Create successful ePaper yourself
Turn your PDF publications into a flip-book with our unique Google optimized e-Paper software.
24 Modelo territorial e urbano<br />
Cidade<br />
intelixente,<br />
non “smart”<br />
11.568.000 €<br />
Proxecto<br />
Smart City<br />
Vinte e catro medidas para<br />
facer da Coruña “un espazo de<br />
dereitos para todas as persoas<br />
e non un negocio para uns<br />
poucos”<br />
Xiao Varela<br />
Marea Atlántica<br />
Arquitecto<br />
Queremos<br />
unha cidade<br />
culta e popular,<br />
unha cidade<br />
saudable, humana,<br />
e sobre<br />
todo unha cidade<br />
xusta<br />
A. D. Petouto<br />
Redacción<br />
Nun proxecto municipalista non sorprende<br />
que a cidade e quen a habita teñan<br />
unha posición central. Así ocorre na<br />
Marea Atlántica, que ten preparadas 25<br />
medidas relativas ao modelo territorial<br />
e urbano que a iniciativa cidadá quere<br />
implantar tralas eleccións do 24 de<br />
maio, co obxectivo, explica un dos seus<br />
integrantes, de que A Coruña “deixe<br />
de ser o negocio duns poucos para se<br />
converter nun espazo de dereitos para<br />
todas as persoas: dereito a un hábitat, á<br />
calidade de vida, á vivenda, á mobilidade…<br />
En definitiva, dereito a unha vida<br />
digna”. “Queremos unha cidade culta e<br />
popular, unha cidade saudable e sobre<br />
todo unha cidade xusta”, expón Xiao<br />
Varela, número tres da candidatura,<br />
quen rexeita “os dogmas da humanización<br />
urbana ou as smart cities” e aposta<br />
por traballar desde a vivencia de cada<br />
barrio “por unha cidade más humana e<br />
máis intelixente”.<br />
Nas declaracións do candidato, arquitecto<br />
de carreira e profesión e moi<br />
vencellado ao urbanismo e á intervención<br />
comunitaria, déixanse ver os<br />
eixes da concepción que a Marea ten<br />
da cidade: un espazo accesible, respectuoso<br />
co entorno e, sobre todo, vivible<br />
e convivible. Cara aí van as primeiras<br />
medidas, que teñen que ver co dereito<br />
á vivenda: da man desta plataforma de<br />
unidade popular, o Concello porá todos<br />
os medios ao seu alcance para que a cidade<br />
estea libre de desafiuzamentos,<br />
para que ninguén sexa expulsado da<br />
súa casa na Coruña. No mesmo eido,<br />
a Marea ten previsto elaborar un plan<br />
de fomento do dereito á vivenda e da<br />
vivenda pública, a través da empresa<br />
municipal EMVSA, e aumentar nun<br />
50%, ata o máximo que permite a lei,<br />
o recargo do IBI ás vivendas baleiras<br />
propiedade das entidades financeiras e<br />
o chamado banco malo (Sareb). A súa<br />
proposta inclúe tamén a creación dun<br />
programa de apoio ás hortas urbanas<br />
autoxestionadas.<br />
ELVIÑA E BENS, PARA A XENTE<br />
O Plan Xeral de Ordenación Municipal<br />
(PXOM) precisa, a ollos da Marea,<br />
revisión en varios ámbitos: o Parque<br />
Ofimático, para o que se propón unha<br />
alternativa que elimina o viaduto previsto<br />
sobre A Vedra e salva a veciñanza<br />
de San Vicente de Elviña; o Parque<br />
de Bens, onde o goberno de Negreira<br />
proxecta levantar un museo do automóbil<br />
con pistas para coches; o Parque<br />
da Torre de Hércules, para protexer a<br />
contorna do faro; o Parque do Observatorio<br />
da Agra do Orzán, único espazo<br />
verde co que podería contar o distrito;<br />
ou a ordenación urbanística do<br />
sistema xeral portuario, para evitar a<br />
especulación cos terreos do porto histórico,<br />
na liña litoral da cidade.<br />
∑ O polígono de Someso<br />
amosa as nefastas políticas<br />
de crecemento urbanístico<br />
do pasado.<br />
∑ Coruña Smart City, o<br />
proxecto estrela do mandato<br />
de Carlos Negreira<br />
representa para a Marea<br />
“a innovación nas tecnoloxías<br />
da información e a<br />
comunicación orientada<br />
unicamente ao lucro duns<br />
poucos”.<br />
O mesmo tratamento terá Someso, un<br />
polígono que, tal como se explica dende<br />
a Marea, “amosa as nefastas políticas<br />
de crecemento urbanístico do pasado<br />
e o presente conxelado da promoción<br />
inmobiliaria de grandes torres”. Nesta<br />
actuación urbanística, a proposta da<br />
iniciativa cidadá pasa por revisar os<br />
acordos de venda de bens municipais e,<br />
en caso necesario, esixir responsabilidades<br />
administrativas, civís ou incluso<br />
penais.<br />
O proxecto da Marea Atlántica contempla<br />
tamén a recuperación do antigo<br />
cárcere provincial para a cidade<br />
e a revisión do proxecto tecnolóxico<br />
Coruña Smart City. Para a plataforma<br />
cívica, este proxecto estrela do mandato<br />
de Carlos Negreira e o PP representa<br />
“a innovación nas tecnoloxías da información<br />
e a comunicación orientada<br />
unicamente ao lucro duns poucos”.<br />
Pola contra, o que se suxire é recuperar<br />
a infraestrutura xa desenvolvida para<br />
facilitar a participación cidadá e a economía<br />
social.<br />
QUE PASA EN NOSTIÁN?<br />
As políticas medioambientais son un<br />
eixe transversal no programa electoral<br />
da Marea Atlántica, que asume o reto de<br />
contribuír “a un cambio positivo no coidado<br />
do medio e dos seus habitantes”,<br />
tal como expresa María García, número<br />
dez da lista para as municipais. A educación<br />
e a participación ambiental<br />
sobre temas principais, como os residuos,<br />
os espazos naturais, a mobilidade,<br />
a eficiencia enerxética ou o consumo,<br />
terán un papel destacado, garante<br />
a candidata.<br />
Neste terreo, especial mención merece<br />
a xestión de residuos urbanos, un<br />
servizo que na Coruña se realiza mediante<br />
concesións —coa empresa Cespa<br />
a recollida de lixo e con Albada o seu<br />
tratamento na planta de Nostián— cun<br />
custo anual de 20 millóns de euros. Á<br />
vista dos conflitos con Albada, que están<br />
xudicializados e poderían levar ao<br />
Concello a ter que desembolsar ata 40<br />
millóns de euros, a Marea someterá a<br />
unha auditoría o funcionamento de<br />
Nostián, e establecerá mecanismos —<br />
formación, campañas, proxectos piloto—<br />
que permitan unha mellora da recollida<br />
selectiva do lixo e unha redución<br />
en orixe dos residuos.<br />
Outras propostas, indica María García,<br />
número dez da Marea, “pasan pola<br />
conservación de espazos naturais e<br />
zonas verdes cos que conta a cidade,<br />
como os das zonas de Feáns, San Pedro<br />
de Visma ou Elviña, e a creación<br />
de novas áreas naturalizadas nos barrios”.<br />
E tampouco queda fóra das liñas<br />
ambientais da plataforma encabezada<br />
por Xulio Ferreiro a ría do Burgo, para<br />
a que se procurará, dentro das competencias<br />
do Concello, a rexeneración,