Create successful ePaper yourself
Turn your PDF publications into a flip-book with our unique Google optimized e-Paper software.
oquince.gal A Coruña · Primavera de 2015<br />
21<br />
A mediados de xullo do ano pasado, a<br />
Marea Atlántica publicaba o seu manifesto<br />
fundacional e preguntáballe á<br />
<strong>cidadanía</strong> se quería dar un paso adiante<br />
para que A Coruña recuperase o pulso<br />
do seu futuro. Pouco despois, arredor de<br />
300 persoas desprazábanse, na tarde<br />
do día 21, ata a Ribeira do Cómaro. Querían<br />
escoitar, na voz dalgúns dos seus<br />
impulsores, aquel desexo común de<br />
máis e mellor democracia. Nas semanas<br />
posteriores, unhas 2.800 persoas<br />
poñían a súa sinatura ao servizo dunha<br />
iniciativa que hoxe continúa o seu camiño<br />
cara a María Pita.<br />
24.05.2015<br />
fotografía Amador Lorenzo<br />
Un grupo plural de 99 persoas, das máis<br />
diversas procedencias, profesións e<br />
experiencias políticas e de vida, dáballe<br />
nomes e apelidos ao manifesto da<br />
Marea. Anos de loita e auto-organización<br />
popular, de súpeto, atopaban unha<br />
ferramenta común para reconquistar as<br />
institucións.<br />
2012 e as europeas de 2014 amosaron<br />
na Coruña un escenario electoral favorable<br />
ás políticas concretas que reivindicaba<br />
o 15M. Tamén apuntou a necesidade<br />
de crear un espazo de confluencia.<br />
Para iso naceu a Marea Atlántica.<br />
Na prehistoria da Marea hai movementos<br />
sociais e <strong>cidadanía</strong> organizada<br />
de diversas formas, tamén iniciativas<br />
nas que varias persoas comezaron<br />
compartir espazos de traballo, como<br />
no colectivo Robin Hood ou na canle<br />
dixital de televisión Galiza Ano Cero.<br />
Fervía o sempre fecundo activismo<br />
coruñés e con el crecía a posibilidade<br />
de impulsar unha candidatura cidadá<br />
aberta á integración de forzas políticas<br />
alternativas ao modelo imperante.<br />
Desde abaixo. Tras algunhas conversas<br />
previas e informais arredor desa idea<br />
municipalista, en xuño comezan as reunións.<br />
Nunha intervención pública e<br />
nun artigo o escritor Manuel Rivas súmase<br />
á proposta e fala de “crear unha<br />
gran marea atlántica”, termo que bautiza<br />
a iniciativa, xogando coa tradición<br />
marítima da cidade e cunha chiscadela<br />
ás mobilizacións así chamadas. Decídese<br />
comezar cun manifesto que asinen<br />
99 persoas —simbolizando o 99%<br />
da sociedade agredido polas políticas<br />
ao servizo dos grandes poderes fácticos<br />
do 1% restante— e que logo se impoña<br />
o reto de alcanzar os 2.500 apoios para<br />
continuar co proceso. Diso falouse na<br />
Ribeira do Cómaro. E de moito máis.<br />
Aquel 21 de xullo de 2014 converteuse<br />
nunha data histórica para a cidade,<br />
cuxo mapa e cuxo ambiente político<br />
entraron nunha nova fase. Con todo,<br />
seguramente o máis recordado daquel<br />
masivo acto será a emoción que o empapou<br />
todo. As intervencións chamaron<br />
á épica, á unidade, á vitoria nas<br />
urnas. Representantes de numerosas<br />
forzas políticas estiveron presentes. A<br />
Marea organizábase. A Marea subía.<br />
∑ Nunha intervención<br />
pública e nun artigo o<br />
escritor Manuel Rivas<br />
súmase á proposta e fala<br />
de “crear unha gran marea<br />
atlántica”, termo que bautiza<br />
a iniciativa, xogando<br />
coa tradicíon marítima da<br />
cidade.<br />
Reunións maratonianas —coa Praza da<br />
Fariña sempre como epicentro— foron<br />
dándolle forma á iniciativa durante o<br />
verán de 2014. Todo estaba por construír.<br />
Pero cada vez había máis mans<br />
dispostas a traballar. A maioría, persoas<br />
sen adscrición partidaria, malia<br />
que algunhas formacións comezaron a<br />
achegar a súa xente ao espazo de confluencia,<br />
uníndose á que xa estaba desde<br />
o inicio. E botáronse a andar as mareas,<br />
sectoriais ou barriais. A primeira<br />
foi na Agra do Orzán. Un punto azul e<br />
unha megafonía básica esperaban na<br />
rúa Barcelona entre os nervios das convocantes,<br />
que temían pouca asistencia<br />
e respiraron cando viron que esta era<br />
masiva, unhas 200 persoas. Despois foi<br />
a quenda da Cidade Vella, da Cultura,<br />
da Mobilidade, do Feminismo, do Outro<br />
Urbanismo, dos Mallos, de Elviña,<br />
da Educación…<br />
A Marea estendíase por toda a cidade.<br />
Con ilusión. Celebrouse cun acto<br />
público o obxectivo cumprido de respaldos<br />
ao manifesto: procuraban 2.500<br />
sinaturas e superaron as 2.800. Os debates<br />
da Marea Viva, o encontro con<br />
Ada Colau, as reunións de traballo, os<br />
consensos... Moito traballo. Moitos folgos.<br />
Finalmente, todas as forzas políticas<br />
que sintonizaban coa proposta<br />
da Marea decidiron formar parte da<br />
candidatura e non presentar lista coas<br />
súas siglas. Anova, Esquerda Unida,<br />
Podemos, Espazo Ecosocialista, Equo,<br />
Partido Humanista e Compromiso por<br />
Galicia sumaban na Coruña, creando o<br />
espazo de confluencia máis amplo de<br />
Galicia e de todo o estado.<br />
Unhas primarias transparentes nas<br />
que participaron máis de 700 persoas<br />
compuxeron unha lista de unidade e<br />
liderado cidadán. Elixido por consenso<br />
e validado nas votacións, Xulio Ferreiro<br />
foi presentado como candidato á alcaldía.<br />
Un local na rúa Marqués de Pontejos<br />
convertíase no centro de operacións<br />
mareantes. A participación daba<br />
impulso ao programa electoral, para o<br />
que se recolleron centos de achegas populares.<br />
A candidatura comeza a recorrer<br />
toda a cidade. As enquisas internas<br />
dalgúns partidos confirman a posibilidade<br />
de que a Marea Atlántica chegue<br />
a gobernar. Os poderes locais comezan<br />
a manobrar contra ela, nerviosos. A ilusión<br />
nótase en milleiros de coruñeses e<br />
coruñesas.<br />
Todo comezou ao pé do mar do Orzán,<br />
na Ribeira do Cómaro. O 21 de xullo<br />
de 2014. Alí conxugáronse verbos de<br />
cambio. Propúxose unha nova ferramenta.<br />
Que xa existe. E se dirixe cara<br />
o que chaman “a primavera coruñesa”,<br />
centrada no 24 de maio de 2015 e no<br />
quilómetro cero da cidade: María Pita.<br />
Ata alí queren que suba a Marea.