O15. A cidadanía toma a palabra

More documents

Recommendations

Info

14 Radicalidade democrática Baixo a lupa da cidadanía ilustración MAT-LAB Doce medidas para dotar de transparencia a xestión municipal e crear mecanismos de fiscalización e participación cidadá ∑ Se o que se pretende é romper as distancias entre os representantes municipais e quen lle deu esa responsabilidade, cómpre estruturar protocolos que faciliten a comunicación. ∑ A veciñanza poderá ter voz e voto desde o momento da confección dos Orzamentos, para decidir en que se van investir os recursos municipais, pero tamén no control da súa execución ao longo do ano. ∑ Os mecanismos revogatorios permitirán expulsar do grupo municipal a quen incumpran de forma graves e inxustificada o programa electoral. A. D. Petouto Redacción Radicalidade. Si. Radicalidade democrática. É unha das liñas básicas coas que a Marea Atlántica se presentou aos cidadáns e ás cidadás da Coruña en xullo do 2014 e é tamén un dos eixes da política que intentará aplicar en María Pita despois das eleccións de maio. A plataforma propón unha ducia de medidas neste eido cun obxectivo común: estender a democracia na rúa e facer partícipes aos coruñeses e ás coruñesas das decisións que lles afectan. Pero iso, entenden na Marea, non é posible se esa mesma mensaxe non cala tamén de portas para dentro, na actuación do propio goberno local. Así, as ferramentas para darlle voz á veciñanza e facilitar que tome parte activa na vida municipal veñen acompañadas doutras que lle permitirán á veciñanza fiscalizar a acción de goberno e coñecer ao detalle que fan os seus representantes, como o fan e en que empregan o diñeiro público. Con este mesmo espírito, a Marea comprométese a garantir as liberdades cidadás na relación coas institucións do Concello e a promover o laicismo no funcionamento da administración coruñesa. “A Marea naceu cun obxectivo claro, mudar A Coruña, un principio que non parte só de propostas e cambios concretos, senón que esixe dotar á xente da cidade de mecanismos cos que exercer o control e de expresar os seus desexos. A cidadanía ten que ser a protagonista desa mudanza”, resume o candidato á alcaldía, Xulio Ferreiro. VOZ NO PLENO Se o que se pretende é romper as distancias entre os representantes municipais e quen lle deu esa responsabilidade, cómpre estruturar protocolos que faciliten a comunicación. Como o fará a Marea? Por unha banda, establecendo canles para garantir a participación: no Pleno do Goberno local, a través dunha quenda de palabra que se abrirá grazas á modificación do Regulamento Orgánico Municipal, e que vai permitir a todo aquel que o desexe expresar sen intermediarios opinións, propostas ou críticas, propias ou da asociación ou colectivo que representan, diante do pleno; pero tamén noutros organismos, como no Consello Social da cidade, unha figura que a plataforma considera “clave” para o diálogo social pero que hoxe non funciona na Coruña, ou nas Xuntas de Distrito, organismos de representación dos distintos barrios que, segundo estipula a Lei de Grandes Cidades, subdividen a cidade segundo un criterio territorial —unha división que, na práctica, non funciona na Coruña, e que os representantes da Marea esperan poder activar para descentralizar a xestión de cada barrio e dar máis capacidade de participación aos seus habitantes. A participación cidadá, segundo a conciben os integrantes da Marea Atlántica, ten outras vías que permitirán á veciñanza tomar a palabra, como é o Referendo, que para a fronte cidadá debe ser o mecanismo co que se tomarán as decisións “de carácter estratéxico”. Neste punto, a Marea garante que ofrecerá “mecanismos de información e debate para que a cidadanía poida coñecer polo miúdo aquelo sobre o que hai que decidir”. Nesta liña, entre as figuras que impulsará se acada a representación necesaria no Concello están os Orzamentos Participativos, nos que a veciñanza poida ter voz e voto desde o momento da súa confección, para decidir en que se van investir os recursos municipais, pero tamén no control da súa execución ao longo do ano. CONCELLO DE CRISTAL A transparencia é a outra pata dese conxunto de medidas para a radicalización democrática que quere promover a Marea Atlántica para acadar un Concello “con paredes de cristal”; transparencia que os membros da candidatura exemplifican coa “lupa” que, din, queren que os coruñeses e coruñesas poñan enriba de María Pita, como paso previo para poder participar realmente da actividade municipal. Iso comeza coa rendición de contas que deberán prestar de forma periódica os cargos públicos, tanto a través do web municipal —ou doutras plataformas telemáticas— como de forma presencial, diante do pleno, do Consello Social e das Xuntas de Distrito. A cidadanía poderá coñecer as contas dos membros do goberno local e as súas axendas, así como estar ao día da súa actividade e de todo aquilo que se desenvolve na súa área de xestión: contratos, concursos... Tamén nese obxectivo se establecerá a limitación a dous mandatos dos cargos electos da Marea. O mesmo ocorrerá coas concesións municipais, que, segundo entende a Marea, deberán estar sometidas a fi s - calización permanente, de maneira que os datos das empresas que realizan o servizo e as súas contas estean á luz pública —salvo nos casos en que a lei o impide—. Para acceder a esa información, o proxecto da iniciativa cidadá contempla a creación dunha plataforma dixital de participación que sexa bidireccional, isto é, onde a cidadanía poida consultar datos pero tamén formular demandas. A Marea prevé aínda dúas medidas máis que afectan de forma directa aos seus cargos electos: por un lado, a redución das súas retribucións nun terzo, unha baixada que chegará ao 40% no caso da alcaldía, de maneira que ningún soldo supoña máis de 40.000 euros brutos ao ano e o custo total do goberno mingüe un 50%; por outro, a inclusión de mecanismos revogatorios, que permitirán expulsar do grupo municipal a aquelas persoas que incumpran de forma grave e inxustificada o programa electoral. O mesmo acontecerá, avanza a Marea, con aqueles membros do goberno que resulten imputados —mediante resolución motivada dun xuíz— en delitos de corrupción, ou por outros relativos a condutas racistas ou homófobas, delitos de violencia sobre a muller, contra os dereitos dos traballadores e traballadores ou delitos ecolóxicos. SALVAGARDA DAS LIBERDADES CÍVICAS Para a Marea Atlántica, a radicalidade democrática implica tamén a salvagarda das liberdades cívicas que, sosteñen quen impulsan esta iniciativa municipalista, supón mudar o concepto de seguridade pública como termo contraposto a liberdade. “Vivir seguros non é vivir máis vixiados ou máis encerrados en casas con protección, senón poder gozar plenamente de todos os dereitos e pensar a cidade como un lugar de realización das liberdades de todos”, expón Alberto Lema, número sete da lista para as municipais. Isto significa, adianta, o fin das políticas de seguridade cidadá que vulneren a liberdade de expresión, os dereitos de asociación, de manifestación e de protesta. Neste mesmo eido, a plataforma aposta por poñerlle fin á privatización dos sistemas de emerxencias e impulsar servizos compartidos e coordinados con outros municipios.
oquince.gal A Coruña · Primavera de 2015 15 Marea do Agra 20 de agosto 2014 Marea da Cultura Marea da Cidade Vella 21 de agosto 2014 3 de setembro 2014 Había que saír á rúa. Só había un camiño posible para construír a Marea. De abaixo a arriba. "Se non prende na xente, é que estamos equivocadas", repetíanse as persoas que lanzaban a iniciativa. Á Agra do Orzán foron 200 persoas. Ao día seguinte, diante do Rosalía, outras tantas para botar a Marea da Cultura. E logo outro, e outra. Había fame de marea. Marea por outro Urbanismo 4 de setembro 2014 Marea de Mobilidade 11 de setembro 2014 Marea dos Municipalista 4 de outubro 2014 Marea dos Maios 24 de setembro 2014 Cooperar en código aberto. O que faga unha marea pode reutilizalo calquera outra. Non somos o mesmo, as condicións de partida son distintas, pero cabalgamos o mesmo ciclo de ruptura democrática. A Marea Atlántica deu o primeiro paso e convocou a todos os procesos que había naquela altura en Galicia a un encontro na Coruña. Compartir o que sabemos, poñer en man común o que descoñecemos. Marea Feminista 17 de setembro 2014 Encontro Ada Colau e Manolo Rivas 19 de decembro 2014 Marea de Fóra 27 de decembro 2014 Tiñamos que construír o cabalo de Troia co que nos imos presentar ás eleccións. Reunímonos primeiro para aprender, logo para traballar, máis tarde para debater e finalmente para poñernos de acordo. Aprobamos por aclamación un Código Ético, as liñas estratéxicas do que será a acción de goberno da Marea, un método para as primarias abertas e outro para o programa participativo. Marea Viva (Marea Baixa + Marea Alta) 9, 10 e 11 de xaneiro e 8 de febreiro 2015 lio Ferreiro cabeza de lista 7e 8 de marzo 2015 Dous días, máis de 700 persoas. Un proceso exemplar de participación e cooperación que deu como resultado unha candidatura forte, unida, plural e preparada para gobernar A Coruña. Á cabeza, Xulio Ferreiro, que encarna todas as almas da Marea. A das organizacións políticas. A dos movementos sociais. E a da xente común que sabe que hai que estar á altura. Primarias 7e 8 de marzo 2015 Confluencia 4 de febreiro 2015 Esta foto permanecía inédita até agora. Tomouse no que vén sendo o principal espazo de traballo da Marea Atlántica, o local da rúa Marqués de Pontejos. Todas as sensibilidades da Marea —non as cúpulas das organizacións nin nada parecido, senón a xente— reunidas para asinar os acordos da Marea Viva. Levamos na retina ese momento. Outra vez, había marea.
Page 1 and 2: A Coruña Primvavera 2015 Edición
Page 3 and 4: oquince.gal A Coruña · Primavera
Page 5 and 6: oquince.gal A Coruña que SI querem
Page 13: oquince.gal A Coruña · Primavera
Page 31 and 32: oquince.gal 31 NECROLÓXICA así re

O15. A cidadanía toma a palabra

You also want an ePaper? Increase the reach of your titles

Delete template?

Save as template?