máis cómoda e mesmo<br />
agradable— de que os problemas<br />
dos coruñeses e das coruñesas eran<br />
outros. Que tampouco se resolven con<br />
anuncios electoralistas de última hora<br />
no máis puro estilo da vella política. A<br />
superada. A que aparece nas enquisas<br />
entre os primeiros postos das preocupacións<br />
da xente.<br />
∑ Durante o mandato do<br />
PP en María Pita alcanzáronse<br />
as máis altas cotas<br />
de desemprego, desafiuzamentos<br />
ou pobreza.<br />
∑ Máis da metade do Goberno<br />
está a ser investigado<br />
pola Pokémon, co tenente<br />
de alcalde imputado<br />
e grandes sospeitas sobre o<br />
rexedor<br />
A Coruña deu razóns para esa desconfianza<br />
durante o mandato de Negreira,<br />
que sen dúbida será lembrado como o<br />
dos escándalos de corrupción, que alcanzaron<br />
un volume case inédito, só<br />
comparable ao que provocou o adeus<br />
de Francisco Vázquez. Pero nesa norma<br />
o PP local tampouco se afastou<br />
unha coma da norma do seu partido<br />
por todo o territorio estatal. Na era da<br />
Gürtel e de Bárcenas, o Partido Popular<br />
da Coruña puxo da súa parte a operación<br />
Zeta —que chega ata as súas altas<br />
esferas na cidade, moi preto de Negreira—<br />
e, sobre todo, a Pokémon —e a súa<br />
derivada, a Pikachu—, que inzou de imputacións<br />
o equipo do aínda rexedor. O<br />
seu home forte, o tenente de alcalde Julio<br />
Flores, sacrificado na limpeza, non<br />
volverá presentarse. Leva meses no<br />
cargo malia a estar imputado. Un auto<br />
da xuíza Pilar de Lara confirma que<br />
máis da metade da Xunta de Goberno<br />
Local está a ser investigada por unha<br />
trama de presunta prevaricación. A<br />
opacidade e a corrupción como forma<br />
de goberno. Implicado ata Negreira. Un<br />
mandato de sombras.