afriga - Transmedia 2009

52
INSTALACIÓNS
En función da orientación das táboas individuais no
conxunto do peche, pódense distinguir tres situacións:
- Peche vertical: As táboas dispóñense verticalmente
respecto do chan (Figura 20). Permiten que a auga
de chuvia escorregue seguindo a dirección da veta, o
que redunda nunha vida útil máis longa.
- Peche horizontal: As táboas colócanse horizontalmente
con respecto ao chan (Figura 21). A auga de
chuvia esvara peor pola superficie ao ter a veta en
horizontal.
- Peche oblicuo: As táboas ordénanse de forma oblicua
respecto do chan. Esta última opción é menos
utilizada por aumentar a complexidade de colocación.
Fig. 20.- Peche vertical
Fig. 19.- Combinación aceiro-madeira
ELEMENTOS DE PECHE
A misión do peche é illar o interior das construcións do
exterior para conseguir unhas condicións ambientais axeitadas
para o desenvolvemento da actividade produtiva. Os
peches de madeira constitúen unha solución ideal no eido
agrario, presentando as seguintes características:
- Contribúen á integración ambiental da construción
- Están formados por elementos fáciles de montar e
de substituír se é preciso.
- Non se necesita material de primeira calidade nin
as táboas se ven afectadas no seu cometido polas
singularidades de crecemento da árbore (nós, desviación
da fibra, etc.)
- Admiten varias formas de colocación en función da
súa ubicación.
En xeral, os peches estarán formados por táboas individuais
que se colocan mediante elementos metálicos tipo
cravo ou tirafondo sobre elementos de soporte. A cara exposta
ao exterior será a máis próxima ao corazón do toro
do que se obtivo en serra, podendo practicarse ranuras
duns 5 mm de profundidade na cara oculta para absorber
as tensións e as fendas de secado.
Aínda que hai variabilidade nas dimensións das táboas
que o compoñen, polo xeral o espesor estará comprendido
entre 20 e 25 mm e a anchura das táboas, entre 120 e 160
mm.
Fig. 21.- Peche horizontal.
A colocación das táboas de peche pódese realizar sobre
correas laterais (Fig. 22) ou sobre un armazón ou marco
auxiliar (Fig. 23). Segundo a disposición das táboas pódese
falar de peches con xunta pechada (Fig. 23) ou con xunta
aberta (Fig. 22).
Os peches con xunta pechada proporcionan estanqueidade
contra o vento e a auga de chuvia, mentres que os peches
con xunta aberta (aproximadamente 2 cm de anchura
de abertura) garanten unha correcta ventilación sen necesidade
de recorrer a ocos practicables tipo ventá. Como se
indica na Figura 24, é posible combinar todas estas situacións
nun único pano de peche.
AFRIGA ANO XV - Nº 80