afriga - Transmedia 2009

6
CONVOCATORIAS
II CONCURSO DE CRIADORES SAN ISIDRO LABRADOR. SARRIA, 9-10 DE MAIO
Fotos: Teresa Sánchez (Africor Lugo)
Lotes dos criadores
19 GANDERÍAS PRESENTARON 46 RESES NO
CONCURSO DE CRIADORES DE SARRIA
O Concurso de Criadores San Isidro Labrador de Sarria alcanzou a madurez na súa
segunda edición. 19 ganderías, entre as que se contaban algunhas das máis relevantes
da provincia, presentaron 46 animais en pista. O nivel de calidade foi alto e un público
numeroso achegouse ao mercado gandeiro da vila para presenciar os concursos.
O Concello de Sarria pretende
con este concurso promocionar o labor
de cría de gando frisón na comarca
de Sarria e, en xeral, na provincia de
Lugo. Das 19 ganderías que concorreron
nesta segunda edición, unha decena
eran da comarca de Sarria. O xuíz
foi o asturiano Francisco Javier Freije,
que fixo un traballo de avaliación moi
concienzudo e didáctico, aproveitando
ademais a súa intervención para
reivindicar que as administracións
públicas se impliquen activamente na
defensa do sector nuns momentos de
gran dificultade.
O concurso ten como requisito
que os animais presentados sexan
nacidos na propia explotación ou
ben nun centro de recría. A proba
contou con seis seccións, nas que
participaron animais de ata seis meses
de idade. O sábado 9 pola tarde
desputouse o concurso de criadores,
e o domingo 10 pola mañá, os de
manexadores.
A gandería Nodi, de Barreiros,
conseguiu o premio ao mellor animal
do concurso con Nodi Affirmed
Lola, unha xata de 15 meses nun bo
momento de forma, xa que foi tamén
xovenca gran campiona en Moexmu
2009. O xuíz salientou dela a súa estrutura
leiteira e as súas patas.
O concurso de criadores e o
de manexadores formaron parte
da programación xeral do San
Isidro de Sarria, que ademais
incluíu a exposición de maquinaria
agrícola, gando (de Acruga
e das asociacións de criadores
de razas autóctonas) e produtos
de calidade. O sábado houbo
unha degustación de produtos
tradicionais e o domingo, unha
exhibición equina.
AFRIGA ANO XV - Nº 80