O15. A cidadanía toma a palabra

More documents

Recommendations

Info

22 Modelo económico e enerxético Un grande impulso á economía de pequena escala Vinte e nove medidas para combater o desemprego apostando polo que temos máis preto de nós P. Botero Redacción Nunha cidade con 22.030 persoas en paro, unha das prioridades de calquera administración local responsable é estimular a actividade económica. O anterior goberno tentou solucionar este problema fomentando o turismo e internacionalizando festas como o San Xoán cunha campaña publicitaria orientada ao exterior, ao que a Marea Atlántica opón un modelo que poña en valor o patrimonio da cidade: arquitectura, historia, espazos naturais, gastronomía, comercio de proximidade, etc, acorde coa tradición da cidade. “Non se trata só de fomentar un turismo de calidade senón tamén un xeito de ocio interno”, comenta a número dous da Marea Atlántica, Rocío Fraga. Pero engade que o programa da súa candidatura vai máis aló. “Trátase dun cambio integral. Para xerar mais emprego precisamos ser máis competitivos. Sobre todo, trátase de ser eficientes”, comenta Fraga. Canto exactamente pode a administración local orientar a economía é sempre obxecto de debate. Moitos concellos loitan entre eles para atraer grandes empresas ofrecéndolles toda clase de facilidades, dende solo onde levantar as súas fábricas a exencións fiscais. Os partidos políticos tradicionais apostan polas grandes compañías, a veces de carácter multinacional; é o caso do modelo General Dynamics, que abriu unha crise na cidade ao marchar da Fábrica de Armas, ou os grandes centros comerciais que se abriron durante a etapa de expansión e que pecharon ou viron desaparecer a maior parte das tendas. Dende a Marea Atlántica ponse en dúbida que ese modelo sexa rendible. “E para que? Todos saben que o que realmente produce emprego é a pequena e a mediana empresa, e con ela si podemos tratar de ti a ti”, asegura Fraga. FEIRAS E MERCADOS “Non podemos esquecernos de apoiar as medidas que favorecen a soberanía alimentaria”, explican na Marea. Como a produción de alimentos en hortas urbanas que xa se probou noutros concellos pero polo que ningún goberno local apostou na Coruña. Para Rocío Fraga está claro: “En Galicia temos toda unha tradición de pequena agricultura. Estes alimentos son máis baratos porque non dependen do transporte por estrada das grandes distribuidoras, e estarían libres de transxénicos”. E iso tamén significaría revivir as feiras. A visión da Marea inclúe postos nos que os alimentos de temporada se mesturarían cos produtos artesanais. “O noso goberno aportaría as instalacións, e quizais tamén os terreos porque serviría para coidar máis a contorna e facer unha cidade vivible, aínda que para iso habería que revisar a ordenanza sobre mercados municipais”. E non só as ordenanzas: será preciso revisar tamén as concesións, favorecer a conexión entre pequenos comerciantes. “Para facelos máis competitivos pensamos diversificar as funcións dos mercados municipais e mellorar as comunicacións e a mobilidade peonil, en bici e en transporte público”, aportan a candidata. Está convencida de que ∑ “Para facer os mercados municipais máis competitivos pensamos diversificar as funcións dos mercados municipais e mellorar as comunicacións e a mobilidade peonil, en bici e en transporte público”. os mercados se poden situar como primeira referencia de compra de alimentación mediante a formación sobre cuestións como a temporalidade dos produtos, os criterios de escolla ou a trazabilidade dos alimentos. EMPRENDEMENTO “A existencia de tres grandes polígonos industriais, Pocomaco, A Grela e Vío, dentro da cidade da Coruña ten que ser o aval suficiente para que o Concello poida ser parte no impulso económico das pemes e dos autónomos”, afirma Fraga, que considera que as bases materiais para o despegue económico xa existen. Só fai falla poñer en xogo estes recusos, darlle acceso á xente. E nisto, o Concello pode axudar creando una bolsa de naves comerciais para as novas empresas, coma unha axuda máis ao emprendemento. “Claro que é unha saída, pero os modelos de apoio actuais o presentan como unha opción ante as enormes dificultades de acceder ao mercado de traballo por outras vías”, afirma Fraga. A número dous de Marea opina que o de hoxe é un modelo precarizado, onde as persoas invisten a maior parte dos seus bens e obteñen así unha ocupación de subsistencia que, en moito casos, non se consolida. A proposta de Marea Atlántica e que só se promovan xeitos de emprendemento sustentables e con valor social, e que se manteña ese apoio durante os primeiros tempos de andanza das empresas de nova creación, facendo un labor de apoio e acompañamento na súa consolidación. “Darémoslle prioridade á formacion de cooperativas e empresas de economía social e viveiros de empresas adaptados á realidade da cidade, situados en espazos accesibles e priorizando o acceso de cooperativas e empresas de economía social”, sostén Fraga. En canto á xente nova que ten que loitar por un emprego nun mercado laboral paralizado, a Marea quere aproveitar os programas europeos de Garantía Xuvenil para poñer en marcha unha Escola Taller e obradoiros de emprego nos edificios públicos. “Estamos pensando no antigo cárcere provincial polo sentido social que ten a rehabilitación dun edificio público singular que se está a deteriorar e arruinar pola desidia do goberno municipal”. COMERCIO DE PROXIMIDADE En canto ao pequeno comercio, tamén dende Marea teñen moito que dicir. Todos os partidos lle fan as beiras a un sector que revitaliza os barrios día a día e que supón unha fonte moi importante de emprego estable. Cursos de escaparatismo e festas da promoción son algúns dos métodos que xa puxeron en marcha anteriores gobernos. “Pero hai que ir máis alá. As grandes superficies gañan en variedade e en prezo, e niso pódese competir cunha central de compras”, asegura a candidata. As integrantes de Marea están convencidas de que desta maneira se reducirán os custos de aprovisionamento no comercio de proximidade, o que permitirá crear unha rede con empresas provedoras galegas para innovar no catálogo e apoiar os produtos da contorna; sobre todo se se complementa cun servizo de asesoramento para consolidación e de formación empresarial para as propietarias dos comercios de proximidade. ∑ Unha escola taller no antigo cárcere provincial tería un sentido social, ao rehabilitar un edificio público singular que se está a arruinar pola desidia do goberno municipal. ∑ A Marea promoverá o emprendemento sostible e con valor social. “O que hai que facer é darlle aos coruñeses e ás coruñesas as ferramentas para competir”, remata Fraga. Neste sentido, parece máis realista e, sobre todo, mais práctico a longo prazo ofrecerlle ao cliente variedade a bo prezo. Moitas tendas abertas sempre serán un sinal dunha economía con impulso.
oquince.gal A Coruña · Primavera de 2015 23 fotografía Sandra G. Rey Nin un peso para botar a xente da súa casa A Marea negarase a colaborar cos desafiuzamentos e as entidades bancarias que os executen Un paseo pola rúa San Andrés, ateigada de locais pechados, algúns dende hai xa demasiado tempo, abonda para entender a necesidade dun impulso do comercio de proximidade. Esa é unha das prioridades da Marea. P. B. Redacción A Marea Atlántica móstrase disposta a empregar o peso do Concello na economía local para orientala cara á mellora da vida da <strong>cidadanía</strong>. Así o expón o seu cabeza de lista, Xulio Ferreiro: “Para empezar, está o dereito a vivenda. Un goberno local da Marea cancelará os seus saldos nas entidades bancarias que executen desafiuzamentos e negarase a mobilizar recursos municipais para botar a unha persoa da súa casa”. A plataforma tamén aposta por formas alternativas de financiamento a través da banca ética. Alén diso, ten previsto elaborar un plan de fomento do dereito á vivenda e fomento da vivenda pública, a través da empresa municipal EMVSA, e aumentar nun 50% os cargos do IBI ás vivendas baleiras propiedade do FROB e entidades financieiras. “Por suposto, toda empresa ten que ser viable, pero hai moitas que queren traballar co Concello e, ademais dun prezo xusto, podemos pedirlles outras cousas”, engade Rocío Fraga, número dous da Marea. A lista é longa: incorporación de criterios medioambientais —envases e embalaxes reutilizables ou reciclables, residuos mínimos, sen produtos tóxicos—, éticos —comercio xusto, condicións de traballo conforme a OIT, soberanía alimentaria— e sociais —emprego feminino ou de colectivos en situación de exclusión—. Todo sumará puntos á hora de optar a unha nova concesión. “A medio plazo, gustaríanos facer máis, crear unha estrutura baseada na solidaridade, na que o Concello fai de nexo entre consumidoras, traballadoras e emprendedoras/empresarias”, revela a candidata. EFICIENCIA ENERXÉTICA O medio ambiente volve a saír na conversación cando se fala de aforro enerxético. No programa da Marea está presente a colaboración coas empresas no fomento, asesoramento e apoio á eficiencia e o aforro enerxético, ao emprego de enerxías renovables, nos polígonos industriais da cidade. “Está todo relacionado. Ofreceremos axudas á rehabilitación de edificios porque son as vivendas máis vellas as que incumpren os estándares municipais de eficiencia enerxética e neles vive a xente que se atopa en situación de pobreza enerxética”, aclara Fraga a modo de exemplo. É por iso que a Marea impulsará auditorias enerxéticas en comunidades de veciños, especialmente naquelas situadas en barrios máis antigos: de aí sairá a renovación enerxética de caldeiras, ascensores e outras instalacións. REHABILITAR EDIFICIOS Esta é, como apunta Fraga, unha estratexia que pode servir para dar emprego aos traballadores da construción. O máis doado serían que volvesen os traballos para os que están formados, pero, como advirte a número dous da candidatura, “no eido habitacional non podemos soñar coa reactivación da construción de vivendas”. A solución aquí e rehabilitar os edificios, ao tempo que se mellora a calidade de vida da <strong>cidadanía</strong>. “Identificaremos os xacementos de emprego na cidade e os cubriremos a través de escolas taller ou obradoiros que poidan materializarse en empregos ligados á administración”. E da mesma maneira que se pode reactivar a economía nun sector cun modelo novo, pódese facer nos demais. Un exemplo sería a ampliación de servizos de atención á conciliación e á mellora de vida das persoas —atención á dependencia, escolas infantís, bancos de tempo, canguraxe municipal ben planificada e con acceso universal aos servizos— para favorecer o acceso ao emprego e, ao mesmo tempo, favorecer neses servizos a creación de postos de traballo. Non se trata de simples concesións, advirten desde a Marea, senón de relacionar o traballo do centro municipal de emprego coas necesidades e oportunidades creadas pola administración local mediante programas. “Iso quere dicir que as obras de mellora e rehabilitacion de edificios se executarán a través dos cursos municipais e das persoas formadas neles, e o mesmo cos servizos relacionados cos coidados, ou coa xestión de residuos, entre outros”, enumera Fraga. O importante, aseguran, é ofrecer aos coruñeses e ás coruñesas un novo comezo. Cómpre relacionar o traballo do centro municipal de emprego coas necesidades e oportunidades creadas pola administración local Rocío Fraga Marea Atlántica Socióloga As grandes superficies gañan en variedade e en prezo, pero o comercio de proximidade pode competir cunha central de compras
Page 1 and 2: A Coruña Primvavera 2015 Edición
Page 3 and 4: oquince.gal A Coruña · Primavera
Page 5 and 6: oquince.gal A Coruña que SI querem
Page 21: oquince.gal A Coruña · Primavera
Page 31 and 32: oquince.gal 31 NECROLÓXICA así re

O15. A cidadanía toma a palabra

Create successful ePaper yourself

Delete template?

Save as template?