afriga - Transmedia 2009

SANIDADE 77
OS INSECTICIDAS NON RESOLVEN O
PROBLEMA. SÓ UN 15% DA POBOACIÓN
DE MOSCAS SON ADULTOS. HAI QUE
TOMAR MEDIDAS DE CONTROL EN TODAS
AS FASES DO INSECTO
b) Loita química contra as moscas adultas
Os insecticidas máis coñecidos son as piretrinas e os piretroides,
pouco tóxicos, que se empregan habitualmente
para o tratamento directo sobre os animais. Aínda que se
poden empregar en aerosois, baños ou aspersión, o seu uso
xeralizado é en forma tópica pour-on (sobre o lombo do
animal) ou en pendentes-crotais. É recomendable empregar
este tipo de produtos nos animais que pasen a maior
parte do día nos pastos, explotados en réxime extensivo ou
semiextensivo.
A aplicación dos insecticidas tamén debe facerse nas
instalacións, sobre todo nos sitios de reprodución ou áreas
de preferencia das moscas, xeralmente lugares sombreados
ou con pouco vento, como teitos, vigas, cables, esquinas de
estruturas, etc. Os produtos máis empregados pertencen ás
familias dos organofosforados ou dos carbamatos, que hai
que manexar con coidado, pois son tóxicos tanto para os
animais coma para as persoas. Aínda que a aspersión é a
forma máis típica de empregalos, as presentacións comerciais
son moi variadas, dende os populares cebos ata pinturas
a base de insecticidas. Este tipo de control químico
adquire unha maior importancia en animais que permanecen
estabulados a meirande parte do día.
En contra do que a xente comunmente cre, os métodos
químicos non permiten por si mesmos acadar un axeitado
control das moscas. Durante moitos anos lévanse empregado
diversos tipos de matamoscas, pulverizadores ou trampas,
pero o problema nunca se resolveu de xeito definitivo.
É necesario ter en conta que aproximadamente un 15% da
poboación de moscas está constituída por adultos, o 85%
restante son ovos, larvas ou pupas. Así, confiar nun insecticida
para eliminar tan só as moscas adultas non vai permitir
acadar un nivel satisfactorio de control destes insectos.
Por esta razón, é de vital importancia levar a cabo medidas
integradas para o control das moscas, sendo a loita química
o último que se debe empregar, unha vez tomadas todas as
medidas de control pasivo.
CONTROL A LONGO PRAZO
En resumo, os mellores resultados obtéñense ao adaptar as
medidas de manexo a cada caso particular, mellorando o
manexo do xurro e esterco de tal maneira que se reduzan ó
mínimo os lugares onde as moscas poden reproducirse.
É recomendable utilizar conxuntamente métodos físicos,
químicos e biolóxicos. Por último, os tratamentos deben
aplicarse no esterco, instalacións e animais simultaneamente,
empregando combinacións de productos larvicidas
e adulticidas con principios activos non relacionados entre
si. Desta forma, se as larvas sobreviven a un tratamento
específico, morrerán polo efecto do insecticida cando sexan
adultos. Do contrario, acadar un correcto control das moscas
a longo prazo será unha tarefa máis que imposible.
La protección contra
las moscas
con 0 días de tiempo
de espera
Bayofly ®
Pour-on
BAYOFLY ® Pour-on: Solución tópica. Composición por ml: Ciflutrina 10 mg. Indicaciones: Parasitosis externas en bóvidos; contra la
infestación por moscas y tábanos en bóvidos de todas las edades, incluyendo vacas lecheras en lactación. Vía de administración: Pour-on,
vertiendo el producto sobre la línea dorsal del animal. Posología: 10 ml por animal, repitiendo a las 3 semanas, según el nivel de infestación.
Efectos secundarios: No se han observado manifestaciones secundarias locales o generales. Tiempo de espera: 0 días. Nº de registro:
9072. Presentación: Frasco dosificador de 250 ml. MANTENER FUERA DEL ALCANCE DE LOS NIÑOS - CON PRESCRIPCION VETERINARIA
AFRIGA ANO XV - Nº 80