afriga - Transmedia 2009

SANIDADE 75
Dentro das limitacións impostas polas necesidades dos
animais, debería manterse a mellor ventilación posible,
empregando ventiladores se é preciso, coa finalidade de
promover a eliminación da humidade do esterco e doutros
medios de cría de moscas. Con frecuencia, unha ventilación
insuficiente determina unha retención de humidade
nas instalacións, incluso ata o punto de que se produzan
condensacións e se mollen as paredes. Manter os animais
en condicións de aglomeración tamén contribúe ó incremento
da humidade do aire, de modo que sería necesaria
unha boa ventilación para corrixir este exceso.
MEDIDAS DE CONTROL FÍSICAS
As medidas de control físico impiden que as moscas se introduzan
nas instalacións, atraídas do exterior polos olores
que emanan da corte.
A colocación de redes mosquiteiras nas aberturas de acceso
impide a entrada de adultos na explotación, sempre
que estean fortemente axustadas, sen deixar buratos. Hai
que evitar a presencia de aberturas ó redor das conducións
de auga, gas ou electricidade. As portas deben permanecer
pechadas, sobre todo as que conducen á sala de muxido ou
de refrixeración do leite.
Lograr un bo control de moscas na explotación mediante
a aplicación unicamente deste tipo de medidas é unha
tarefa moi difícil. Sen embargo, asociadas a outras medidas
de control contribúen a evitar o aumento do número de
moscas ata niveis molestos.
Unha Axencia
Agroalimentaria
garantía da
Saúde Pública
B) ACTUACIÓNS DE ATAQUE
Implican a utilización de repelentes ou insecticidas nos
animais e nas instalacións
MEDIDAS DE CONTROL FÍSICAS
As medidas de control físico reducen de xeito activo a poboación
de moscas adultas nas cortes e constitúen un bo
complemento a outras técnicas de manexo. As máis empregadas
son as trampas eléctricas e as bandas adhesivas.
As cintas adhesivas empréganse para capturar as moscas
nos lugares onde a súa concentración é elevada. Deben colocarse
preto dos puntos de entrada, sobre todo nas épocas
de maior poboación de moscas.
Os electrocutadores de insectos adoitan empregarse en
lugares como a leitería, sala de muxido, etc. Deben situarse
preto das áreas de entrada, á altura da vista preferentemente,
e nunha posición tal que non sexan vistos dende o
exterior a través de portas ou fiestras, para evitar que a luz
ultravioleta que emana deles atraia os insectos. Hai que ter
en conta que, para manter a eficacia destes dispositivos, a
lámpada de luz ultravioleta deberá renovarse coa frecuencia
que recomende a casa fabricante.
MEDIDAS DE CONTROL BIOLÓXICAS
Como un dos medios preferentes para a reprodución das
moscas son as dexeccións do foso, este debe ser un dos lugares
de maior importancia á hora de deseñar e aplicar un
bo programa de control de moscas.
A Veterinaria, unha profesión
con moitos campos
CONSELLO
GALEGO DE
COLEXIOS
VETERINARIOS
AFRIGA ANO XV - Nº 80