O15. A cidadanía toma a palabra

oquince.gal A Coruña · Primavera de 2015
19
A ética como
obrigado punto
de partida
O Código Ético da Marea Atlántica senta as bases
dun proxecto que equipara a representantes e
representados
A. D. Petouto
Redacción
A trama de enchufes e favores
que destapou a investigación
da xuíza Pilar de Lara no
Concello coruñés non é máis
que un exemplo da vaga de
corrupción que, tal como corroboran
outros moitísimos
procedementos xudiciais, corroe
e condiciona as estruturas
e formas de goberno estatais,
autonómicas e locais. Máis esa
corrupción é, por oposición, a
forza impulsora de procesos
que, como a Marea Atlántica,
nacen ante a convicción de que
outra forma de facer política
é posible, baixo a premisa de
que a acción institucional ha
ser un compromiso de servizo
público, da xente para a xente,
sen máis privilexio. “Un grupo
municipal é parte desa cidadanía,
e debe renderlle contas
mentras traballa polos desexos
comúns”, indican desde a
Marea.
Nestas coordenadas, a plataforma
viu claro desde o principio
que só un compromiso
ético firme pode minimizar as
posibilidades de corrupción e
garantir unha institución ao
servizo da xente. Desa convicción
nace o Código Ético da
Marea, unha ferramenta que
marca as liñas de actuación do
grupo municipal, cunha doble
función: evitar o distanciamento
entre representantes
e representados e establecer
mecanismos que preveñan a
corrupción e reforcen a transparencia,
facilitando o control
da cidadanía.
Dese documento dimanan
moitas das medidas que a iniciativa
cidadá quere levar a
María Pita. Como a limitación
de oito anos (dous mandatos)
para o exercicio do cargo representativo,
do persoal de
confianza ou dun cargo directivo
de designación política,
como garante da renovación,
ou a obriga para todos eles de
facer públicas as contas (declaración
de bens, da renda
e de patrimonio) desde a súa
toma de posesión ata tres anos
despois de ter abandonado o
posto. Tamén os seus ingresos
serán accesibles e transparentes,
e o mesmo deberá ocorrer
coas contas do grupo municipal,
que serán publicadas cada
trimestre. A misma accesibilidade
rexerá as axendas dos e
das edís, as ordes do día e os
informes de cadansúa área.
“Un grupo municipal
é parte desa cidadanía,
e debe renderlle
contas mentras traballa
polos desexos
comúns”.
O Código Ético da Marea supón
a fin dos privilexios de quen
ostenta a representación pública.
Establece unha retribución
máxima para o goberno,
cargos directivos e persoal de
confianza de 40.000 euros brutos
ao ano, o que vén a ser un
soldo mensual de 2.100 euros,
o que supón unha rebaixa de
ata o 40% respecto a actualidade,
no caso do alcalde. Quedan
vetados tamén os privilexios
derivados das funcións no
Concello, desde as primas por
asistencia a outros órganos ata
o uso inxustificado do vehículo
oficial. Quedan vetado tamén
calquera regalo ou trato de
favor, que deberá ser rexeitado
e facerse público. Na mesma
liña, estipúlase que os e as
representantes da Marea non
acumularán cargos nin retribucións,
nin poderán desempeñar
responsabilidades
orgánicas en partidos políticos
o sindicatos, e tamén se cerran
as portas xiratorias, con marxes
de prohibición de ata dez
anos para entrar no consello
de administración dunha empresa
relacionada co Concello.
A rendición de contas que
impón o Código Ético enténdese
tamén como a obriga da
Marea de acatar a vontade
popular que se expresen nos
espazos de participación, e a
garantir esas canles de participación,
como é o caso dos
referendos, o método de consulta
que se establece para
aquelas decisións con impacto
urbanístico, ambiental ou social.
A revocabilidade dos cargos
é outra das claves do pacto
ético: a cidadanía ou os órganos
correspondentes poderán
recurrir a esta vía en caso de
violación do código ético ou de
incumprimento inxustificado
do programa. Tamén, en caso
de imputación (motivada por
resolución xudicial) por delitos
de prevaricación, tráfico
de influencias, enriquecimento
inxusto, suborno e malversación
de fondos públicos, ou
contra os dereitos das persoas
pola súa condición (racismo,
homofobia, violencia de xénero…),
contra os traballadores
ou contra o medio ambiente.
A promoción da igualdade,
o compromiso pola conciliación
coa vida persoal das representantes,
a defensa da
lingua galega no papel institucional
dos cargos e o respaldo
a actividade dos movementos
sociais quedan asimesmo fixados
no Código Ético.
A plataforma Marea
Atlántica viu claro
desde o principio
que só un compromiso
ético firme
pode minimizar as
posibilidades de corrupción
e garantir
unha institución ao
servizo da xente.
→
Máis información:
www.mareatlantica.org/
codigo-etico
↓ 50%
Retribucións
A Marea Atlántica reducirá
nun 50% o custo total
do goberno municipal,
aforrando un millón de
euros cada ano.
↓ 40%
Retribucións Alcalde
A Marea Atlántica reducirá
nun 40% o salario do
Alcalde.
40.000
Salario máximo
Ningún salario superará os
40.000 € brutos anuais.
2.100 €
Salario neto
Os 40.000 € brutos anuais
equivalen a un salario neto
de 2.100 € mensuais.
Os cargos electos da
Marea Atlántica, así como
o persoal de confianza
e os cargos directivos,
sempre que teñan réxime
de dedicación, renunciarán
a calquera tipo de
privilexio derivado das
súas responsabilidades,
incluídas as primas
por asistencia a outros
órganos e o emprego
inxustificado de vehículos
oficiais, equiparándose
en materia de dereitos
e obrigas a calquera
traballadora. Poderán
recibir compensacións
económicas, en todo caso,
polos gastos en transporte
—preferentemente
público—, alimentación e
aloxamento ocasionados
pola súa actividade.
As persoas electas da
Marea Atlántica non
disporán, en ningún caso,
de contas bancarias ou
intereses económicos
en paraísos fiscais e
renunciarán a calquera
regalo, privilexio ou trato
de favor que reciban en
función do seu cargo.
Ademais de rexeitalos e
devolvelos, no seu caso,
a non aceptación destes
regalos ou tratos de favor
farase pública de maneira
inmediata e explícita.
O Código Ético é un dos
documentos fundamentais
da Marea Atlántica. Unha
ferramenta para combater
a corrupción e mudar a
relación entre a cidadanía e
os seus representantes na
procura doutro xeito de facer
política.
Alberto Lema
Marea Atlántica
Escritor
Vivir seguros
non é vivir
máis vixiados,
senón poder
gozar plenamente
de todos
os dereitos e
pensar a cidade
como un
lugar de realización
das
liberdades de
todos.