afriga - Transmedia 2009

62
REPRODUCIÓN
(*) Transcrición íntegra da conferencia impartida nas II Xornadas Técnicas de Produción de Leite de Afriga e Africor Lugo. Lugo, 13 de febreiro do 2009.
Daniel Martínez Bello
UTE de Bos. Fefriga
Técnicos
traballando no
laboratorio da
UTE de Bos
SEXAXE EMBRIONARIA, DIVISIÓN
E FECUNDACIÓN IN VITRO (*)
A transferencia embrionaria presenta aspectos novidosos que pronto estarán ao
alcance do sector en Galicia. As técnicas máis avanzadas vanse aplicar a curto e medio
prazo na Unidade de Transferencia Embrionaria (UTE) de Bos. A sexaxe e división de
embrións e a fecundación in vitro serán en poucos anos realidades tan consolidadas
coma a inseminación artificial.
Na UTE de Bos levamos 16 anos traballando en
transferencia embrionaria, no propio centro e nas ganderías.
Por un lado, logrouse unha poboación importante de
vacas doantes de embrións de xenética de élite. Só unha
pequena parte delas está localizada na propia UTE, mentres
que a gran maioría atópanse distribuídas nas ganderías
por Galicia adiante.
Por outro lado conseguiuse, polo menos en certa medida,
normalizar ou facer máis cercano ou rutinario o uso da
transferencia embrionaria nas ganderías en Galicia.
Nos últimos anos estamos a facer arredor de 300 extraccións
de embrións, o que supón producir e transferir máis
de 1.500 embrións ao ano. Isto significa o nacemento dunha
femia de embrión cada un dos 365 días do ano.
No mes de setembro do 2008 inaugurábanse unhas instalacións
en Bos que constan basicamente de laboratorios
e dotacións para aumentar a cantidade e a calidade do
traballo que fai a UTE e os servizos que poderá ofrecer
nas explotacións. Unha peza máis do conxunto é un laboratorio
móbil, instalado nunha furgoneta, que posibilita
traballar máis, facer máis recollidas de embrións e tamén
crear mercados novos, dado que facilitará os intercambios
entre ganderías.
En definitiva, estamos diante dun aumento da actividade,
pero sobre todo é evidente a consolidación dun programa
de uso da transferencia embrionaria no campo. Todo isto
crea demandas e expectativas novas dos gandeiros que nós
estamos obrigados a satisfacer. En boa medida, a sexaxe
AFRIGA ANO XV - Nº 80