afriga - Transmedia 2009

70
SANIDADE
Ciclo biolóxico das moscas. Para
planificar un programa de control hai
que ter en conta que unicamente o
15% das moscas son adultos. Fonte:
Le mosche di interesse veterinario i
muscidade, Giangaspero, Edagricole,
Bolonia (1997).
Pablo Díaz, Luis Vázquez, Vicente Dacal, Francisco Javier Pato, Sara Cienfuegos,
José Pedreira, Maria Sol Arias, Iván Francisco, Francisco Javier Cortiñas,
Estefanía Mochales, Rosario Panadero, Ceferino López, Jose Luís Suárez,
Rita Sánchez-Andrade, Adolfo Paz, Pablo Díez Baños, Patrocinio Morrondo
Parasitoloxía e Enfermidades Parasitarias. Departamento de Patoloxía Animal.
Facultade de Veterinaria de Lugo. Universidade de Santiago de Compostela.
PAUTAS PARA ACADAR UN
AXEITADO CONTROL DAS MOSCAS
Desde que o gando vacún se introduciu en aloxamentos, as moscas comezaron a
ser unha molestia, provocando diversos danos que repercuten de forma negativa na
velocidade de crecemento dos animais e na produción. Isto tradúcese en importantes
perdas económicas. Ademais, as moscas son capaces de contaminar alimentos e
transmitir axentes patóxenos.
INTRODUCIÓN
Durante os meses de primavera e verán, a combinación de
humidade e calor ambientais crea as condicións axeitadas
para que as moscas reactiven o seu ciclo biolóxico, se reproduzan
activamente e depositen os seus ovos sobre materia
en descomposición.
Se unha parella de moscas domésticas se aparease hoxe,
logrando que todas as crías vivan e se reproduzan normalmente,
a súa descendencia chegaría a cubrir a terra cunha
capa de varios metros de espesor en cuestión de catro meses.
No esterco ou no lixo, unha parella de moscas pode
reproducirse ata dar lugar, en 12 semanas, a 1,8 millóns de
parellas en tan só 6 xeracións. Son unha das pragas máis
difíciles de controlar no amplo mundo de vectores que atacan
o hábitat do home e do seu gando.
A IMPORTANCIA DO CONTROL
As moscas non constitúen tan só unha molestia, senón
que son portadoras de enfermidades que supoñen un serio
risco sanitario para persoas e animais. No caso do home,
a mosca doméstica pode transmitir unha ampla variedade
de enfermidades. Algunhas das máis comúns son as febres
tifoideas, cólera, disentería, lepra ou tuberculose.
As moscas poden transmitir xermes patóxenos de tres
maneiras:
1) A través da superficie corporal (patas, pezas bucais), xa
que están cubertas por pequenos pelos nos que queda atrapado
o material contaminante e pode ser transportado.
2) Por regurxitación de comida ó alimentarse.
3) Por inxestión e posterior defecación de patóxenos,
unha vía importante de transmisión destes,
AFRIGA ANO XV - Nº 80