afriga - Transmedia 2009

58
INSTALACIÓNS
Fig. 28.- Correas articuladas tipo gerber
As táboas 1 a 3 permiten seleccionar directamente a luz
libre da correa biapoiada (Táboa 1) e a luz libre de cada
tramo no caso de correas continuas (Táboa 2) ou correas
tipo gerber (Táboa 3).
Estas táboas obtivéronse conforme ás regras de cálculo
definidas no Código Técnico da Edificación, tanto polo
que se refire á determinación de accións como ao relativo
ao dimensionado de seccións. As condicións de traballo
veñen indicadas nas propias táboas, tratándose neste caso
de cubertas a unha ou dúas augas, de chapa metálica, cun
10% de inclinación de faldón e un intereixo de correas no
plano de cubierta de 1,5 metros.
As táboas proporcionan directamente a luz máxima (en
metros) que se pode cubrir por tramo para unha sección
transversal tipo, relacionándose ademais coa altitude topográfica
sobre o nivel do mar no que se vai situar a construción.
OS TRATAMENTOS PREVENTIVOS
CONSISTEN EN INTRODUCIR NA MADEIRA
ELEMENTOS QUÍMICOS SOLUBLES
EN AUGA, QUE ACTÚAN COMO UNHA
BARREIRA CONTRA A ACCIÓN DE FUNGOS
E INSECTOS
Como información adicional, as táboas indican, a través
dun superíndice, o factor limitante no dimensionado, de
acordo cos seguintes criterios:
- 1: O factor limitante é a tensión.
- 2: O factor limitante é a deformación.
- 3: Limitan tanto a tensión como a deformación.
NOTA DOS AUTORES. Os datos publicados neste
artigo son resultado dos traballos realizados ao abeiro do
convenio Desenvolvemento de modelos construtivos con
base en madeira de pinus pinaster Ait. de aplicación en
construcións no eido agroforestal en Galicia, subscrito
en decembro do 2007 entre a Universidade de Santiago de
Compostela e a Consellería do Medio Rural da Xunta de
Galicia.
AFRIGA ANO XV - Nº 80