O15. A cidadanía toma a palabra

More documents

Recommendations

Info

28 Negreira cala, a Marea atende Xulio Ferreiro responde as preguntas da cidadanía a través da súa canle virtual en Ask.fm mentres o PP agocha a cabeza cercado pola corrupción A. D. Petouto Redacción É un dos sinais distintivos da Marea Atlántica. A política da participación real, onde a cidadanía toma a palabra e a súa palabra é un mandato para as persoas encargadas de administrar a cousa pública. O “gobernar obedecendo”. E o paso para transformar ese principio nunha realidade require de canais que abran e fortalezan unha comunicación en dúas direccións entre administradores e administrados. Canles directas e, tamén, canles virtuais, que amplían as posibilidades de recoller opinións e fan posible o diálogo, mesmo o debate, en tempo real. É nesta crenza que, desde o seu nomeamento como candidato da plataforma cívica á alcaldía da Coruña, Xulio Ferreiro está volcado en expoñer o proxecto da Marea aos coruñeses e ás coruñesas e, ao tempo, tratar de coñecer as súas principais preocupacións e suxestións. Mentres o actual rexedor dá a calada por resposta ante os interrogantes que xorden arredor do seu equipo de goberno, e segue a xestionar o público de costas á veciñanza, o cabeza de lista da Marea ponse a disposición da xente para se someter a todas as cuestións que poidan ser de interese. Así o fai, desde hai semanas, a través do seu canal da páxina Ask.fm, unha ferramenta de preguntas e respostas onde calquera pode lanzarlle ao candidato as súas dúbidas. Ata hoxe, son 93 as cuestións recibidas e contestadas a través deste mecanismo, que permite ademais consultar todos os temas abordados. O transporte colectivo e a mobilidade en xeral, a protección animal, o uso do galego na administración, a cultura ou as formas de combater a corrupción institucional son algúns dos asuntos que máis se repiten. EN BUS, EN BICI OU A PÉ O plan da Marea para o transporte colectivo é unha pregunta recorrente dos usuarios do Ask. Os cambios de rutas dos buses urbanos, o futuro do tranvía ou a posibilidade dun tren de cercanías son cuestións repetidas na interlocución cos e coas internautas. Neste eido, a posición da Marea e do candidato á alcaldía é clara. “A mobilidade nunha cidade moderna e sostible ten que pasar por reducir o número de vehículos privados e fomentar o transporte colectivo, así como a bici e a peonalización”, contesta Ferreiro. A prioridade é conseguir que o transporte público sexa a primeira opción de mobilidade na cidade, e para iso a Marea perfila dúas liñas de traballo: por unha banda, adaptar á realidade o mapa de rutas actual, que, pese ás constantes rectificacións, segue a acusar déficits nos polígonos industriais ou en barrios como Novo Mesoiro; por outra, axilizar o tránsito dos propios autobuses. O transporte desde un punto de vista metropolitano, vendo más alá da ponte da Pasaxe, o impulso ao carril bici e ás rutas peonís (e espazos para o deporte na rúa), ou tentar aproveitar o investimento feito no tranvía para incorporalo ao plan de transporte e darlle sentido a aquel dipendio están tamén na axenda. SACRIFICIO CERO O futuro da canceira municipal é un asunto de interese para os internautas que visitan o Ask. Revisar a concesión da canceira e avanzar cara a un modelo sostible de sacrificio cero, é a liña de actuación que seguirá a Marea que, desde o Concello, promoverá a concienciación e sensibilización sobre a situación dos animais, e elaborará programas de voluntariado para que quen queira poida colaborar co benestar dos animais da canceira. Sobre as touradas, a posición é contundente: “Nin un euro nin apoio, directo ou indirecto, a actos ou actividades de maltrato animal”. CULTURA DESCENTRALIZADA No cuestionario virtual non faltan preguntas relativas ao modelo cultural da Marea, que pasa, expón Ferreiro, pola participación, por repensar as estratexias para sacar proveito dos recursos, por unha pedagoxìa crítica e pola difusión da actividade cultural a través de todos os puntos da cidade. Estreitar os vínculos entre cultura e educación, fomentar a descentralización e a presenza activa nos barrios, incorporar a memoria como elemento de reflexión e coñecemento —e non como un exercicio de nostalxia— ou coordinar as enormes posibilidades da axenda cultural coruñesa, favorecendo a creación local en todos os seus ámbitos, son as liñas deste novo modelo. Tamén aumentar o grao de excelencia da Sinfónica ou dos museos científicos, reimpulsar a rede de bibliotecas e, en xeral, recuperar todos aqueles proxectos e institucións en estado de abandono. Participación e diálogo 2.0 As novas canles que achega o entorno virtual son un terreo de xogo importante para a Marea, dentro do seu proxecto para facer consistente a democracia a través da participación cidadá. Unha ferramenta telemática foi o mecanismo empregado para facilitar o voto nas primarias, e tamén o elixido para ampliar a recollida propostas da cidadanía para a configuración do programa electoral, un espazo de proposición, pero tamén de debate, que deu cabida a algo máis de 200 ideas, hoxe integradas no proxecto cidadán. A rede é tamén o espazo escollido polo candidato, Xulio Ferreiro, para dar a coñecer o estado das súas contas, nesa aposta pola total transparencia. Foi no seu blog onde colgou, hai unhas semanas, a súa declaración de bens e do IRPF, para que todo aquel que queira poida comprobar o seu estado financeiro antes de chegar á administración local e controlar que non haberá movementos estraños unha vez dentro. No web está tamén visible a axenda do candidato, e hai un espazo para que o visitante poida enviarlle cantas preguntas queira, que despois Ferreiro responderá na súa canle de Ask.fm → Máis información: → Máis información: http://xulioferreiro. mareatlantica.org → Máis información: www.ask.fm/xulioferreiro → Twitter: @XulioFerreiro → Facebook: https://www.facebook. com/xulioferreiro?fref=ts
oquince.gal A Coruña · Primavera de 2015 29 Que farías no teu barrio? Escribe aquí que farías no teu barrio Chegou a hora da cidadanía na Coruña. O tempo de que as grandes decisións conten con nós e as pequenas estean nas nosas mans. A Marea Atlántica vai satisfacer por fin unha das promesas incumpridas da Lei de Grandes Cidades: dividir a cidade en distritos e activar xuntas de barrio para achegar a Administración á porta da nosa casa. Teremos voz nos orzamentos de cada ano. Poderemos decicir a que destinamos os cartos que nos corresponden. E podemos empezar xa. Sitúa o teu barrio no mapa e cóntanos cales serían os investimentos máis urxentes na túa área. Os grandes e os pequenos. E comparte a túa opinión. Faille unha foto a esta páxina e súbea ás redes sociais, envíanola por correo postal (Marqués de Pontejos, 7) ou fáinola chegar a través do correo electrónico ola@ mareatlantica.org. A democracia constrúese así. Con máis democracia. #OsBarriosDeciden ola@mareatlantica.org Sitúa o teu barrio no mapa
Page 1 and 2: A Coruña Primvavera 2015 Edición
Page 3 and 4: oquince.gal A Coruña · Primavera
Page 5 and 6: oquince.gal A Coruña que SI querem
Page 27: oquince.gal A Coruña · Primavera
Page 31 and 32: oquince.gal 31 NECROLÓXICA así re

O15. A cidadanía toma a palabra

You also want an ePaper? Increase the reach of your titles

Delete template?

Save as template?