afriga - Transmedia 2009

REPRODUCIÓN 63
A DIVISIÓN DE EMBRIÓNS AUMENTA O NÚMERO
DE CRÍAS ATA NUN 40% ESTA APLICACIÓN
É INTERESANTE EN VACAS QUE PRODUCEN
POUCOS EMBRIÓNS, OU SE PRODUCEN
BASTANTES, PARA VENDER ALGÚNS E SACARLLE
PARTIDO AOS QUE QUEDEN NA EXPLOTACIÓN
Laboratorios do novo edificio da UTE. Están a prepararse outros específicos para a fecundación in vitro
dos embrións e a fecundación in vitro son os aspectos máis
demandados.
Desde o principio de todo isto, a pregunta que sen dúbida
escoitei máis veces é se podemos diferenciar e escoller
os machos das femias. É unha pregunta obrigada que todos
os gandeiros cos que traballamos teñen formulado nun
momento ou outro. A resposta que viñamos dando é que
era posible, pero que nós non dispoñiamos da tecnoloxía
necesaria. Ademais, repercutir o custo da aplicación desa
técnica no gandeiro, máis a perda de fertilidade, desaconsellaba
iniciar ese percorrido.
A situación hoxe é un pouco diferente. Ademais de que
o uso dos embrións está máis consolidado, os avances na
técnica fano máis asequible, tanto polo custo dos materiais
como polo tempo a dedicar á aplicación da sexaxe.
En novembro do 2009 publicouse un novo método de
diagnóstico do sexo do embrión en gando vacún en Estados
Unidos. Tiven o privilexio de facer unha estancia de 15
días en dous centros de investigación americanos coñecendo
o tema de primeira man. A partir de aí, en Bos tamén
imos poder sexar os embrións. Teremos que decidir en que
ocasións convén facelo e en cales non é ventaxoso.
DIVISIÓN DO EMBRIÓN
O primeiro paso é a micromanipulación do embrión. Podemos
dividir un embrión en dous ou obter un anaco, unha
biopsia, que é o que despois se analizará para diagnosticar
o sexo ou outras cualidades dos xenes que busquemos
(diagnóstico preimplantacional).
Os aparellos que se empregan son múltiples, desde os
máis rudimentarios e básicos ata outros complexos e carísimos.
Nós optamos de entrada por unha opción práctica,
barata e de posible uso a nivel de campo. Esta máquina e o
Twiner System: o xemelador. Está deseñada para dividir o
embrión en dúas metades idénticas.
Para conseguir cortar o embrión, primeiro temos que
inmobilizalo nun medio especial que fai que se pegue ao
fondo. Inmediatamente despois, procédese a cortalo. Para
retiralos hai que engadir outra substancia que o despega
(Retrieval Medium). Despois pásanse a un medio convencional,
desde onde poden ser transferidos o antes posible
á receptora ou receptoras: cada metade nunha receptora
distinta ou as dúas metades na mesma.
Das dúas metades dun mesmo embrión van saír animais
idénticos, por suposto do mesmo sexo. Non hai risco
de freemartinismo no caso de transferir as dúas metades
xuntas. As reses resultantes poden ter algunha diferencia
pequena na capa, na distribución das manchas, debido a
efectos epixenéticos, pero basicamente son idénticas e capaces
de transmitir as mesmas características á súa descendencia.
Este sistema aumenta o número de crías aproximadamente
nun 30% Pódese acadar un aumento do 40%, chegando
a nacer ás veces máis animais que embrións de partida.
Cando menos, podemos contar co mesmo número de
crías que de embrións.
Esta aplicación é especialmente interesante en vacas que
producen un baixo número de embrións, só 1 ou 2 en cada
extracción. Ou ben no caso de producións moderadadas,
de 6 embrións, para vender catro e sacarlles o máximo partido
aos 2 que queden na explotación.
SEXAXE DO EMBRIÓN
A micromanipulación dos embrións ofrece outra posibilidade,
que é obter unha porción de células, unha biopsia.
Hai datos publicados xa desde o ano 2000 sobre o uso
rutinario da sexaxe mediante biopsia de embrións. É un
método relativamente recente, pero xa suficientemente
contrastado. Representa unha agresión ao embrión, pero o
resultado en preñeces é satisfatorio.
AFRIGA ANO XV - Nº 80