O15. A cidadanía toma a palabra

oquince.gal
31
NECROLÓXICA
así remata unha época
O réxime coruñés deixou de existir en 2015, despois de
durar décadas. Entre as súas virtudes estivo a de anticipar
modelos que despois se fixeron moi coñecidos, como
o clientelismo, a especulación ou os privilexios.
Foi un símbolo. Mesmo un exemplo
para moitos, que cando querían exemplificar
as súas intencións, sempre dicían
“podemos facer como os que mandan
na Coruña”, o que servía para falar
de facer millonaria a unha minoría de
construtores, de servirse do pensamento
único mediático, de establecer negocios
nos que nin sequera se agochaba
a presenza da familia, de inventar inimigos
externos, de lanzarse cos instrumentos
financeiros de todos a demenciais
aventuras co ladrillo levantino, de
encher de decoración mediterránea un
espazo atlántico ou de superar a escenificación
de siglas (PP e PSOE) deixando
claro que o importante era o que os
unía: o interese propio e o dos poderes
económicos aos que servía. Era o réxime
político coruñés das últimas décadas,
que marchou para non volver en
maio de 2015.
O seu final non se pode entender sen
o ciclo que comeza co estoupido da
burbulla económica. Pagárona os e as
de abaixo —non os seus responsables,
situados alá arriba— o que provocou
unha indignación social como poucas
veces se vira antes. Había cartos para
rescatar bancos cuxos prebostes gozaban
de millonarias indemnizacións
mentres a fame volvía ás rúas. A cidadanía
non o aturou máis. Comezou a
auto-organizarse, a crear espazos de
confluencia e alternativa. O réxime moveu
ficha, seguía en boa forma malia
á evidente debilitación, mesmo creou
máscaras pensadas para sobrevivir.
Pero A Coruña perdera o medo, se é que
algunha vez o tivera. E cambiou. Iso significou
a morte do réxime. Non puido
deter nin o Atlántico nin a súa Marea.
Pasou o 24 de maio de 2015. Nunha Coruña
que xa é outra.
as touradas
as obras faraónicas
Faleceron despois de levar millóns de euros de cartos públicos
As escasas persoas que acudían a presenciar en vivo o maltrato a un animal
agradecen pregarias desde o alto de calquera campanario. Alertan de que “se
comeza deixando de pagar os touros e se acaban coidando cans, dándolle de
comer ás pombas ou co pelo longo”.
Faleceron despois dunha longa enfermidade
que provocou abondosos delirios
As pasarelas de 600.000 euros, as farolas de máis de 3.000 e os créditos de 15
millóns de euros que se cargan no peto da cidadanía piden respecto pola súa
memoria. Chaman a loito público e critican “o vicio deses que poñen como
prioridade o pan, o traballo e o teito”.
A Coruña, 24 de maio de 2015.
A Coruña, 24 de maio de 2015.
a corrupción como
forma de goberno
Faleceu tras meter os dedos no enchufe seguindo recomendacións
As escasas persoas que acudían a presenciar en vivo o maltrato a un animal
agradecen pregarias desde o alto de calquera campanario. Alertan de que “se
comeza deixando de pagar os touros e se acaban coidando cans, dándolle de
comer ás pombas ou co pelo longo”.
as políticas locais
en favor dunha minoría
Deixaron de existir despois dun longo mandato, de dimensións vampíricas
Cando xa se pensaba que era inmortal, unha estaca no corazón en forma de
papeleta acabou co que parecían ser os dirixentes dunha vella e cruel estirpe
chamada “os do1%”. Pelotazos inmobiliarios e estafas bancarias lamentan a
“terrible perda”.
A Coruña, 24 de maio de 2015.
A Coruña, 24 de maio de 2015.
as decisións sen contar
coa cidadanía
Afogaron trala subida da Marea ata a porta de María Pita
Contrariamente ao habitual, esta perda foi celebrada, alcanzando grandes
cotas de popularidade. Coruñeses e coruñesas decidiron simbolizala
abrindo ventás para que correse o aire e limpando a casa común. Con todo,
escoitáronse democraticamente tamén as opinións contrarias.
o diñeiro municipal nos bancos
que botan xente da súa casa
Desapareceu á vez que os pisos baleiros das entidades pagaban máis IBI
O suceso foi recibido con enorme carraxe en edificios moi altos, onde
comezaron a ver nos seus ordenadores como se quedaban sen saldo do
Concello. Nalgún caso, ao negarse os responsables a deixar á xente sen casa,
este fenómeno non se produciu e suspendeuse o funeral económico.
A Coruña, 24 de maio de 2015. A Coruña, 24 de maio de 2015.