You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
28<br />
Negreira cala, a Marea atende<br />
Xulio Ferreiro responde as<br />
preguntas da <strong>cidadanía</strong> a través<br />
da súa canle virtual en Ask.fm<br />
mentres o PP agocha a cabeza<br />
cercado pola corrupción<br />
A. D. Petouto<br />
Redacción<br />
É un dos sinais distintivos da Marea<br />
Atlántica. A política da participación<br />
real, onde a <strong>cidadanía</strong> <strong>toma</strong> a <strong>palabra</strong> e<br />
a súa <strong>palabra</strong> é un mandato para as persoas<br />
encargadas de administrar a cousa<br />
pública. O “gobernar obedecendo”. E<br />
o paso para transformar ese principio<br />
nunha realidade require de canais que<br />
abran e fortalezan unha comunicación<br />
en dúas direccións entre administradores<br />
e administrados. Canles directas e,<br />
tamén, canles virtuais, que amplían as<br />
posibilidades de recoller opinións e fan<br />
posible o diálogo, mesmo o debate, en<br />
tempo real.<br />
É nesta crenza que, desde o seu nomeamento<br />
como candidato da plataforma<br />
cívica á alcaldía da Coruña, Xulio<br />
Ferreiro está volcado en expoñer o<br />
proxecto da Marea aos coruñeses e ás<br />
coruñesas e, ao tempo, tratar de coñecer<br />
as súas principais preocupacións<br />
e suxestións. Mentres o actual rexedor<br />
dá a calada por resposta ante os interrogantes<br />
que xorden arredor do seu<br />
equipo de goberno, e segue a xestionar<br />
o público de costas á veciñanza, o cabeza<br />
de lista da Marea ponse a disposición<br />
da xente para se someter a todas<br />
as cuestións que poidan ser de interese.<br />
Así o fai, desde hai semanas, a través<br />
do seu canal da páxina Ask.fm, unha<br />
ferramenta de preguntas e respostas<br />
onde calquera pode lanzarlle ao candidato<br />
as súas dúbidas. Ata hoxe, son 93<br />
as cuestións recibidas e contestadas<br />
a través deste mecanismo, que permite<br />
ademais consultar todos os temas<br />
abordados. O transporte colectivo e a<br />
mobilidade en xeral, a protección animal,<br />
o uso do galego na administración,<br />
a cultura ou as formas de combater a<br />
corrupción institucional son algúns<br />
dos asuntos que máis se repiten.<br />
EN BUS, EN BICI OU A PÉ<br />
O plan da Marea para o transporte colectivo<br />
é unha pregunta recorrente dos<br />
usuarios do Ask. Os cambios de rutas<br />
dos buses urbanos, o futuro do tranvía<br />
ou a posibilidade dun tren de cercanías<br />
son cuestións repetidas na interlocución<br />
cos e coas internautas. Neste eido,<br />
a posición da Marea e do candidato á<br />
alcaldía é clara. “A mobilidade nunha<br />
cidade moderna e sostible ten que pasar<br />
por reducir o número de vehículos<br />
privados e fomentar o transporte colectivo,<br />
así como a bici e a peonalización”,<br />
contesta Ferreiro. A prioridade é conseguir<br />
que o transporte público sexa a<br />
primeira opción de mobilidade na cidade,<br />
e para iso a Marea perfila dúas liñas<br />
de traballo: por unha banda, adaptar á<br />
realidade o mapa de rutas actual, que,<br />
pese ás constantes rectificacións, segue<br />
a acusar déficits nos polígonos industriais<br />
ou en barrios como Novo Mesoiro;<br />
por outra, axilizar o tránsito dos<br />
propios autobuses. O transporte desde<br />
un punto de vista metropolitano, vendo<br />
más alá da ponte da Pasaxe, o impulso<br />
ao carril bici e ás rutas peonís (e espazos<br />
para o deporte na rúa), ou tentar<br />
aproveitar o investimento feito no tranvía<br />
para incorporalo ao plan de transporte<br />
e darlle sentido a aquel dipendio<br />
están tamén na axenda.<br />
SACRIFICIO CERO<br />
O futuro da canceira municipal é un<br />
asunto de interese para os internautas<br />
que visitan o Ask. Revisar a concesión<br />
da canceira e avanzar cara a un modelo<br />
sostible de sacrificio cero, é a liña de<br />
actuación que seguirá a Marea que, desde<br />
o Concello, promoverá a concienciación<br />
e sensibilización sobre a situación<br />
dos animais, e elaborará programas de<br />
voluntariado para que quen queira poida<br />
colaborar co benestar dos animais<br />
da canceira. Sobre as touradas, a posición<br />
é contundente: “Nin un euro nin<br />
apoio, directo ou indirecto, a actos ou<br />
actividades de maltrato animal”.<br />
CULTURA DESCENTRALIZADA<br />
No cuestionario virtual non faltan preguntas<br />
relativas ao modelo cultural da<br />
Marea, que pasa, expón Ferreiro, pola<br />
participación, por repensar as estratexias<br />
para sacar proveito dos recursos,<br />
por unha pedagoxìa crítica e pola<br />
difusión da actividade cultural a través<br />
de todos os puntos da cidade. Estreitar<br />
os vínculos entre cultura e educación,<br />
fomentar a descentralización e a presenza<br />
activa nos barrios, incorporar a<br />
memoria como elemento de reflexión<br />
e coñecemento —e non como un exercicio<br />
de nostalxia— ou coordinar as enormes<br />
posibilidades da axenda cultural<br />
coruñesa, favorecendo a creación local<br />
en todos os seus ámbitos, son as liñas<br />
deste novo modelo. Tamén aumentar o<br />
grao de excelencia da Sinfónica ou dos<br />
museos científicos, reimpulsar a rede<br />
de bibliotecas e, en xeral, recuperar todos<br />
aqueles proxectos e institucións en<br />
estado de abandono.<br />
Participación e diálogo 2.0<br />
As novas canles que achega o entorno<br />
virtual son un terreo de xogo<br />
importante para a Marea, dentro<br />
do seu proxecto para facer consistente<br />
a democracia a través da<br />
participación cidadá. Unha ferramenta<br />
telemática foi o mecanismo<br />
empregado para facilitar o voto<br />
nas primarias, e tamén o elixido<br />
para ampliar a recollida propostas<br />
da <strong>cidadanía</strong> para a configuración<br />
do programa electoral, un espazo<br />
de proposición, pero tamén de debate,<br />
que deu cabida a algo máis<br />
de 200 ideas, hoxe integradas no<br />
proxecto cidadán.<br />
A rede é tamén o espazo escollido<br />
polo candidato, Xulio Ferreiro,<br />
para dar a coñecer o estado das<br />
súas contas, nesa aposta pola total<br />
transparencia. Foi no seu blog<br />
onde colgou, hai unhas semanas,<br />
a súa declaración de bens e<br />
do IRPF, para que todo aquel que<br />
queira poida comprobar o seu estado<br />
financeiro antes de chegar á<br />
administración local e controlar<br />
que non haberá movementos estraños<br />
unha vez dentro. No web<br />
está tamén visible a axenda do<br />
candidato, e hai un espazo para<br />
que o visitante poida enviarlle cantas<br />
preguntas queira, que despois<br />
Ferreiro responderá na súa canle<br />
de Ask.fm<br />
→<br />
Máis información:<br />
→<br />
Máis información:<br />
http://xulioferreiro.<br />
mareatlantica.org<br />
→<br />
Máis información:<br />
www.ask.fm/xulioferreiro<br />
→<br />
Twitter:<br />
@XulioFerreiro<br />
→<br />
Facebook:<br />
https://www.facebook.<br />
com/xulioferreiro?fref=ts